ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ

ಸಾರ್ಸ್-ಕೋವಿ-2 ವೈರಾಣುವನ್ನು ಎದುರಿಸಲು ಯುವಿ(ನೇರಳಾತೀತ) ಸೋಂಕು ನಿವಾರಕ ತಂತ್ರಜ್ಞಾನವನ್ನು 27 ದೇಶೀಯ ತಯಾರಕರಿಗೆ ವರ್ಗಾಯಿಸಿದ ʻಸಿಎಸ್ಐಆರ್-ಕೇಂದ್ರೀಯ ವೈಜ್ಞಾನಿಕ ಸಲಕರಣೆ ಸಂಸ್ಥೆʼ(ಸಿಎಸ್ಐಒ)

Posted On: 22 MAY 2021 6:43PM by PIB Bengaluru

ಸಾರ್ಸ್-ಕೋವಿ-2 ವೈರಾಣು ಗಾಳಿಯಲ್ಲಿ ತೇಲಾಡುತ್ತಿರುವ ದ್ರವ ಕಣಗಳ ಮುಖಾಂತರ  ವಾಯುಮಾರ್ಗದಲ್ಲೂ ಪ್ರಸರಣವಾಗುವ ಬಗ್ಗೆ ಇತ್ತೀಚೆಗೆ ಹೆಚ್ಚಿನ ಪುರಾವೆಗಳು ದೊರೆತಿದ್ದು, ಈ ಬೆಳವಣಿಗೆಯನ್ನು ಅಂತರರಾಷ್ಟ್ರೀಯ ಸಂಸ್ಥೆಗಳಾದ ವಿಶ್ವ ಆರೋಗ್ಯ ಸಂಸ್ಥೆ, ʻರೆಹ್ವಾʼ, ʻಆಶ್ರೇʼ ಮತ್ತು ವಿವಿಧ ದೇಶಗಳ ಆರೋಗ್ಯ ಇಲಾಖೆಗಳು ಅತ್ಯಂತ ಮಹತ್ವದ ವಿಚಾರವಾಗಿ ಪರಿಗಣಿಸಿದ್ದಾರೆ. ಒಳಾಂಗಣಗಳಲ್ಲಿ ಗಾಳಿಯಲ್ಲಿ ಹರಡುವ ಪ್ರಸರಣವು ದೊಡ್ಡ ಅಪಾಯವಾಗಿದೆ. ಗಮನಾರ್ಹ ವಿಷಯವೆಂದರೆ, ʻಸಿಎಸ್ಐಆರ್ʼನ ಪ್ರಯೋಗಾಲಯಗಳು, ಸೆಲ್ಯುಲಾರ್ ಅಂಡ್ ಮಾಲಿಕ್ಯುಲಾರ್ ಬಯಾಲಜಿ ಕೇಂದ್ರ (ಸಿಎಸ್ಐಆರ್-ಸಿಸಿಎಂಬಿ) ಮತ್ತು ʻಸಿಎಸ್ಐಆರ್-ಸೂಕ್ಷ್ಮಾಣುವಿಜ್ಞಾನ ತಂತ್ರಜ್ಞಾನ ಸಂಸ್ಥೆ (ಸಿಎಸ್ಐಆರ್-ಐಎಂಟೆಕ್) ಸೆಪ್ಟೆಂಬರ್ 2020ರಲ್ಲಿ ನಡೆಸಿದ ಸಂಶೋಧನೆಯಲ್ಲಿ ವೈರಾಣು ವಾಯುಮಾರ್ಗದ ಮೂಲಕ ಪ್ರಸರಣವಾಗುವುದನ್ನು ಪ್ರಾಯೋಗಿಕವಾಗಿ ಪ್ರದರ್ಶಿಸಲಾಗಿದೆ. ಒಂದು ಕೋಣೆಯಿಂದ ಸೋಂಕಿತ ವ್ಯಕ್ತಿ ನಿರ್ಗಮಿಸಿದ ಬಳಿಕವೂ ಸುಮಾರು 2 ಗಂಟೆಗಳ ಕಾಲ ಸಾರ್ಸ್-ಕೋವಿ-2 ವೈರಾಣು ಕಣಗಳು ಗಾಳಿಯಲ್ಲಿ ಇರುವುದು ಸಂಶೋಧನೆ ವೇಳೆ ಪತ್ತೆಯಾಗಿದೆ. ವ್ಯಕ್ತಿಯಿಂದ ಕೆಲವು ಮೀಟರ್‌ ದೂರದಲ್ಲೂ ಇಂತಹ ವೈರಾಣು ಕಣಗಳು ಪತ್ತೆಯಾಗಿರುವುದು ಸಾರ್ಸ್-ಕೋವಿ-2 ಗಾಳಿಯಲ್ಲೂ ಪ್ರಸರಣವಾಗುತ್ತದೆ ಎಂಬ ವಾದವನ್ನುಬಲಪಡಿಸಿದೆ. (ಎಸ್‌.ಸಿ. ಮೊಹಾರಿರ್‌ ಮತ್ತು ಇತರರು)  https://www.medrxiv.org/content/10.1101/2020.12.30.20248890v1

