হকশেল অমসুং য়াইফ-য়ুম্বাল মন্ত্রালয়
লিক্বিদ মেদিকেল ওক্সীজেনঃ শন্দোক্না তাকপা ৱারোল
Posted On:
06 MAY 2021 11:00AM by PIB Imphal
ঐখোয় মীওইবগী হকচাংগী ৬৫%দি ওক্সীজেন্নি হায়বা ঐখোয় পুম্নমক্না খঙনরে। ওক্সীজেন অসি গ্লুকোজতগী সেলদা ইনর্জী পীবগী থৌওং ওইরিবা নিংশা হোনবদা য়াম্না মরু ওই হায়বসি অচুম্বনি। তসেংবদি, ঐখোয়গী হকচাংগী সেল খুদিংনা ওক্সীজেনগী মথৌ তাই। ঐখোয়না নুংশিৎ হোঞ্জিনবা মতমদা, ওক্সীজেন মোলিক্যুলশিংনা থবোম্বীদা চঙই অমসুং থবোম্বীগী কুয়োম ফাওদুনা ঐখোয়গী ঈদা তিল্লি।
কোবিদ-১৯গী লাইনানা থবোম্বীগী মথৌদা অকায়বা পীবগী মরম ওইদুনা লাইনা অসিনা শাথিনা নারবা মীওইশিং লাইয়েংবদা ওক্সীজেন অসি য়াম্না মরু ওই। নিংশা থবেৎ-থবেৎ হোনবা নত্ত্রগা নিংশা হোনবদা ৱাবা অসি কোবিদ-১৯না শাথীনা নারবা মীওইশিংদা তত্তনা উবা ফংবা লাইওং মখল অমনি। মসিনা হকচাংগী কয়াৎ কয়াদা ওক্সীজেন য়ৌহনবগী থবক্তা অকায়বসু পী। মরম অদুনা, মেদিকেল ওক্সীজেনগী খুত্থাংদা পীগদবা ওক্সীজেন থেরাপীগী মথৌ তাই।
মসিগী ওক্সীজেন অসিবু পীশিনবা য়াবগী পাম্বৈ অমদি লিক্বিদ মেদিকেল ওক্সীজেনগী (এল.এম.ও.) খুত্থাংদা পীবনি। এল.এম.ও. অসি মেদিকেলগী লাইয়েংদা শিজিন্নবা অশেংবা ওক্সীজেন অমনি অমসুং মসিবু মীওইবগী হকচাংদা শিজিন্ননবগীদমক্তা শাবনি।
করিগী মহি ওইরিবনো?
মসিগী মেলতিং অমসুং বোইলিং পোইন্ত অসি নেম্বনা মরম ওইদুনা, ওক্সীজেন অসি রুম তেম্পেরেচরদা গ্যাস ওইনা লৈ। মহিদা ওন্থোকপনা চাং য়াম্না থম্বা অমসুং পুথোক-পুশিন তৌবদা লাইহল্লি।
লিক্বিদ মেদিকেল ওক্সীজেন অসি মতৌ করম্না পুথোকপগে?
মসিগী তোঙানবা পাম্বৈ কয়া অমা লৈ। খ্বাইদগী পাক্তক্ননা শিজিন্নবা থৌওংদি এয়র সেপেরেসন য়ুনিৎ নত্ত্রগা এ.এস.য়ু. হায়না খঙনবা ওক্সীজেন খাইদোকপগী থৌওং অসিনি। এ.এস.য়ু.শিং অসি গ্যাসকী ভোল্যুম অয়াম্ববু খাইদোক্নবগী প্লান্তনি। মখোয়না অয়াম্বা ওইনা নাইত্রোজেন অমসুং ওক্সীজেন (নাইত্রোজেন ৭৮% অমসুং ওক্সীজেন ২১%) অমসুং লেমহৌরিবা অতোপ্পা গ্যাসশিং (আর্গোন, কার্বোন দাইওক্সাইদ, নীওন, হেলিয়ম অমসুং হাইদ্রোজেন পুল্লগা ১%) য়াওবা এৎমোসফ্যারিক এয়রদগী অশেংবা ওক্সীজেন পুথোক্নবা ফ্রেক্সনেল দিস্তিলেসন মেথদ কৌবা থৌওং শিজিন্নৈ।
থৌওং অসিদা, নুংশিত্তগী ফংবা গ্যাসশিং অসি ইংহন্দুনা মহিদা ওন্থোক্লবা তুংদা তোঙান-তোঙানবা কম্পোনেন্তশিংদা খাইদোক্লবা মতুউংদা মসিদগী লিক্বিদ ওক্সীজেন অমুক লৌথোকই।
