এফ.আই.সি.সি.আই.না ইন্দস্ত্রী পার্তনর ওইদুনা কোইলা মন্ত্রালয়গা পুন্না ঙসি কম্মর্সিএল মাইনিংগী কোল মাইনশিং নীলাম লাউবগী অনিশুবা ত্রাঞ্চতা স্তেকহোল্দরশিংগী অহানবা খন্ন-নৈনবগী মীফম অমা পাঙথোকখ্রে। ঙসি ভর্চ্যুএল ওইনা অহানবগী স্তেকহোল্দরগী খন্ন-নৈনবা অনি মথং-মথং পাঙথোকখিবা অদুদা কোল অমসুং মাইনিংগী বিজিনেসকী মরু ওইবা প্লেয়রশিং, ইক্বিপমেন্ত শারিবশিং, মাইন দিবেলপর্স এন্দ ওপরেতর্স (এম.দি.ও.শিং) অমসুং ফাইনান্সিএল ইন্সতিত্যুসনশিংনা শরুক য়াবা উবা ফংখি।

শরুক য়ারিবশিংদা ৱা ঙাংবদা কোইলা মন্ত্রালয়গী এদিস্নেল সেক্রেতরী অমসুং শক খঙলবা ওথোরিতী ওইরিবা শ্রী এম. নগরাজুআ হায়: “কোল মাইনশিং নীলাম লাউবগী অনিশুবা ত্রাঞ্চ অসিদা ঐখোয়না অপুনবা রিসোর্স বিলিয়ন ৩৬রোম ওইবা মাইন ৬৭ অমসুং পি.আর.সি.শিংদা মিলিয়ন তন (এম.তি.) ১৫০গী এক্সপ্লোর তৌরবা মাইনশিংগী খুদোংচাবা পীরি। মসি লৈবাক অসিগী কোল মাইনশিংদা পীরিবা খ্বাইদগী অচৌবা ওফর অমনি”। মহাক্না মখা তারদুনা হায় অয়াম্বা কোইলা লৈরিবা রাজ্য পুম্নমক্তা পীরিবা ওফরশিং অসিনা মখোয়গী মথৌ তাবশিংগী মতুং ইন্না ইন্দস্ত্রীনা মরী লৈনবা অমদি কান্নরবা মাইনশিং খন্নবগী অচৌবা খুদোংচাবা পীরি।

মতেং পুম্নমক পীরিবা ইন্দস্ত্রীদা থাজবা পীরদুনা শ্রী নগরাজুনা হায়, “হৌজিক চত্থরিবা নীলাম লাউবগী ত্রাঞ্চ অসিদগী কোইলা মন্ত্রালয়না নীলাম লাউদবা মাইন অমা হেক্তা নীলাম লাউবগীদমক পোর্তেলদা থম্নবা ওক্সন মেকানিজম অমা পুথোক্নবা হোৎনরি, লোইননা অহেনবা মাইনশিং লৈরকপগা হাপচিল্লি”।

শ্রী মনোজ কুমার, সি.এম.দি., সি.এম.পি.দি.আই.এল. অমসুং দবল্যু.সি.এল.না হায় ত্রাঞ্চ অসিদা কোল ব্লোক ৬৭ লৈ, ২৩না সি.এম.এস.পি.নি অমসুং ৪৪না এম.এম.দি.আর. ব্লোকশিংনি; ৩৭তি মপুং ফানা এক্সপ্লোর তৌখ্রে অমরোমদা লেমহৌরিবা ৩০না শরুক খরা/রিজনেল ওইনা এক্সপ্লোর তৌখ্রে।

‌এফ.আই.সি.সি.আই.গী সেক্রেতরী জেনরেল ওইরিবা শ্রী দিলিপ চেনোইনা কম্মর্সিএল কোল মাইনশিংগী নীলাম লাউবগী অনিশুবা ত্রাঞ্চ অসি ইন্দস্ত্রীশিংগী তোঙান-তোঙানবা শরুক্তা কোইলা ফংবা হেনগৎহন্নবা হোৎনরিবা অমসুং কোইলা মপালদগী পুশিল্লক্তুনা মীপাল তাংলিবা অসি হন্থহন্নবা মরুওইবা খোঙথাং অমনি হায়না ফোঙদোকখ্রে। অকোইবগী খলদা কাইহনদবা অমসুং সস্তেনেবল মাইনিং ওইহনবা, কোল গ্যাস্তিফিকেসন অমসুং সি.বি.এম. প্রোজেক্তশিং য়াওনা কত্তিং-এদজ তেক্নোলোজীশিং শিজিন্নবনা হোৎনরিবা অসিদা চাউনা খুমাং চাউশিনহনবদা মতেং ওইরগনি হায়না মহাক্না মখা তাখ্রে।

