শেনমিৎলোন্দা মন্ত্রীমন্দলগী মীফম (সি.সি.ই.এ.)

মন্ত্রী-মন্দলনা দীপ ওসীন মিসন অয়াবা পীরকখ্রে

Posted On: 16 JUN 2021 3:33PM by PIB Imphal

প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাঙথোকখিবা কেবিনেৎ কম্মিতি ওন ইকনোমিক এফিয়র্সনা সমুদ্রগী ঈরোলনুদা রিসোর্সশিং থিদোক্নবা অমসুং সমুদ্রগী রিসোর্সশং অসি সস্তেনেবল ওইনা শিজিন্ননবা দীপ সী তেক্নোলোজীশিং দিবেলপ তৌনবগী ৱাখল্লোন্দা আর্থ সাইন্সেস মন্ত্রালয় (এম.ও.ই.এস.)কী “দীপ ওসীন মিসন”গী প্রপোজেল অয়াবা পীখ্রে।

তাঙ্কক নাইবা মওংদা চহি ৫ ইমপ্লিমেন্ত তৌগদবা মিসন অসিগী চাউরাকপা শেনফম অসি লুপা করোর ৪০৭৭ ওইগনি। অহানবা তাঙ্ককী ওইনা চহি ৩গী চাউরাকপা শেনফম অসি লুপা করোর ২৮২৩.৪ ওইগনি। দীপ ওসীন মিসন অসি ভারত সরকারগী ব্যু ইকনোমীগী থৌরাংশিং অসি মতেং পাংনবা মিসন মোদ প্রোজেক্ত অমা ওইগনি। মল্তি-ইন্সতিত্যুস্নেল ওইবা অচৌবা মিসন অসিগী ইমপ্লিমেন্ত তৌরিবা নোদেল মিনিস্ত্রী অসি আর্থ সাইন্সেস মন্ত্রালয় (এম.ও.ই.এস.)না ওইরগনি।

দীপ ওসীন মিসনদা পীরিবা মরুওইবা কম্পোনেন্ত তরুক অসি য়াওরি:

  1. দীপ সী মাইনিং অমসুং মেন্দ সবমর্সিবলগী তেক্নোলোজীশিং দিবেলপ তৌবা: সাইন্তিফিক সেন্সরশিং অমসুং খুৎলাইশিং য়াওবা স্যুৎকা লোইননা সমুদ্র মনুংদা মিতর ৬০০০কী অরুবা ফাওবা মীওই অহুম পুদুনা চৎকদবা মেন্দ সবমর্সিবল অমা দিবেলপ তৌগনি। লৈবাক খরা খক্তনা মসি তৌবা ঙম্লি। সেন্ত্রেল ইন্দিয়ন ওসীনদা মিতর ৬০০০ লুনা মাইনিং পোলীমেতালিক নোদ্যল্সকীদমক ইন্তিগ্রেতেদ মাইনিং সিস্তেম অমসু দিবেলপ তৌগনি। মিনরেলশিংগী এক্সপ্লোরেসন স্তদীজনা তুংলমচৎতা অমসুং য়ু.এন.গী ওর্গনাইজেসন অমা ওইরিবা ইন্তরনেস্নেল সীবেদ ওথোরিতীনা কম্মর্সিএল এক্সপ্লোইতেসন কোদ শেম্লবা মতমদা কম্মর্সিএল এক্সপ্লোইতেসন তৌনবগী লম্বী য়াৎলগনি। কম্পোনেন্ত অসিনা সমুদ্র ঈরোলনুংদা লৈরিবা মিনরেলশিং অমসুং ইনর্জী থিদোক্নবা অমসুং শিজিন্ননবা ব্ল্যু ইকনোমী প্রাইওরিতী এরিয়াদা মতেং ওইরগনি।

 

