মন্ত্রীমন্দল

কেবিনেৎনা ‘নেস্নেল প্রোগ্রাম ওন হাই ইফিসিএন্সী সোলার পি.ভি. মোদ্যুল’গী প্রদক্সন লিঙ্ক ইন্সেন্তিব স্কিমগী অয়াবা পীখ্রে

Posted On: 07 APR 2021 3:54PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দোলনা ন্যু এন্দ রিন্যুএবল ইনর্জী মন্ত্রালয়না লুপা করোর ৪৫০০ চঙদুনা গিগা ৱাৎ (জি.দবল্যু.)কী চাংদা হাই ইফিসিএন্সী সোলার পি.ভি. মোদ্যুল পুথোকপগী পান্দম ফংনবগীদমক্তা হৌদোরকপা ‘নেস্নেল প্রোগ্রাম ওন হাই ইফিসিএন্সী সোলার পি.ভি. (ফোতো ভোলতাইক) মোদ্যুল’গী প্রদক্সন লিঙ্ক ইন্সেন্তিব স্কিম্বু থবক ওইনা পাংথোকপগী অয়াবা পীখ্রে।

হৌজিক্কী ওইনা সোলার কেপাসিতী হেনগৎহনবা অসি ঐখোয়গী লৈবাক্কী পোত্থোক পুথোকপগী ইন্দস্ত্রীগী সোলার পি.ভি. সেল অমসুং মোদ্যুলশিংগী থবক ওইনা পাংথোকপদা অকক্নবা খরা লৈবনা   মীরমদগী পুশিল্লকপা সোলার পি.ভি. সেল অমসুং মোদ্যুলশিংদা য়াম্না চাউনা মীপান তাঙলি। নেস্নেল প্রোগ্রাম ওন হাই ইফিসিএন্সী সোলার পি.ভি. মোদ্যুলনা ইলেক্ত্রিসিতীগুম্বা স্ত্রেতজিক সেক্তরশিংনা মীরমগী পোত্থোক্তা মীপান তাংবা হন্থহনগনি। মসিনা আত্মানির্ভর ভারতকী খোঙথাংবুসু শৌগৎকনি।

সোলার পি.ভি. পুথোকপশিংবু নুং-পান ফাওনা উবা বিদ্দিং তৌবগী থৌওংগী খুত্থাংদা খনগনি। পি.এল.আই. অসি সোলার পি.ভি. পুথোকপগী প্লান্তশিংনা মথৌ তৌবা হৌরবা তুংদা হাই ইফিসিএন্সী সোলার পি.ভি. মোদ্যুল য়োনবগীদমক্তা চহি ৫গী ওইনা পীগনি। পোত্থোক পুথোক্লিবশিংবু সোলার পি.ভি. মোদ্যুলশিংনা হেন্না ফবগীদমক্তা মনা পীগনি অমসুং মখোয়গী পোৎলমশিংবু লৈবাক্কী কৈথেলদগী লৈবগীদমক্তসু মনা পীগনি। মতৌ অসুম্না, মোদ্যুল ইফিসিএন্সী অমসুং লোকেলগী ভেল্যু এদিসন হেনগৎলকপগী মতুং ইন্না পি.এল.আই.গী শেনফমসু হেনগৎলক্কনি।

স্কিম অসিদগী কান্নবা ফংগনি হায়বা থাজবা হীরমশিং মখাদা পীরিঃ

১) পুন্সিল্লবা সোলার পি.ভি. মেন্যুফেকচরিং প্লান্তশিংদা ১০,০০০ এম.দবল্যু.গী কেপাসিতী হেনগৎলকপা,

২) সোলার পি.ভি. মেন্যুফেকচরিং প্রোজেক্তশিংদা লুপা করোর ১৭,২০০গী চাউরাকপা শেনফম হকথেংননা থাদবা,

৩) ‘বেলেন্স ওফ মেতরিএল’গীদমক্তা চহি ৫গী মনুংদা লুপা করোর ১৭,৫০০গী অপাম্বা লৈরকপা,

৪) চাউরাকপা মীওই ৩০,০০০দা হকথেংননা থবক পীবা অমসুং চাউরাকপা মীওই ১,২০,০০০দনা নাকোইননা থবক পীবা,

৫) চহি খুদিংগী ওইনা লুপা করোর ১৭,৫০০গী শেনফমগী পোত্থোক্না মীরমদগী পুশিল্লকপগী মহুৎ শিল্লকপা,

৬) সোলার পি.ভি. মোদ্যুলশিংদা অহেনবা ইফিসিএন্সী ফংনবগীদমক্তা রিসর্চ অমসুং দিভেলপমেন্ততা শাফু পীবা।

 

*******



(Release ID: 1710139) Visitor Counter : 26