نئی دہلی، 24 مارچ 2021: محنت و روزگار  کے وزیر مملکت (آزادانہ چارج) جناب سنتوش کمار گنگوار نے آج راجیہ سبھا میں ایک تحریری جواب کے تحت یہ اطلاع فراہمی کی کہ  اٹل بیمت وِیَکتی کلیان یوجنا ایمپلائیز اسٹیٹ انشیورینس کارپوریشن (ای ایس آئی سی) کے ذریعہ چھوٹے پیمانے پر دو سال کے لیے شروع کی گئی تھی، جو 01.07.2018 کو نافذالعمل ہوئی اور اس کا مقصد ان بیمہ دار افراد (آئی پی) کو راحت فراہم کرنا ہے جو بے روزگار ہو چکے ہیں۔ اس اسکیم کے تحت زیادہ سے زیادہ 90 دنوں تک، اوسط یومیہ آمدنی کے 25 فیصد تک نقد  معاوضے کی صورت میں راحت بہم پہنچائی گئی ، بشرطیکہ ملازم نے بیمہ کے قابل ملازمت کے دو برس مکمل کیے ہوں اور راحت حاصل کرنے سے قبل مسلسل چار تعاون والی مدتوں میں اٹھتر (78) دنوں سے زائد کا تعاون دیا ہو۔

اس کے آغاز سے لے کر 18.03.2021 تک، اس اسکیم کے تحت مجموعی طور پر 43299 مستفیدین راحت حاصل کر چکے ہیں اور 57.18 کروڑ روپئے کے بقدر رقم تقسیم کی جا چکی ہے۔

ریاست / مرکز کے زیر انتظام علاقے کے لحاظ سے ، 01.07.2018 سے 18.03.2021 تک، اس اسکیم کے تحت کی گئی ادائیگیوں کی تفصیلات مندرجہ ذیل ہیں۔

اس اسکیم کو 01.07.2020 سے  30.06.2021 تک توسیع دی گئی ہے۔ وہ بیمہ دار افراد جو کووِڈ۔19 وبائی مرض کے دوران بے روزگار ہوگئے، انہیں فوائد بہم پہنچانے کے لئے، راحت کی شکل میں دیے جانے والے معاوضے کی شرح میں اضافہ کیا گیا، ساتھ ہی ان بیمہ دارافراد کے لئے اہلیت کی شرائط میں رعایت کی گئی  جو 24.03.2020کے بعد بے روزگار ہوئے:

1. راحت کی شرح میں دوگنا اضافہ کرتے ہوئے ملازم کی اوسط یومیہ آمدنی کی شرح 25 فیصد سے بڑھا کر 50 فیصد کر دی گئی۔
2. بیمہ دار شخص بے روز گار ہوجانے سے قبل کم از کم دو برس بیمہ کے قابل ملازمت میں ہونا چاہئے اور اس نے بے روزگار ہونے سے قبل 78 دنوں سے زائد اور بے روزگار ہونے سے قبل دو برسوں میں بقیہ تین تعاون والی مدتوں میں سے ایک میں کم از کم 78 دنوں کے لئے تعاون دیا ہو۔ اس سے قبل شرط یہ ہوا کرتی تھی کہ  ملازم نے بے روزگار ہونے سے قبل، کم از کم دو برس بیمہ شدہ ملازمت کے ساتھ، چار تعاون والی مدتوں میں کم از کم 78 دنوں  کا تعاون دیا ہو۔
3. معاوضہ کی ادائیگی بے روزگار ہونے کے 30 دنوں بعد ہوگی۔ اس سے قبل یہ مدت 90 دنوں کی ہوا کرتی تھی۔
4. بیمہ دار فرد کے معاوضے کا دعویٰ آجر کے ذریعہ آگے بڑھائے جانے کی ضرورت نہیں ہے۔ یہ دعویٰ فارم کی شکل میں خود بیمہ دار شخص کے ذریعہ آن لائن بھرا جائے اور اس فارم کو براہِ راست برانچ آفس کے لئے ارسال کیا جائے۔

ملک میں بے روزگاروں کی فلاح و بہبود کے لئے وزارت کے ذریعہ مندرجہ ذیل اقدامات کیے گئے ہیں:

1. روزگار کے نئے مواقع پیداکرنے کی ترغیب فراہم کرنے کے ساتھ ساتھ سماجی تحفظ فوائد بہم پہنچانے اور کووِڈ۔19 وبائی مرض کے دوران بے روزگار ہوئے افراد کے روزگار کی بحالی کے مقصد سے حکومت کے ذریعہ آتم نربھر بھارت روزگار یوجنا(اے بی آر وائی) کا آغاز کیا گیا۔ یہ اسکیم چونکہ ایمپلائز پروویڈنٹ فنڈ آرگنائزیشن (ای پی ایف او) کے توسط سے نافذ کی جا رہی ہے، اس لیے یہ اسکیم بہت چھوٹے، چھوٹے اور درمیانہ درجے کی صنعتوں (ایم ایس ایم ای) سمیت مختلف شعبوں / صنعتوں کے آجرین کے مالی بوجھ کو کم کرتی ہے اور مزید کارکنان کو بھرتی کرنے کے لئے ان کی حوصلہ افزائی کرتی ہے۔ اے بی آر وائی کے تحت، حکومت دو سال کی مدت کے لئے قرض دے رہی ہے، جس میں ملازمین کا حصہ (اجرت کا 12 فیصد) اور آجرین کا حصہ (اجرت کا 12 فیصد) قابل ادائیگی  یا صرف ملازمین کا حصہ ، جو کہ ای پی ایف او کے تحت درج رجسٹر کمپنیوں کے ملازمین کی طاقت پر منحصر ہے۔

2. ملک میں روزگار کی تلاش، کرئیر کونسلنگ، پیشہ وارانہ رہنمائی، ہنرمندی ترقیات سے متعلق کورسوں کے بارے میں معلومات، انٹرنشپ وغیرہ جیسی روزگار سے متعلق مختلف خدمات کی فراہمی کے لئے حکومت مشن موڈ پروجیکٹ کے طور پر قومی کرئیر خدمات (این سی ایس) پروجیکٹ بھی نافذ کر رہی ہے۔ یہ خدمات قومی کرئیر خدمات پورٹل (www.ncs.gov.in) پردستیاب ہیں اور یہ روزگار کے متلاشی افراد، آجرین، ہنرمندی فراہم کرنے والے افراد، کریئر کونسلر حضرات، وغیرہ سمیت تمام یوزرس کے لئے قابل رسائی ہے۔

 

 

 

 

 

*****

ش ح ۔اب ن

U-3010

(Release ID: 1707355) Visitor Counter : 184