  1. ওসীন ক্লাইমেৎ চেঞ্জ এদভাইজরী সর্ভিসেস দিবেলপ তৌবা: প্রুফ ওফ কন্সেপ্ত কম্পোনেন্তগী মখাদা মরুওইবা ক্লাইমেৎ ভেরাইএবলশিং অসি সিজনেলদগী দেকাদেল তাইম স্কেলশিং খঙনবা অমসুং তুংলমচৎকীদমক প্রোজেক্সনশিং তৌনবা ওবজর্বেসনশিংগী স্যুৎ অমা অমসুং মোদেলশিং দিবেলপ তৌগনি। কম্পোনেন্ত অসিনা কোস্তেল তুরিজমগী  ব্ল্যু ইকনোমী প্রাইওরিতী এরিয়াদা মতেং ওইরগনি।

 

  1. দীপ-সী বাইওদাইভর্সিতীগী এক্সপ্লোরেসন অমসুং কঞ্জর্বেসনগীদক্তা তেক্নোলোজীগী ওইবা ইন্নোভেসনশিং: মাইক্রোবশিং য়াওনা সমুদ্র ঈরোল নুংদা লৈরিবা ফ্লোরা অমসুং ফৌনাগী বাইও-প্রোস্পেক্তিং অমসুং সমুদ্র ঈরোল নুংদা লৈরিবা বাইও-রিসোর্সশিং অসি সস্তেনেবল ওইনা শিজিন্ননবা স্তদীজ তৌবনা মপুং ওইবা পান্দম ওইগনি। কম্পোনেন্ত অসিনা মেরিন ফীসরীজ অমসুং মরী লৈনবা সর্বিসশিংগী ব্ল্যু ইকনোমী প্রাইওরিতী এরিয়াদা মতেং ওইরগনি।

 

  1. দীপ ওসীন সর্ভে অমসুং এক্সপ্লোরেসন: কম্পোনেন্ত অসিগী মপুং ওইবা পান্দমদি ইন্দিয়ন ওসীনগী মিদ-ওসীনিক রিদজশিংদা লৈরিবা মল্তি-মেতল হাইদ্রোথর্মেল সল্ফাইদস মিনরেলাইজেসন তৌরিবা মফমশিং থিদোকপা অমসুং খঙদোকপা অসিনি। কম্পোনেন্ত অসিনা সমুদ্রগী রিসোর্সশিংগী দীপ সী এক্সপ্লোরেসন তৌবদা ব্ল্যু ইকনোমী প্রাইওরিতী এরিয়াগী অহেনবা মতেং ওইরগনি।

 

  1. সমুদ্রগী ইনর্জী অমসুং ফ্রেশৱাতর: প্রুফ ওফ কন্সেপ্ত প্রপোজেলদা ওফশোর ওসীন থর্মেল ইনর্জী কঞ্জর্বেসন (ও.তি.ই.সি.) পাৱর তৌবা দিসেলাইনেসন প্লান্তগী স্তদীজ অমসুং কুপথনা ইঞ্জিনীয়রিং দিসাইন তৌনবা পান্দম থমখি। কম্পোনেন্ত অসিনা ওফশোর ইনর্জী দিবেলপমেন্তগী ব্ল্যু ইকনোমী প্রাইওরিতী এরিয়াদা মতেং ওইরগনি।

 

  1. ওসীন বাইওলোজীগীদমক এদভান্স মেরিন স্তেসন: কম্পোনেন্ত অসিনা ওসীন বাইওলোজী অমসুং ইঞ্জিনীয়রিংদা হ্যুমেন কেপাসিতী অমসুং ইন্তরপ্রাইস দিবেলপ তৌনবা পান্দম থমখি। কম্পোনেন্ত অসিনা রিসর্চপু ওন-সাইৎ বিজিনেস ইনক্যুবেতর ফেসিলিতীশিংগী খুত্থাংদা ইন্দস্ত্রিএল এপ্লিকেসন অমসুং প্রদক্ত দিবেলপমেন্তদা ওন্থোক্কনি। কম্পোনেন্ত অসিনা মেরিন বাইওলোজী, ব্ল্যু ত্রেদ অমসুং ব্ল্যু মেন্যুফেকচরিংগী ব্ল্যু ইকনোমী প্রাইওরিতী এরিয়াদা মতেং ওইরগনি।