এৎমোসফ্যারিক এয়র অসি অহানবদা -১৮১০ সি.দা ইংহল্লি। ওক্সীজেন্না মতাং অসিদা মহি ওল্লি। নাইত্রোজেনগী বোইলিং পোইন্ত অসি -১৯৬০ সি. ওইবনিনা, মসিদি গ্যাসকী মওংদা অদুমল লৈ। অদুবু, আর্গোন্না ওক্সীজেনগা মান্নবা বোলিং পোইন্ত (-১৮১০ সি.) লৈবনা মরম ওইদুনা, আর্গোনগী মশক থোকপা চাং অমদি ওক্সীজেনগা লোয়ননা মহি ওল্লি।
মসিদা ফংলকপা ওক্সীজেন অমসুং আর্গোনগী য়ানশিন্নবা অসি চুমথোকই, দিকম্প্রেস তৌই অমসুং মখা তানা শেংদোক্নবগীদমক্তা অনিশুবা লো-প্রেসর দিস্তিলেসন তৌনবা পাত্র অমা ফাওদুনা চেলহল্লি।
মসিদগী ঐখোয়না অরোইবা ওইনা শেংদোক্লবা লিক্বিদ ওক্সীজেনবু মহৈ ওইনা ফংই। অমসুং মসিবু ক্রাইওজেনিক কন্তেনরদা হাপ্তুনা পুথোক-পুশিন তৌই।
ক্রাইওজেনিক কন্তেনরশিং অসি করিনো?
ক্রাইওজেনিক হায়বদি মেতরিএলশিংবু য়াম্না নেম্বা তেম্পেরেচরদা পুথোকপা অমসুং মখোয়গী মওং-মতৌ অদুনি।
ক্রাইওজেনিক লিক্বিদ হায়রগা -৯০০সি.দগী নেম্থবা বোইলিং পোইন্ত লৈবা মহিশিংবু খঙনৈ।
ক্রাইওজেনিক লিক্বিদ কন্তেনরশিং অসি মহি ওল্লবা গ্যাসশিংবু -৯০০সি.দগী হেন্না নেম্বা ক্রাইওজেনিক তেম্পেরেচরদা থম্নবা অমসুং পুথোক-পুশিন তৌবদা শিজিন্ননবগীদমক্তা অখন্নবা শেম-শারবা কন্তেনরশিংনি। মসিগী কন্তেনরশিং অসি চাং ৱাংনা ইন্স্যুলেৎ তৌই অমসুং মসিদা লিক্বিদ গ্যাসশিংবু য়াম্না নেম্বা তেম্পেরেচরদা থমই।
প্রেসর স্বিং এদজোর্পসন তেক্নিক অসি করিনো?
ওক্সীজেন অসি ক্রাইওজেনিক্কী মওংদা নত্তনা, খনগৎলবা এদজোর্পসন শিজিন্নদুনা গ্যাসকী মওংদা পুথোকপা য়াই। মসিগী থৌওং অসিনা প্রেসর ৱাংবা ফীভমদা, গ্যাসশিংনা মপং ওইবা লৈমায়দা নপকল্লি হায়বা প্রোপর্তীগী খুদোংচাবা লৌই। প্রেসর ৱাংলিবমখৈ, গ্যাস এদজোর্পসনগী চাং হেনগনি।
করিগুম্বা, নুংশিৎকুম্বা গ্যাসকী য়ানশিন্নবা অসি ওক্সীজেন্দগী হেন্না নাইত্রোজেন হেন্না চিংশিনবা ‘জিওলাইৎ’কী এদজোর্বেন্ত বেদ য়াওবা ভেসেল অমা প্রেসর পীদুনা ফাউদুনা চৎহনবা মতমদা, নাইত্রোজেনগী শরুক খরা নত্ত্রগা অপুনবা চাংনা বেদতা লৈগনি অমসুং ভেসেলদা অহানবদা চঙলিকখিবগা চাংদম্নবদা ভেসেলদগী মপান থোকখিবা গ্যাসশিংনা ওক্সীজেন য়াওবগী চাং য়াম্না হেনগনি।
এম্বিএনত নুংশিৎশিংবু কন্সেন্ত্রেসন তৌদুনা ওক্সীজেন পুথোকপগী থৌওং শিজিন্নদুনা মশাগী মফমদা ওক্সীজেন পুথোকপগী পাম্বৈ অসি হোস্পিতালশিংনা য়াম্না পাম্নৈ। হোস্পিতালশিংগী অনকপদা ওক্সীজেন পুথোকপনা মসিবু পুথোক-পুশিন তৌবগী থবক য়াওহন্দবগী অহেনবা কান্নবা কয়া অমা লৈ।
