امور صارفین، خوراک اور عوامی تقسیم کی وزارت

دھان کی خرید میں پچھلے سال کے مقابلے 13.54 فیصد کا اضافہ


موجودہ خریف مارکٹنگ سیزن کے دوران ابھی تک 688.02 لاکھ میٹرک ٹن دھان خریدا گیا

حکومت نے پنجاب سے 202.82 لاکھ میٹرک ٹن دھان کی خریداری کی ہے، جو مجموعی خرید کا29.47 فیصد ہے

129898.14 کروڑ کے ایم ایس پی قیمت کے ساتھ کے ایم ایس خریداری کے عمل سے تقریباً 101.45 لاکھ کسان مستفیض ہوئے ہیں

حکومت نے اپنی ایجنسیوں کے توسط سے 2054.15 کروڑ کی ایم ایس پی قیمت کی دلہن اور تلہن کی خریداری کی

Posted On: 25 MAR 2021 7:34PM by PIB Delhi

 خریف مارکیٹنگ سیزن (کے ایم ایس) 21-2020 کے دوران، حکومت  اپنی موجودہ کم از کم امدادی قیمت ( ایم ایس پی) اسکیموں کے مطابق ہی  کسانوں سے  کم از کم امدادی قیمت پر خریف  فصلوں کی خریداری کررہی ہے جس طرح سے پچھلے سیزنوں میں ہوتی  رہی ہے۔

1.png خریف 21-2020 کے لئے دھان کی خریداری خوش اسلوبی سے جاری ہے ۔ پنجاب، ہریانہ، اترپردیش، تلنگانہ، اتراکھنڈ، تمل ناڈو، چنڈی گڑھ، جموں و کشمیر، کیرالہ، گجرات، آندھراپردیش، چھتیس گڑھ، اڈیشہ، مدھیہ پردیش، مہاراشٹر ،بہار،جھارکھنڈ، آسام، کرناٹک، مغربی بنگال اور تریپورہ سے دھان کی خریداری کی جارہی ہے۔ 24 مارچ2021 تک ان ریاستوں اور مرکز کے زیرانتظام علاقوں کے کسانوں سے 688.02لاکھ میٹرک ٹن سے زیادہ دھان کی خریداری کی جاچکی ہے۔ جبکہ  اسی مدت میں پچھلے سال  605.94 لاکھ میٹرک ٹن دھان کی خریداری ہوپائی تھی۔ اس سال اب تک کی گئی تھان کی خریداری میں پچھلے سال کے مقابلے 13.54 فیصد کا اضافہ دیکھا گیا ہے ۔688.02 لاکھ میٹرک ٹن دھان کی مجموعی  خریداری میں سے تنہا  پنجاب  کی حصہ داری  202.82 لاکھ میٹرک ٹن  ہے، جو کہ  مجموعی خریداری کا 29.47 فیصد ہے۔

 

تقریباً 101.44 لاکھ کسان موجودہ خریف مارکیٹنگ سیزن (کے ایم ایس)  میں پہلے ہی فیضیاب ہوچکے ہیں۔ کسانوں کو کم از کم امدادی قیمت پر 129898.14  کروڑ روپے کی ادائیگی کی جاچکی ہے۔

 3.png

اس کے علاوہ ریاستوں سے موصول ہوئی  تجویز کی بنیاد پرتمل ناڈو، کرناٹک، مہاراشٹر، تلنگانہ، گجرات، ہریانہ، مدھیہ پردیش، اترپردیش، اڈیشہ، راجستھان اور آندھراپردیش  جیسی ریاستوں سے خریف مارکیٹنگ سیزن21-2020 اور ربیع مارکیٹنگ سیزن 2021 کیلئے امدای قیمت اسکیم (پی ایس ایس) کے تحت107.08 لاکھ میٹرک ٹن دلہن اور تلہن کی خریداری کو بھی  منظوری دی گئی ہے۔ آندھراپردیش، کرناٹک، تمل ناڈو اور کیرالہ ریاستوں سے  1.23 لاکھ میٹرک ٹن کھوپرا (بارہ ماسی فصل) کی خریداری کے لئے بھی منظوری دی گئی ہے۔ اگر نوٹیفائیڈ فصل مدت کے دوران متعلقہ ریاستوں اور مرکز کے زیرانتظام علاقوں میں بازار کی شرحیں ایم ایس پی سے نیچے چلی جاتی ہیں تو ریاست کی نامزد خرید ایجنسیوں کے توسط سے مرکزی نوڈل ایجنسیوں کے ذریعے ریاستوں اور مرکز کے زیر انتظام علاقوں  کو  امدادی قیمت اسکیم (پی ایس ایس)  کے تحت دلہن ، تلہن اور کھوپرا  فصل کی خریداری کی تجاویز حاصل ہونے پر بھی منظوری دی جائے گی، تاکہ رجسٹرڈ کسانوں سے  21-2020 کے لئے نوٹیفائیڈ کی گئی کم از کم امدادی قیمت پر براہ راست  ان فصلوں کے ایف اےکیو گریڈ کی خرید اری کی جاسکے۔

خریف 21-2020 اورربیع 2021 کے تحت 24  مارچ 2021 تک حکومت نے اپنی نوڈل ایجنسیوں کے توسط  سے 385433.12 میٹرک ٹن مونگ ، اُڑد،تور، مونگ پھلی  کی پھلی اور سویابین کی خریداری ایم ایس پی   قیمتوں پر کی ہے۔ اس خریداری سے تمل ناڈو، کرناٹک، آندھرا پردیش، مہاراشٹر، گجرات، اترپردیش، ہریانہ اور راجستھان کے 227644 کسانوں کو 2054.15 کروڑ روپئے کی آمدنی ہوئی ہے۔

اسی طرح سے 5089 میٹرک ٹن کھوپرا(بارہ ماسی فصل) کی خریداری کرناٹک اور تمل ناڈو ریاستوں سے کی گئی ہے۔ اس دوران  3961 کسانوں کو فائدہ پہنچاتے ہوئے 24 مارچ 2021  تک کم از کم امدادی قیمت پر 52 کروڑ 40 لاکھ  روپئے کی ادائیگی کی گئی۔ان سے متعلق ریاستوں اور مرکز کے زیر انتظام علاقوں کی حکومتیں خریف دلہن اور تلہن فصلوں کی آمد کی بنیاد پر متعلقہ ریاستوں کے ذریعے مقررہ تاریخ سے خریداری شروع کرنے کے لئے ضروری انتظامات کررہی ہیں۔

 

کم از کم امدادی قیمت اسکیم کے تحت  ہی پنجاب، ہریانہ، راجستھان، مدھیہ پردیش، مہاراشٹر، گجرات،تلنگانہ، آندھراپردیش، اڈیشہ اور کرناٹک ریاستوں سے کپاس کی خریداری کا کام بھی خوش اسلوبی سے جاری ہے۔24 مارچ 2021تک1886498کسانوں سے 26719.51 کروڑ روپئے  کی ایم ایس پی پر کپاس کی 9189378 گانٹھوں کی خریداری کی جاچکی ہے۔

 

 

*************

 

ش ح۔ف ا   ۔ م ص

 (U: 3078)



(Release ID: 1707700) Visitor Counter : 165


Read this release in: English , Hindi , Punjabi , Telugu