آزادی کا امرت مہوتسو تقریبات کے حصے کے طورپر شہید بھگت سنگھ کی زندگی پر ایک تصویری نمائش انڈیا انٹرنیشنل سینٹر میں شروع کی گئی ہے۔آج اس نمائش کا افتتاح سیاحت کی وزارت کے سیکریٹری جناب اروند سنگھ نے کیا ۔سیاحت کی وزارت میں ایڈیشنل ڈائریکٹر جنرل محترمہ روپندر برار بھی اس موقع پر موجود تھیں۔یہ نمائش شہید بھگت سنگھ کی زندگی کے حقائق کی عکاسی کرتی ہے۔اس موقع پر خطاب کرتے ہوئے سیاحت کے سیکریٹری جناب اروند سنگھ نے، جدوجہد آزادی کی تحریک میں ہمارے مجاہدین آزادی کے کردار کو اجاگر کیا۔جناب اروند سنگھ نے اس بات سے بھی مطلع کیا کہ سیاحت کی وزارت نے انڈیا @75پروگرام کے تحت مختلف پروموشن کے پروگرام منعقد کرنے کی منصوبہ بندی  کی ہے۔

 

 

 

 

ہندوستانی سیاحت ، دہلی نے ‘انڈیا @75:ایک وراثتی چہل قدمی’کا انعقاد مہرولی کے علاقے میں کیا ہے، جس کا مقصد آج شہیدی دِوس کی یادگار منانا ہے۔اس واک کی خاص بات شہید بندا بہادر کے جائے شہادت پر پہنچنا تھا۔ مہمان نوازی کے ادارے ، علاقائی سطح کے رہنما کے ساتھ ساتھ انڈیا ٹورزم دہلی کے افسران نے بھی اس واک میں حصہ لیا۔یہ واک قطب مینار کمپلیکس میں پایہ تکمیل تک پہنچی۔

 

 

*************

 

ش ح۔اع ۔ ن ع

 (U: 2964)

(Release ID: 1707146) Visitor Counter : 102