মথক্তা পল্লিবা মেদিকেল ওক্সীজেন পুথোকপগী পাম্বৈগী মথক্তা, য়ুমদা শিজিন্নবা য়াবা ওক্সীজেন কন্সেন্ত্রেতর হায়না খঙনবা ওক্সীজেন পুথোক্নবা অমসুং পুথোক-পুশিন তৌবা য়াবা খুৎলাই লৈ।
তেক্ত-কায়দা থোক্তনবা চেকশিন থৌরাংশিং
করিগুম্বা তেম্পেরেচর য়াম্না ৱাংলবদি, পোৎলম কয়া অমনা ওক্সীজেনবু মৈ হৌহনবা ঙম্মি। কোবিদ-১৯গী মতমদা ওক্সীজেন য়াম্না থম্বা অমসুং শিজিন্নবদা হোস্পিতালদা মৈহৌ-লাংমৈ থোকপগী ওইথোকপা লৈবনা, স্তাফ খুদিংমকপু ওক্সীজেন পাইথোক-পাইশিন তৌবদা নীংথিনা ত্রেন তৌদুনা মৈহৌ-লাংমৈদগী ঙাকথোক্নবা তেক্ত-কায়দা থোক্তনবা মতিক চাবা চেকশিন থৌরাং লৌখৎপগী মথৌ য়াম্না তাই।
মেদিকেল ওক্সীজেন শিজিন্নবগীদমক্তা মীওই অমনা মেদিকেল ওক্সীজেন ওর্দর তৌনবা অইবা চে পায়বগী মথৌ তাবগা লোয়ননা অতোপ্পা তঙাই ফদবা অমসুং কাংলোন কয়া লৈ।
কাংলোন চুম্না ওক্সীজেন শিজিন্নবা
লৈবাক মীয়াম্না, পব্লিক হেল্থ ইমর্জেন্সীগী মনুং অসিদা মরু ওইনা, হায়রিবা মরু ওইরবা পোত্থোক অসিবু কাংলোন চুম্না শিজিন্নগদবনি। মসিবু লান্না শিজিন্নবা নত্ত্রগা হেন্না থমজিনবনা মীয়ামদা পাখৎহনবা অমসুং ব্লেক্তা য়োনবগী থৌওংতমক থোকহনগনি।
এমসকী দাইরেক্তর, প্রোফঃ রন্দীপ গুলেরিয়ানা হকশেল অমসুং য়াইফ-য়ুম্বাল মন্ত্রালয়গী কোবিদ-১৯গী মীদিয়া ব্রিফিং অমদা হায়খিবা, “কাংলোন চুম্না ওক্সীজেন শিজিন্নবা অসি হৌজিক্কী মতমগী তঙাই ফদবনি। হৌজিক্কী মতম অসিদা, ওক্সীজেন লান্না শিজিন্নবা অসি য়াম্না লুবা ৱাফম অমনি। মীওই খরনা মখোয়না তুংদা তঙাই ফদবা লৈরক্কনি হায়দুনা, ময়ুমদা ওক্সীজেন সিলিন্দর থমজিনবা য়াওরি। মসি তৌরোইদবনি। করিগুম্বা, অদোমগী ওক্সীজেন সেচ্যুরেসন অসি ৯৪% নত্ত্রগা হেল্লবদি, অদোমগী হকচাংদা ওক্সীজেন মরাং কাইনা য়াওরি হায়বনি। তাঞ্জা অসিদা পাখৎপগী মথৌ তাদে। খুদোংথিনীংঙাই ওইদবা ওক্সীজেনগী চাং লৈবা মীওই অমনা ওক্সীজেন লান্না শিজিন্নবা হায়বসি ওক্সীজেন সেচ্যুরেসনগী চাং ৯০% নত্ত্রগা ৮০%গী মখাদা লৈবা মীওই অমগী খুদোংচাবা মাংহনবনি”, হায়খি। ৯২ নত্ত্রগা ৯৩গী ওক্সীজেন সেচ্যুরেসন লৈবা অসিসু খুদোংথিনীংঙাই ওইনা হায়না লৌদে, অদুবু মসিগী থাক অসি মীওই অদুবু হোস্পিতালদা মতম চানা য়ৌহন্নবা তুংশিন্দুনা লৈবা থাক্নি হায়না মহাক্না মখা তানা হায়খি।
***
(Release ID: 1716478)
Visitor Counter : 225