ಈ ಅಧ್ಯಯನಗಳನ್ನು ಆಧರಿಸಿ ಮತ್ತು ವೈರಾಣು ಸೋಂಕು ನಿವಾರಣೆಗೆ ಅಗತ್ಯವೆಂದು ಗುರುತಿಸಲಾದ ಪರಿಣಾಮಕಾರಿ ಪರಿಹಾರಗಳ ಹಿನ್ನೆಲೆಯಲ್ಲಿ ಕೈಗಾರಿಕಾ ಮತ್ತು ವಾಣಿಜ್ಯ ಪರಿಸರದಲ್ಲಿ ಒಳಾಂಗಣದಲ್ಲಿ ವ್ಯಾಪಕವಾಗಿ ಬಳಸಬಹುದಾದ ವೈಫಲ್ಯ ರಹಿತ ಪರಿಣಾಮಕಾರಿ ಸಾಧನವೊಂದನ್ನು ಅಭಿವೃದ್ಧಿಪಡಿಸುವ ಸವಾಲು ಎದುರಾಗಿತ್ತು. ಅಂತಹ ಸಾಧನವು ಹೆಚ್ಚಿನ ತೀವ್ರತೆಯ ಮತ್ತು ಈಗಾಗಲೇ ಅಸ್ತಿತ್ವದಲ್ಲಿರುವ ಸಾಧನಕ್ಕೆ ಮಾರ್ಪಾಡು ರೀತಿಯಲ್ಲಿ ಅಳವಡಿಸುವಂಥದ್ದಾಗಬೇಕು. ಜೊತೆಗೆ ಅಂತಹ ಸಾಧನವು ಪ್ರಸ್ತುತ ಕೈಗಾರಿಕೆ ಮತ್ತು ವಾಣಿಜ್ಯ ಕಟ್ಟಡಗಳಲ್ಲಿ ವ್ಯಾಪಕವಾಗಿ ಬಳಸುವ ಗಾಳಿ-ಬೆಳಕು ವ್ಯವಸ್ಥೆಯ ವಾಯ-ನಾಳದಲ್ಲಿ ಹೆಚ್ಚಿನ ಹಸ್ತಕ್ಷೇಪವಿಲ್ಲದೆ ಅಳವಡಿಸುವಂತಹ, ಅತ್ಯಧಿಕ ಗಾಳಿಯ ಹರಿವನ್ನು ನಿರ್ವಹಿಸುವಂಥದ್ದಾಗಿರಬೇಕು ಎಂಬ ಸವಾಲೂ ಇತ್ತು. ಇವೆಲ್ಲವುಗಳನ್ನೂ ಗಮನದಲ್ಲಿರಿಸಿಕೊಂಡು ʻಸಿಎಸ್‌ಐಆರ್‌-ಸಿಎಸ್‌ಐಒʼ ಸಂಸ್ಥೆಗಳು ʻಯುವಿ-ಸಿʼ ವಾಯು ನಾಳ (ಏರ್‌ ಡಕ್ಟ್‌) ಸೋಂಕು ನಿವಾರಕ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಿವೆ. ಈ ಸೋಂಕು ನಿವಾರಕ ವ್ಯವಸ್ಥೆಯನ್ನು ಸಭಾಂಗಣಗಳು, ದೊಡ್ಡ ಸಮಾವೇಶಗಳು ನಡೆಯುವ ಸಭಾಮಂದಿರಗಳು, ಶಾಲಾ ಕೊಠಡಿಗಳು, ಮಾಲ್‌ಗಳು ಮುಂತಾದೆಡೆ ಬಳಸಬಹುದಾಗಿದೆ. ಪ್ರಸ್ತುತ ಸಾಂಕ್ರಾಮಿಕದ ಪರಿಸ್ಥಿತಿಯಲ್ಲಿ, ಈ ಸೋಂಕು ನಿವಾರಕ ವ್ಯವಸ್ಥೆಯು ಒಳಾಂಗಣ ಚಟುವಟಿಕೆಗಳಿಗೆ ತುಲನಾತ್ಮಕವಾಗಿ ಸುರಕ್ಷಿತ ವಾತಾವರಣವನ್ನು ಒದಗಿಸುತ್ತದೆ. ಗಾಳಿಯಲ್ಲಿರುವ ʻಸಾರ್ಸ್‌ ಕೋವ್‌-2’ ವೈರಾಣುವನ್ನು ನಿಷ್ಕ್ರಿಯಗೊಳಿಸುವ ಅಗತ್ಯಕ್ಕೆ ಅನುಗುಣವಾಗಿ ಈ ತಂತ್ರಜ್ಞಾನವನ್ನು ರೂಪಿಸಲಾಗಿದೆ. ಜೊತೆಗೆ ಗಾಳಿ-ಬೆಳಕಿಗೆ ಸೂಕ್ತ ವ್ಯವಸ್ಥೆ, ಬಳಕೆ ಮಾಡಲು ಸುರಕ್ಷಿತಾ ಸಲಹೆಗಳು, ಪರೀಕ್ಷಿತ ʻಜೈವಿಕ-ಸುರಕ್ಷತೆʼ ಮಾನದಂಡ ಅನುಸರಣೆ ಮುಂತಾದ ಅಗತ್ಯ ಸುರಕ್ಷತಾ ಕ್ರಮಗಳನ್ನು ಗಮನದಲ್ಲಿರಿಸಿಕೊಂಡು ಈ ತಂತ್ರಜ್ಞಾನ ಅಭಿವೃದ್ಧಿಪಡಿಸಲಾಗಿದೆ. ಸೂಕ್ತ ಡೋಸೇಜ್‌ನೊಂದಿಗೆ ಹಳಸಿದಲ್ಲಿ, ʻಯುವಿ-ಸಿʼ ಸಾಧನವು 254ಎನ್‌ಎಂ ನೇರಳಾತೀತ ಬೆಳಕನ್ನು ಬಳಸಿ ಶೇ. 99ರಷ್ಟು ವೈರಾಣು, ಬ್ಯಾಕ್ಟೀರಿಯಾ, ಶಿಲೀಂಧ್ರ ಮತ್ತು ಇತರೆ ಜೈವಿಕ-ವಾಯು ಕಣಗಳನ್ನು ನಿಷ್ಕ್ರಿಯಗೊಳಿಸುತ್ತದೆ. ಕೋವಿಡ್‌ ಸಾಂಕ್ರಾಮಿಕದ ಎರಡನೇ ಅಲೆಯ ವೇಳೆ ಕಂಡು ಬರುತ್ತಿರುವ ಶಿಲೀಂಧ್ರ ಸೋಂಕನ್ನು ನಿಯಂತ್ರಿಸುವಲ್ಲೂ ʻಯುವಿ-ಸಿʼ ಬಳಕೆಯಿಂದ ನೆರವಾಗುತ್ತದೆ.

