লৈবাক অসিগী পব্লিক অমসুং প্রাইভেৎ সেক্তর অনিমক্তা লৈরিবা স্তীল কম্পেনীশিংনা লৈবাক অসিদা মেদিকেল ওক্সিজেনগী অৱাৎপা লৈরিবশিং অসি পীবা ঙম্নবা হোৎনখ্রে৷ ঙরাং, স্তীল প্লান্তশিংনা পুথোকখিবা অপুনবা লিক্বুইদ মেদিকেল ওক্সিজেন(এল.এম.ও.) অদু এম.তি. ৩৬৮০.৩০নি অমসুং অপুনবা এল.এম.ও. সপ্লাইনা এম.তি. ৪০৭৬.৬৫ ওইখি৷ মসিগা য়েংনবা মতমদা ২০২১গী এপ্রিল ২৫দা লৈবাক অসিগী তোঙান তোঙানবা রাজ্যশিংদা সপ্লাই তৌখিবা এল.এম.ও. অদু মেত্রিক তন ৩১৩১.৮৪ ওইখি৷ এপ্রিল থা ময়াই চল্লকপা অদুৱাইদা, চাংচৎতা নোংমদা মেত্রিক তন ১৫০০-১৭০০ ফাওবা দিস্পেতচ তৌখিরম্মী৷

মমাংগী চয়োলদা স্তীল অমসুং পেত্রোলিয়ম অমসুং নেচরেল গ্যাসকী মন্ত্রী শ্রী ধর্মেন্দ্র প্রধাননা পব্লিক অমসুং প্রাইভেৎ সেক্তর অনিমক্তা লৈরিবা স্তীল কম্পেনীশিংগী কেপ্তেনশিংগা লোইননা মীফম কয়ামরোম পাংথোকখ্রে৷ স্তীল প্লান্তশিং অসিদগী মেদিকেল ওক্সিজেন সপ্লাই তৌবা হেনগৎহন্নবা হোৎনবদা অমসুং হেল্থকেয়র ইনফ্রাস্ত্রকচর অসি হেন্না পাকথোক চাওথোকহন্নবগীদমক ওক্সিজিনেতেদ-বেদশিং য়াওবা জম্বো-সাইজ কোবিদ-কেয়র ফেসিলিতীশিংসু শেমগৎনবা হোৎনবদা তৌবা য়াবা থবক পুম্নমক পাংথোক্নবা মহাক্না খঙহনখ্রে৷

লৈবাক অসিগী খ্বাইদগী চাওবা স্তীল প্রদ্যুসর অমা ওইরিবা স্তীল ওথোরিতী ওফ ইন্দিয়ানা লৈবাক অসিদা লিক্বুইদ মেদিকেল ওক্সিজেন সপ্লাই তৌনবা মহাক্কী কেপাবিলিতীশিং হেন্না-হেন্না ফহন্দুনা লাক্লি৷ ভিলাই(ছত্তিশগর), রৌকেলা(ওরিশা), বোকারো(ঝর্খন্দ), দুর্গপুর অমসুং বর্নপুর(ৱেস্ত বেঙ্গল)দা লৈরিবা মহাক্কী ইন্তিগ্রেতেদ স্তীল প্লান্তশিং অসিদগী নুংতি নুমিৎ খুদিংগী পুথোরক্লিবা এল.এম.ও. অদু এপ্রিলগী অনিশুবা চয়োলদা মেত্রিক তন(এম.তি.) ৫০০রোম পুথোকলম্বদগী হৌজিক্না নোংমদা এম.তি. ১১০০ হেন্না পুথোক্লি৷ হৌজিক ফাওবদা কম্পেনী অসিনা এল.এম.ও. এম.তি. ৫০,০০০ হেন্না সপ্লাই তৌখ্রে৷ ২০২১গী এপ্রিল থা অসিদা, এস.এ.আই.এল.না প্লান্তশিং অসি লৈরিবা রাজ্যশিং য়াওনা লৈবাক অসিগী রাজ্য ১৫দা এল.এম.ও. এম.তি. ১৭৫০০ হেন্না ফংহনখ্রে৷

বোকারো, রৌকেলা অমসুং দুর্গপুরদা লৈরিবা এস.এ.আই.এল. প্লান্তশিংদগী লৈবাক অসিগী তোঙান তোঙানবা মফমশিংদা ওক্সিজেন ফংহন্নবা ঙরাং এল.এম.ও. এম.তি. ৯৫০ হেন্না পুরিবা “ওক্সিজেন এক্সপ্রেস”ত্রেন ১৪দা হাপ্পা লোইখ্রে৷ এস.এ.আই.এল. প্লান্তশিংদা তেঙ্করশিং এয়রলিফ তৌদুনা থুংলকখ্রে অমসুং তেঙ্করশিং অদু ওক্সিজেন হাল্লবা মতুংদা রোদ অমসুং রেলগী খুৎথাংদা মখোয় মখোয়গী পন্থুংফমশিংদা চৎখ্রে৷ রেলৱে, এয়র ফোর্স, স্তীল প্লান্তশিং অমসুং ওক্সিজেন প্লান্তশিংনা তেঙ্করশিং অসি ত্রান্সপোর্ত তৌনবা য়াম্না কন্না হোৎনরি৷ ঙসি ইন্দিয়ন এয়র ফোর্সনা ওস্ত্রেলিয়াগী পর্থতগী ক্রাইয়োজেনিক তেঙ্কর ৪ এয়রলিফ তৌরকখ্রে৷

*****