ప్రధాన మంత్రి శ్రీ నరేంద్ర మోదీ అధ్యక్షతన జరిగిన క్యాబినెట్ సమావేశంలో ఆస్ట్రేలియాకి చెందిన సర్టిఫైడ్ ప్రాక్టీసింగ్ అకౌంటెంట్, భారత ఛార్టర్డ్ అకౌంట్స్ ఇన్స్టిట్యూట్ (ఐసిఏఐ) పరస్పర గుర్తింపు ఒప్పందాన్నిఆమోదించారు. 

అంగీకారం వివరాలు: 

ఇన్స్టిట్యూట్ ఆఫ్ చార్టర్డ్ అకౌంట్స్ ఆఫ్ ఇండియా (ఐసిఎఐ) మరియు సిపిఎ ("సర్టిఫైడ్ ప్రాక్టీసింగ్ అకౌంటెంట్") మధ్య పరస్పర గుర్తింపు ఒప్పందం ప్రకారం, అకౌంటింగ్ పరిజ్ఞానం, వృత్తిపరమైన మరియు మేధో వికాసం, పురోగతి కోసం పరస్పర సహకార ఫ్రేమ్‌వర్క్‌ను ఏర్పాటు చేయడానికి ఆస్ట్రేలియా కలిసి పనిచేస్తుంది. ఆయా సభ్యుల ప్రయోజనాలు, ఆస్ట్రేలియా, భారత్ లో అకౌంటింగ్ వృత్తి అభివృద్ధికి సానుకూలంగా దోహదం చేస్తాయి.

ప్రభావం:ఎంఆర్ఏ ఏమి చేస్తుందంటే. . 

1. రెండు అకౌంటింగ్ సంస్థల మధ్య పని సంబంధాలను పెంపొందుతాయి 
2. సభ్యులు, విద్యార్థులు, వారి సంస్థల ఉత్తమ ప్రయోజనంతో పరస్పర ప్రయోజనకరమైన సంబంధాన్ని అభివృద్ధి చేస్తాయి 
3. ఇరువైపులా నిపుణుల చైతన్యాన్ని పెంచడం, రెండు దేశాలలో చిన్న మరియు మధ్యతరహా వ్యాపారానికి కొత్త కోణాన్ని స్పృశిస్తాయి 
4. విశ్వ పర్యావరణ రంగంలో వృత్తి పరంగా ఎదుర్కొంటున్న కొత్త సవాళ్లను పరిష్కరించడంలో నాయకత్వ పాత్ర పోషించడానికి రెండు అకౌంటెన్సీ సంస్థలకు అవకాశం ఉంటుంది.

ప్రయోజనాలు:

రెండు సంస్థల మధ్య ఒప్పందం వల్ల భారతీయ చార్టర్డ్ అకౌంటెంట్లకు ఎక్కువ ఉపాధి అవకాశాలు లభిస్తాయని మరియు భారతదేశానికి తిరిగి ఎక్కువ చెల్లింపులు జరుగుతాయని భావిస్తున్నారు.

అమలు వ్యూహం, లక్ష్యాలు:

రెండు సంస్థల పరీక్ష, శిక్షణ, ఆచరణాత్మక అనుభవ అవసరాలను పూర్తి చేయడం ద్వారా సభ్యత్వం సాధించిన ఇతర సంస్థల సభ్యుల అర్హతపై పరస్పర గుర్తింపును MRA అందిస్తుంది, వారి ప్రస్తుత అకౌంటెన్సీ అర్హత కోసం తగిన క్రెడిట్ పొందడం ద్వారా ఇతర సంస్థలో చేరడానికి వీలు కల్పిస్తుంది. ఐసిఏఐ, సిపిఏ ఆస్ట్రేలియా రెండూ అర్హతను గుర్తించడానికి, ఒకరికొకరు శిక్షణ ఇవ్వడానికి మరియు బ్రిడ్జింగ్ మెకానిజమ్‌ను సూచించడం ద్వారా సభ్యులను మంచి స్థితిలో చేర్చుకోవడానికి పరస్పర గుర్తింపు ఒప్పందాన్ని రూపొందించాలి.

నేపథ్యం:

ఇన్స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ఐసిఏఐ) భారతదేశంలో చార్టర్డ్ అకౌంటెంట్ల వృత్తిని నియంత్రించడానికి చార్టర్డ్ అకౌంటెంట్స్ చట్టం, 1949 ప్రకారం స్థాపించబడిన ఒక చట్టబద్దమైన సంస్థ. ప్రపంచంలోని 150 దేశాలు మరియు ప్రాంతాలలో పనిచేస్తున్న 160,000 మంది సభ్యుల సభ్యత్వం కలిగిన సిపిఎ ఆస్ట్రేలియా ప్రపంచంలోనే అతిపెద్ద అకౌంటింగ్ సంస్థలలో ఒకటి మరియు విద్య, శిక్షణ, సాంకేతిక మద్దతు మరియు న్యాయరంగంలో సేవలను అందిస్తుంది.

******