এফ.আই.সি.সি.আই.গা লোইননা কোইলা মন্ত্রালয়না পুন্না পাঙথোকখিবা অৱাংবা থাক্কী হৌদোকপগী থৌরম অমগী খুত্থাংদা হৌখিবা চহিগী জুন ১৮, ২০২০দগী হৌখিবা কম্মর্সিএল কোল মাইনিং নীলাম লাউবগী থৌওং অসিগী মতুংদা নীলাম লাউবগী অনিশুবা ত্রাঞ্চ অসিনা লৈবাক অসিদা অচৌবা কোইলাগী কৈথেল অমা শেমগৎপদা, শেন্মীৎলোনদা খুমাং চাউশিনহন্নবা অমসুং থবক পীনবগী মালেমগী ওইবা খ্বাইদগী অফবা পাম্বৈশিং পুরক্লগনি হায়না পান্নরি।

অনিশুবা ত্রাঞ্চকী নীলাম লাউবগী থৌওং অসি কেন্দ্রগী কোইলা মন্ত্রী, শ্রী প্রলহাদ জোশি অমসুং নিতি আয়োগকী সি.ই.ও. শ্রী অমিতাব কান্তনা কোইলা মন্ত্রালয়গী মকোক থোংবা ওফিসিএলশিং অমদি মরু ওইবা দিগ্নিতরীশিংগী মমাংদা মার্চ ২৫, ২০২১দা হৌনবা মতুং ইন্না হৌদোকখি।

এপ্রিল ২৬, ২০২১দা পাঙথোকখিবা প্রি-বিদকী মীফমগা মতুংদা কোইলা মন্ত্রালয়না মতিং লৈবা বিদ্দরশিং হেন্না য়ৌশিনবা ঙম্নবা এফ.আই.সি.সি.আই.গী লুচিং মখাদা স্তেকহোল্দরগী খন্ন-নৈনবা মথং-মথং অনিরক পাঙথোক্লি।

নীলাম লাউবা অসি তাঙ্কক ২গী মনুং-মপান ফাওনা উবা ঙম্বা থৌওং অমগী খুত্থাংদা ওনলাইন্দা পাঙথোক্কনি। নীলাম লাউবগী থৌওং অসিদা তৌগদবা মরু ওইবা হীরমশিং অদুদি – বিদ্দিং তৌবা অদু পর্সন্তেজ রিভেন্যু সিয়রদা য়ুম্ফম ওইনা মার্কেৎ লিঙ্ক মেকানিজম, নেস্নেল কোল ইন্দেক্সকা লিঙ্ক তৌবা পেমেন্তশিং, মমাংদা কোল মাইনিংগী এক্সপরিয়েন্স লৈত্রবসু লায়না শরুক য়াহনবা, পেমেন্ত স্ত্রকচর চাউথোকহনবা, ঙন্না পুথোক্নবগী ইন্সেন্তিবশিং পীবা অমসুং ক্লীন তেক্নোলোজী শিজিন্নবগী খুত্থাংদা নীংথিজনা প্রমোসন পীবা, ওপরেতিং তর্মশিংদা ফ্লেক্সিবল ওইহনবা অসিনচিংবা।

তেন্দরগী চে-চাং য়োনবা অসি মার্চ ২৫, ২০২১দগী হৌখ্রে অমসুং বিদকী দ্যু দেৎনা জুন ২৪, ২০২১দা ওইরি। মাইনশিং, নীলাম লাউবগী কাংলোনশিং, মতমশিং অসিনচিংবগী অকুপ্পা ৱারোল পীরিবা লিঙ্ক অসিগী খুত্থাংদা ফংবা য়াগনি:

https://www.mstcecommerce.com/auctionhome/coalblock/index.jsp

***