সমুদ্র ঈরোলনুংগী মাইনিংদা মথৌ তাবা তেক্নোলোজীশিং অসি স্ত্রেতেজিক ইম্পলিকেসনশিং লৈ অমসুং কম্মর্সিএল ওইনা ফংদে। মরম অদুনা মাংজিল থারিনা ইন্সতিত্যুতশিং অমসুং লনাই ইন্দস্ত্রীশিংগা খুৎশম্নরগা মশাগী ওইবা তেক্নোলোজীশিং পুথোক্নবা হোৎনরি। ইন্দিয়ন শীপয়ার্দতা মীওই কয়া থবক ফংহনবগী খুদোংচাবা পীরগদবা সমুদ্র ইরোলনুং এক্সপ্লোরেসন তৌনবা রিসর্চ ভেসেল অমা শেম্লগনি। মসিগী মিসন অসিনা ভারতকী ইন্দ্সত্রীশিংদা থবক্কী খুদোংচাবা পীগদবা মেরিন বাইওলোজীগী কেপাসিতীগী মাইকৈদসু চৎলি। মসিগী মথক্তা দিজাইন দিবেলপ তৌবা অমসুং অখন্নবা খুৎশু খুলাইশিং, জহাজশিং ফেব্রিকেসন তৌবা অমসুং মথৌতাবা ইনফ্রাস্ত্রকচরশিং শেমগৎপনা ভারতকীগী ইন্দস্ত্রীগী, অখন্ননা এম.এস.এম.ই. অমসুং স্তার্ত-অপশিং গ্রোথ হেনগৎহল্লগনি হায়না পানরি।

মালেম অসিগী শরুক চাদা ৭০ ওইরিবা সমুদ্রশিং অসি ঐখোয়গী পুন্সিদা মরুওইবা শরুক অমা ওইরি। সমুদ্রগী ঈরোলনুংগী চাদা ৯৫ ঐখোয়না থিজিনবা ঙমদ্রি। ভারতকী ওইনা মাইকৈ অহুম সমুদ্রনা কোইশিনবা অমসুং লৈবাক অসি অপুনবা মীশিংগী চাদা চাওরাক্না ৩০না সমুদ্র তোর্বান্দা খুন্দাবনা সমুদ্র অসি ফিসরীশিং অমসুং এক্বাকলচ, তুরিজম, হিংনবগী পাম্বৈশিং অমসুং ব্ল্যু ত্রেদ শৌগৎলিবা অচৌবা শেন্মীৎলোনগী ফেক্তর অমা ওইরি। সমুদ্রশিং অসি চিঞ্জাক, ইনর্জী, মিনরেলশিং, হীদাক লাংথকশিং, নুংজু নুংশা অমসুং অইং অসাগী মোদ্যুলেতর অমসুং পৃথীবিদা লৈরিবা জীবশিংগী স্তোরহাউসসু ওইরি। সস্তেনিবিলিতীদা সমুদ্রশিংগী মরুওইবা অসি য়েংলগা য়ুনাইতেদ নেসন্স (য়ু.এন.)না দিকেদ, ২০২১-২০৩০ অসি দিকেদ ওফ ওক্সিন সাইন্স ফোর সস্তেনেবল দিবেলপমেন্ত হায়না লাওথোকখ্রে। ভারতকী অখন্নবা মেরিতাইম পোজিসন অমা লৈ। ৭৫১৭ শাংবা সমুদ্র তোর্বান অসি সমুদ্র তোর্বান্দা লৈবা রাজ্যশিং অমসুং ইথৎ ১৩৮২কী ময়ুম ওইরি। ভারত সরকারগী ২০১৯গী ফেব্রুৱারীদা হৌদোকখিবা ২০৩০ ফাওবগী ভিজন ন্যু ইন্দিয়াদা চাওখৎ থৌরাংগী মরুওইবা হীরম ১০গী মনুংদা ব্ল্যু ইকনোমী অসি অমা ওইরি।

*****



(Release ID: 1727647) Visitor Counter : 43