নেসনৱাইদ ভেক্সিনেসন দ্রাইবকি শরুক অমা ওইনা, ভারত সরকারনা কোবিদ ভেক্সিনশিং অসি রাজ্যশিং অমসুং য়ু.তি.শিংদা লেম্না ফংহন্দুনা লাক্লি৷ লাইচৎ অসি তেস্ত, ত্রেক, ত্রিত অমসুং কোবিদ এপ্রোপ্রিয়েত বিহেবিয়র ইন্দুনা থেংননবা অমসুং লাকশিন্ননবগীদমক ভেক্সিন কাপথোকপা অসি ভারত সরকারগী কমপ্রিহেন্সিব স্ত্রাতিজিগী য়াম্না মরু ওইবা পিল্লর অমনি৷

২০২১গী মে ১দগী হৌদুনা কোবিদ-১৯ ভেক্সিনেসনগী লিবরেলাইজ অমসুং এসিলিরেতেদ ফেস ৩ স্ত্রাতিজি চৎনবা হৌখ্রে৷ স্ত্রাতিজি অসিগী মখাদা, থা খুদিংগী ওইনা মেনুফেকচরর খুদিংমক্তা সেন্ত্রেল দ্রগ লেবোরেতরী(সি.দি.এল.)না ক্লিয়র তৌরবা ভেক্সিন দোজকি ৫০%দি ভারত সরকারনা লৌশিল্লগনি৷  সরকারনা লৌশিল্লিবা ভেক্সিন অসি মমাংগী মতমদা তৌখিবা মতৌ অদুগুম্না রাজ্য সরকারশিং অসিদা লেম্না ফংহল্লগনি৷

হৌজিক ফাওবদা, ভারত সরকারনা ভেক্সিন দোজ কোতি ২০.৭৮ হেন্না(২০,৭৮,০৪,৮৯০) রাজ্যশিং/য়ু.তি.শিংদা লেম্না অমসুং দাইরেক্ত প্রোক্যোরমেন্তগী খুৎথাংদা ফংহনখ্রে৷ মসিগী মনুংদা মাংখিবা ভেক্সিন দোজশিং য়াওনা ২০২১গী মে ১৬ ফাওবদা চাংচৎতা শিজিন্নখিবা ভেক্সিন দোজ অদু পুন্না ১৮,৮৩,৪৭,৪৩২নি(ঙসি অয়ুক পুং ৮দা ফংখিবা দাতা)৷

হৌজিক হৌজিক রাজ্যশিং/য়ু.তি.শিংদা ভেক্সিন দোজ কোতি ১.৯৪ হেন্না(১,৯৪,৫৭,৪৫৮) শিজিন্ননবা লৈরি৷

মখাতানা, লাক্কদৌরিবা নুমিৎ ৩ অসিদা অহেনবা ভেক্সিন দোজ লাখ ১(১,০০,০০০) রাজ্যশিং/য়ু.তি.শিংনা ফংলগনি৷

২০২১ মেগী অনিশুবা চয়োলদা(২০২১গী মে ১৮দগী মে ৩১ ফাওবা), ভারত সরকারনা রাজ্যশিং/য়ু.তি. পুম্নমক্তা ভেক্সিন দোজ কোতি ১ লাখ ৯৫রোম লেম্না ফংহল্লগনি৷ মসিগী ইনফোর্মেসন অসি ভারত সরকারনা মাংজৌননা রাজ্যশিং/য়ু.তি.শিংদা খঙহনখ্রে৷ মসিগীসু মথক্তা, রাজ্যশিং/য়ু.তি.শিংনা দাইরেক্ত প্রোক্যোরমেন্ত তৌননবগীদমক দোজ লাখ ৭২.৪৯ ফংলগনি৷                                            

 ******