नवी दिल्‍ली, 17 एप्रिल 2021
 

देशभरात आज रात्री 8 वाजेपर्यंत लसीच्या 25.65 लाखांपेक्षा अधिक मात्र देण्यात आल्यामुळे आज लसीकरणाने 12.25 कोटींचा टप्पा ओलांडला आहे. आज 60,057 कोविड लसीकरण केंद्रे कार्यरत होती, सरासरी 15,000 कार्यान्वित लसीकरण केंद्रांची वाढ नोंदविण्यात आली आहे. कामाच्या ठिकाणावरील  कोविड लसीकरण केंद्रे यामुळे लाभार्थींच्या संख्येत मोठी भर पडली.

आज रात्री 8 वाजेपर्यंत प्राप्त झालेल्या तात्पुरत्या अहवालानुसार कोविड-19 लसींच्या एकूण 12,25,02,790 मात्रा देण्यात आल्या.

या आकडेवारीमध्ये लसीची पहिली मात्रा घेणाऱ्या 91,27,451 आरोग्य कर्मचाऱ्यांचा आणि लसीची दुसरी मात्रा घेणाऱ्या 57,07,322 आरोग्य कर्मचाऱ्यांचा तसेच लसीची पहिली मात्रा घेणाऱ्या आघाडीवर काम करणाऱ्या 1,12,29,062 कर्मचाऱ्यांचा, लसीची दुसरी मात्रा घेणाऱ्या आघाडीवर काम करणाऱ्या 55,08,179 कर्मचाऱ्यांचा, लसीची पहिली मात्रा घेणाऱ्या 45 ते 60 वर्षे वयोगटातील  4,04,16,170 लाभार्थ्यांचा आणि दुसरी मात्रा घेणाऱ्या  45 ते 59 वर्षे वयोगटातील  10,76,752 लाभार्थ्यांचा तसेच पहिली मात्रा घेणाऱ्या 60 वर्षावरील वयोगटातील 4,55,60,187 लाभार्थ्यांचा, दुसरी मात्रा घेणाऱ्या 60 वर्षावरील वयोगटातील 38,77,667 लाभार्थ्यांचा समावेश आहे. 

कोविड लसीकरणाच्या 92 व्या दिवशी आज रात्री वाजेपर्यंत एकूण 25,65,179 लसीच्या मात्रा देण्यात आल्या. यापैकी 19,24,416 जणांना पहिली मात्रा, तर, 6,40,763 जणांना दुसरी मात्रा देण्यात आली. अंतिम अहवाल रात्री उशीरा प्राप्त होईल.  

* * *

S.Thakur/S.Mhatre/D.Rane

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com