وزارت دفاع
منگلور میں سمندر میں غائب ہونے والے ماہی گیروں کو تلاش کرنے اور انہیں بچانے کے لیے ہندوستانی بحریہ کے اثاثوں کو کام پر لگایا گیا
Posted On:
14 APR 2021 6:21PM by PIB Delhi
ہندوستانی بحریہ نے منگلور کے ساحل سے ملحق سمندر میں غائب ہونے والے ماہی گیروں کی تلاش اور انہیں بچانے کے لیے اپنے زمینی اور ہوائی اثاثوں کو کام پر لگایا ہے۔ خبر ملی تھی کہ مچھلی پکڑنے والی ایک ہندوستانی کشتی ’آئی ایف بی رباح‘ جس پر 14 ماہی گیر سوار تھے، 13 اپریل 2021 کو تقریباً 0200 بجے نئے منگلور سے 40 ناٹیکل میل مغرب میں سنگاپور فلیگ مرچنٹ شپ (بحری جہاز) ’ایم وی اے پی ایل لی ہاورے‘ سے ٹکرا گئی۔ ساحلی محافظ کشتیوں کی تلاش اور بچاؤ کی کوششوں کے تحت ہندوستانی بحریہ کی کشتیوں، تِلّان چنگ اور کلپینی کو گوا سے بحریہ کے طیارہ کے ساتھ اس علاقہ میں تعینات کیا گیا۔
بچائے گئے دو ماہی گیروں کو بحفاظت سمندر کے کنارے پہنچا دیا گیا ہے، اور اب تک تین لاشیں مل چکی ہیں۔ باقی نو ماہی گیروں کو تلاش کرنے کا کام جاری ہے۔
بچاؤ کی ان کوششوں میں مدد کے لیے، کاروار سے غوطہ خوروں کی ایک ٹیم کے ساتھ گشت لگانے والے بحری جہاز، آئی این ایس سبھدرا کو روانہ کر دیا گیا ہے۔ یہ بحری جہاز 14 اپریل 2021 کو علی الصبح نظر آیا۔ ڈوبی ہوئی ماہی گیر کشتی کا پتہ لگانے کے لیے اس علاقہ میں ماہر غوطہ خوروں کی دو ٹیمیں تلاش کرنے کے کام میں مصروف ہیں۔
![https://static.pib.gov.in/WriteReadData/userfiles/image/Pix19DG9.jpg](https://static.pib.gov.in/WriteReadData/userfiles/image/Pix19DG9.jpg)
![https://static.pib.gov.in/WriteReadData/userfiles/image/Pix2IT5J.jpg](https://static.pib.gov.in/WriteReadData/userfiles/image/Pix2IT5J.jpg)
*****
ش ح – ق ت – ج ا
U No. 3711
(Release ID: 1711940)
Visitor Counter : 170