 

ʻಸಿಎಸ್‌ಐಆರ್‌-ಸಿಏಸ್‌ಐಒʼ ಅಭಿವೃದ್ಧಿಪಡಿಸಿದ ಉತ್ಪನ್ನವನ್ನು ಪರೀಕ್ಷಿಸಲಾಗಿ, ಅದು ಶೇ.99 ರಷ್ಟು ಸೋಂಕು ನಿವಾರಣೆ ಮಾಡುವುದು ಸಾಬೀತಾಗಿದ್ದು, ಅದನ್ನು ಪ್ರಸ್ತುತ ಕಟ್ಟಡಗಳಲ್ಲಿ ಇರುವಂತಹ ʻವಾಯು ನಿರ್ವಹಣೆ ಘಟಕಗಳಲ್ಲಿ (ಎಎಚ್‌ಚ್‌ಯು), ಸರಕು-ಸಾಗಣೆ ವಾಹನಗಳು ಮತ್ತು ಇತರೆ ಉಪೋತ್ಪನ್ನಗಳಲ್ಲಿ ಇದನ್ನು ಬಳಸಬಹುದು. ʻಯುವಿ-ಸಿʼಯು ಇಂಧನ ದಕ್ಷ ವ್ಯವಸ್ಥೆಯನ್ನು ಒಳಗೊಂಡಿದ್ದು, ಕಾಯಿಲ್‌ (ಸರುಳಿ) ಮೂಲಕ ಗಾಳಿಯ ಹರಿವನ್ನು ಸುಧಾರಿಸುತ್ತದೆ, ಒಳಾಂಗಣದ ವಾಯು ಗುಣಮಟ್ಟವನ್ನು ಹೆಚ್ಚಿಸುತ್ತದೆ. ಇದಕ್ಕೆ ಹೆಚ್ಚಿನ ನಿರ್ವಹಣೆ ಅಗತ್ಯವಿಲ್ಲ. ಪ್ರಸ್ತುತ ಇರುವಂತಹ ಗಾಳಿ-ಬೆಳಕು ವ್ಯವಸ್ಥೆಯ  (ಎಎಚ್‌ಯು) ವಾಯು ನಾಳಕ್ಕೆ (ಡಕ್ಟ್‌) ಇದನ್ನು ಅಳವಡಿಸಬಹುದು. ಇದರ ಆರಂಭಿಕ ಹೂಡಿಕೆಯೂ ಕಡಿಮೆ. ಈ ವ್ಯವಸ್ಥೆಯು ವಾಣಿಜ್ಯ ಮಾನದಮಡಗಳು ಮತ್ತು ಪ್ರಮಾಣಪತ್ರಗಳನ್ನು ಹೊಂದಿದೆ.

 

ʻಸಿಎಸ್‌ಐಆರ್‌-ಸಿಎಸ್‌ಐಒʼ ಈ ತಂತ್ರಜ್ಞಾನವನ್ನು ಕೆಳಕಂಡ ಕಂಪನಿಗಳಿಗೆ ವರ್ಗಾಯಿಸಿದೆ:

 1.         ಆರ್ಕೊ ಎಂಜಿನಿಯರಿಂಗ್ ಪ್ರಾಜೆಕ್ಟ್ಸ್ ಪ್ರೈವೇಟ್ ಲಿಮಿಟೆಡ್

2.         ಫ್ಲೆಕ್ಸಾಥರ್ಮ್ ಎಕ್ಸ್‌ಪಾನ್‌ಲೊ ಪ್ರೈವೇಟ್ ಲಿಮಿಟೆಡ್, ವಡೋದರಾ, ಗುಜರಾತ್ 390010

3.         ಎಯಾನ್ ಕ್ರಿಯೇಷನ್ಸ್ ಪ್ರೈವೇಟ್ ಲಿಮಿಟೆಡ್, ಮುಂಬೈ, ಭಾರತ.

