نئی دہلی ،10مارچ ، 2021،     نیشنل انسٹی ٹیوٹ آف فیشن ٹیکنالوجی (این آئی ایف ٹی) سری نگر کا پہلا کنوویکشن آج  سری نگر میں شیر کشمیر انٹرنیشنل کانفرنس سینٹر میں منعقد ہوا۔ ٹیکسٹائلز اور خواتین  اور بچوں کی ترقی کی مرکزی وزیر محترمہ اسمرتی زوبین ایرانی اس موقع پر مہمان خصوصی تھیں جبکہ نوجوانوں کے امور اور کھیل کود کے محکمے کے وزیر  جناب کرن رجیجو مہمان ذی وقار تھے۔ جموں وکشمیر کے لیفٹیننٹ گورنر جناب منوج سنہا نے جموں کے راج بھون سے ویڈیو کانفرنسنگ کے ذریعے تقریب میں شرکت کی۔

اس موقع پر تقریر کرتے ہوئے محترمہ ایرانی نے کہا کہ این آئی ایف ٹی سری نگر کے  پہلے بیچ نے اس ادارے کی 35 سال پرانی تاریخ میں ایک سنہرے ورق کا  اضافہ کیا ہے۔ انھوں نے طلبا کو ترغیب دی کہ وہ  زندگی میں جو بھی موقع ملے اس سے فائدہ اٹھانے کے لیے خود کو تیار کریں اور اعتماد ظاہر کیا کہ  این آئی ایف ٹی میں  انھیں جو تربیت ملی ہے اس سے وہ کسی بھی امتحان اور مشکل کا مقابلہ کرسکتے ہیں جو ان کے راستے میں آئے گی۔ محترمہ ایرانی نے کہا کہ جموں وکشمیر کی حکومت نے جموں وکشمیر انڈسٹریل پالیسی کے ایک حصے کے طور پر 30000 کروڑ روپئے کے ایک پیکیج کا  حال ہی میں اعلان کیا ہے، محترمہ ا یرانی نے طلبا سے کہا کہ وہ اس سے فائدہ اٹھانے کے لیے اپنی بہترین کوششوں کا استعمال کریں۔

محترمہ ایرانی نے مزید کہا کہ  ٹیکنیکل ٹیکسٹائز کی پیداوار اور ڈیزائن میں مصروف ہے۔ اس پیداوار اور ڈیزائن کو پوشاک اور تزئین کو چھوڑ کر صنعتوں میں استعمال کیا جائے گا اور یہ مستقبل کے لیے ایک بڑا قدم ہوگا۔ ٹیکسٹائلس کی وزارت اس امکان سے پوری طرح کام لینے کی کوشش کر  رہی ہے۔ انھوں نے کہا کہ این آئی ایف ٹی مستقبل قریب میں ٹیکنیکل  ٹیکسٹائلس کو ایک تعلیمی مضمون کے طو رپر متعارف کرانے کی کوشش  کر رہی ہے۔

گریجویشن کرنے والے طلبا اور ان کے والدین کو مبارکباد دیتے ہوئے نوجوانوں کے امور اور کھیل کود کے محکمے کے وزیر جناب کرن رجیجو نے طلبا پر زور دیا کہ وہ فراہم شدہ  مواقع کا بہترین استعمال کریں  کیونکہ پوشاکوں اور فیشن کی صنعت میں  ان کے لیے زبردست امکانات موجود  ہیں۔ انھوں نے کہا کہ بھارت کے نوجوانوں کو ملک کی نرم شبیہ اور نرم پاؤور کی تشریح کرنے اور اسے پیش کرنے میں ایک اہم رول ادا کرنا ہے۔ ا نھوں نے کہا کہ این آئی ایف ٹی سری نگر کے سابق طلبا اس سمت میں ایک قائدانہ رول ادا کریں گے۔

این آئی ایف ٹی سری نگر چار چار سال کی مدت کے فیشن ڈیزائن اور فیشن کمیونی کیشن کے دو انڈر گریجویٹ کورس چلاتا ہے۔

*****

ش ح ۔اج۔را

U.No.3576

(Release ID: 1710909) Visitor Counter : 169