దేశవ్యాప్తంగా ఇచ్చిన కోవిడ్ టీకా డోసుల సంఖ్య 15.21 కోట్లు దాటింది. ఈ ఒక్క రోజే సాయంత్రం 8 గంటలవరకు దేశంలో 20 లక్షలకు పైగా టీకాలు ఇచ్చారు. అదే సమయంలో మూడో దశ టీకాల కార్యక్రమం కోసం కోవిన్ పోర్టల్ మీద కేవలం రెండు రోజుల్లోనే 2.28 కోట్లు (2,28,99,157) మంది రిజిస్టర్ చేసుకున్నట్టు ఈ రోజు రాత్రి 9.30 వరకు నమోదైంది.  

సాయంత్రం 8 గంటలవరకు అందిన సమాచారం ప్రకారం మొత్తం దేశవ్యాప్తంగా ఇచ్చిన టీకా డోసుల సంఖ్య  15,21,05,563  కి చేరింది. ఇందులో ఆరోగ్య సిబ్బందికిచ్చిన మొదటి డోసులు 93,85,676 , రెండో డోసులు 61,89,635, కోవిడ్ యోధులకిచ్చిన   మొదటి డోసులు,  1,24,12,904 రెండో డోసులు 67,04,193, 45-60 ఏళ్ల మధ్యవారికిచ్చిన 5,17,23,607 మొదటిడోసులు, 34,02,049 రెండో డోసులు, 60 ఏళ్ళు పైబడ్డవారికిచ్చిన 5,18,72,503 మొదటి డోసులు, 1,04,14,996 రెండో డోసులుఉన్నాయి.

టీకాల కార్యక్రమం మొదలైన 104 వ రోజైన ఏప్రిల్ 29 న సాయంత్రం 8 గంటలకు 20,84,931 టీకా డోసులిచ్చారు. అందులో 11,82,563 మంది లబ్ధిదారులకు మొదటి డోస్, 9,02,368 మందికి రెండో డోస్ ఇచ్చారు.  

****