4.         ಶ್ರೀಸನ್ ಟೆಕ್ನಾಲಜೀಸ್ ಪ್ರೈ.ಲಿ., ನಾಸಿಕ್, ಮಹಾರಾಷ್ಟ್ರ

5.         ರೀಜ್ ಎಲೆಕ್ಟ್ರೋಕಂಟ್ರೋಲ್ಸ್ ಪ್ರೈವೇಟ್ ಲಿಮಿಟೆಡ್, ಗುರುಗ್ರಾಮ, ಹರಿಯಾಣ

6.         ಸರಸ್ ಎಂಜಿನಿಯರಿಂಗ್ ಮತ್ತು ಪ್ರಾಜೆಕ್ಟ್ಸ್ ಪ್ರೈವೇಟ್ ಲಿಮಿಟೆಡ್, ಸಿಕಂದರಾಬಾದ್

7.         ಇಂಡಿಕೇರ್ ಹೆಲ್ತ್ ಸೊಲ್ಯೂಷನ್ಸ್ ಪ್ರೈ. ಲಿ., ನವದೆಹಲಿ

8.         ಡಿವೈನ್‌ಟೆಕ್ ಎಲೆಕ್ಟ್ರಿಕಲ್ ಟೆಕ್ನಾಲಜೀಸ್, ಜಲಂಧರ್, ಪಂಜಾಬ್

9.         ಶ್ರೀಯಾಸ್ ಎಂಜಿನಿಯರಿಂಗ್ ಪ್ರೈವೇಟ್ ಲಿಮಿಟೆಡ್, ಹೈದರಾಬಾದ್, ತೆಲಂಗಾಣ

10.       ಓಝೋನ್ ರಿಸರ್ಚ್ & ಅಪ್ಲಿಕೇಶನ್ (ಐ) ಪ್ರೈ.ಲಿ., ನಾಗ್ಪುರ

11.       ಎಲೈಟ್ ಏರ್ ಟೆಕ್ನಿಕ್ಸ್ ಪ್ರೈ.ಲಿ., ಬಹದ್ದೂರ್ಗಢ, ಹರಿಯಾಣ

12.       ಐರಿಫಿಕ್ ಸಿಸ್ಟಮ್ಸ್ ಪ್ರೈವೇಟ್ ಲಿಮಿಟೆಡ್, ನೋಯ್ಡಾ

13.       ಕ್ವಾಲಿಟಿ ನೀಡ್ಸ್‌ ಆಟೋಮೋಟಿವ್ಸ್ ಪ್ರೈವೇಟ್ ಲಿಮಿಟೆಡ್ ಭಿವಾಡಿ, ಜಿಲ್ಲೆ ಅಲ್ವಾರ್ ರಾಜಸ್ಥಾನ.

14.       ಟಿಸೈಸನ್-ಎಚ್ ಎಚ್‌ಎಸ್‌ಇ ಎಲ್‌ಎಲ್‌ಪಿ, ಚಿಂಗಾವನಮ್ ಪಿಒ, ಕೊಟ್ಟಾಯಂ, ಕೇರಳ

15.       ಆಲ್ಫಾ ಲೀನಿಯರ್, ಪೀಣ್ಯ ಇಂಡಸ್ಟ್ರಿಯಲ್ ಎಸ್ಟೇಟ್, ಬೆಂಗಳೂರು

16.       ಕೊಯ್ನಾ ಎಂಜಿನಿಯರ್ಸ್, ನಾಸಿಕ್

17.       ಅಲ್ಟ್ರಾಫ್ರೆಶ್ ಮಾರ್ಕೆಟಿಂಗ್ ಪ್ರೈವೇಟ್ ಲಿಮಿಟೆಡ್, ಮುಂಬೈ

18.       ಸೆನೌರಾ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್, ಹೈದರಾಬಾದ್

19.       ಐಡಿಯಾಮೈನ್ಸ್ ಮ್ಯಾನೇಜ್‌ಮೆಂಟ್ ಕನ್ಸಲ್ಟೆಂಟ್ಸ್ ಪ್ರೈವೇಟ್ ಲಿಮಿಟೆಡ್ ಗೌತಮ್ ಬುದ್ಧ ನಗರ, ಉತ್ತರ ಪ್ರದೇಶ

20.       ಮೆಸರ್ಸ್ ಪೆಂಗ್ವಿನ್ಸ್‌ ಇಂಡಿಯಾ, ರೂರ್ಕೆಲಾ, ಸುಂದರ್ಗಢ, ಒಡಿಶಾ

21.       ಸಾಫ್ಟ್‌ರೇಸ್‌ ಪವರ್ ಸೊಲ್ಯೂಷನ್ಸ್, ತಿರುವನಂತಪುರಂ, ಕೇರಳ

22.       ಕಿರೀಟ್ ಎಂಜಿನಿಯರಿಂಗ್, ಜಲಗಾಂವ್ ಮಹಾರಾಷ್ಟ್ರ

23.       ಚೋಳ ಜಿಯೋಎನರ್ಜಿ ಪ್ರೈವೇಟ್ ಲಿಮಿಟೆಡ್ ತಂಜಾವೂರ್, ತಮಿಳುನಾಡು,

24.       ಬಿಡಿಎಸ್ ಡೆಕೋರ್ & ಪ್ರಿಫ್ಯಾಬ್ ಪ್ರೈವೇಟ್ ಲಿಮಿಟೆಡ್, ಚಂಡೀಗಢ

25.       ಲಧಾ ಎಂಟರ್‌ಪ್ರೈಸಸ್ ಅಕೋಲಾ, ನಾಗಪುರ

26.       ಸುಕ್ರುತ್ ಯುವಿ ಸಿಸ್ಟಮ್ಸ್ ಪ್ರೈ.ಲಿ., ಪುಣೆ

27.       ಎಬಿಎಸ್ ಏರ್‌ಟೆಕ್ ಪ್ರೈವೇಟ್ ಲಿಮಿಟೆಡ್, ಗುರ್‌ಗಾಂವ್, ಹರಿಯಾಣ

28.       ಯುನಿಸೆಮ್ ಎಲೆಕ್ಟ್ರಾನಿಕ್ಸ್ ಪ್ರೈವೇಟ್ ಲಿಮಿಟೆಡ್, ಬೆಂಗಳೂರು

  ಡಾ. ಹ್ಯಾರಿ ಗಾರ್ಗಿಸ್ ನೇತೃತ್ವದ ಫ್ಯಾಬ್ರಿಯೋನಿಕ್ಸ್ ವಿಭಾಗವು ಅಭಿವೃದ್ಧಿಪಡಿಸಿದ ಈ ತಂತ್ರಜ್ಞಾನವು ಈ ಕಂಪನಿಗಳ ಮೂಲಕ ದೇಶಾದ್ಯಂತ ವ್ಯಾಪಕವಾಗಿ ನಿಯೋಜನೆಗೆ ಲಭ್ಯವಿದೆ ಎಂದು ʻಸಿಎಸ್ಐಆರ್-ಸಿಎಸ್ಐಒʼ ನಿರ್ದೇಶಕ ಪ್ರೊ. ಎಸ್. ಅನಂತ ರಾಮಕೃಷ್ಣ ಹೇಳಿದರು. ಇತರ ಸನ್ನಿವೇಶಗಳಿಗಾಗಿಯೂ ಡಾ. ಗಾರ್ಗ್ ಅವರ ಸಂಸ್ಥೆಯು ಮತ್ತಷ್ಟು ಯುವಿ ಆಧಾರಿತ ಸ್ಯಾನಿಟೈಸೇಶನ್ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ನೇರಳಾತೀತ ಬೆಳಕು ಆಧಾರಿತ ಪರಿಹಾರಗಳ ಸ್ಥಾಪನೆಯು ಜನರ ವಿಶ್ವಾಸವನ್ನು ಹೆಚ್ಚಿಸಬಹುದು ಮತ್ತು ಲಾಕ್ ಡೌನ್/ಕರ್ಫ್ಯೂಗಳ ಸಡಿಲಿಕೆಗೆ ಮಾರ್ಗಸೂಚಿಗಳನ್ನು ಹೊರಡಿಸಿದಾಗ ಕೆಲಸದ ಸ್ಥಳಗಳು, ಸಾರ್ವಜನಿಕ ಸಾರಿಗೆ ಮತ್ತು ಶಿಕ್ಷಣ ಸಂಸ್ಥೆಗಳಿಗೆ ಮರಳಲು ಅನುಕೂಲವಾಗಬಹುದು.

 ʻಯುವಿ-ಸಿʼ ಏರ್ ಡಕ್ಟ್ ಸೋಂಕು ನಿವಾರಣೆ ವ್ಯವಸ್ಥೆ

****



(Release ID: 1721028) Visitor Counter : 233