সরকার অসিনা পোস্ত মেত্রীক স্কোলরশিপ স্কীম ২০২০-২১দগী ২০২৫-২৬ ফাওবা চৎথগদবা অমসুং শেমদোক্লবশিংগী অয়াবা পীখ্রে। ফন্দ পীবগী মওং অসি হান্ননা লৈরম্বা মওং ৬০:৪০গী সেন্তর অমসুং স্তেতকগী মরক্তা অহোংবা লৈখ্রে। অৱাং-নোংপোক স্তেতশিংগী ওইনা রেসিও অসি ৯০:১০ ওইরি।  ২০২১-২২দগী হৌরগা স্কীম অসিগী মখাদা সেন্তরগী শরুক অসি দি.বি.তি. মোদতা মহৈরোয়শিংগী বেঙ্ক একাউন্তদা থকথেংননা থাদোরক্কনি। স্কীম অসি ওনলাইনগী ফম্বাক্তা সাইবর সেক্যুরিতীগা লোয়ননা করিগুম্বা স্কোলরশিপ অসিবু লান্না শিজিন্নবা থিংনবা হোৎনদুনা পীগনি। 

অতোপ্পা সেন্ত্রেলনা পুথোকপা স্কীম অমদা, দাঃ অম্বেদকর পোস্ত মেত্রীক স্কোলরশিপ অমা ই.বি.সি. মহৈরোয়শিংগীদমক স্তেত সরকার অমসুং য়ুনিয়ন তেরিতোরীনা ২০১৪-১৫দগী পোস্ত-মেত্রীকুলেসন নত্ত্রগা পোস্ত-সেকেন্দরী থাক্তা লৈবা ই.বি.সি. মহৈরোয়শিংগীদমক পীবা হৌখ্রে।

হায়রিবা পাউ অসি সোসিএল জস্তিস অমসুং এম্পৱার্মেন্তগী মিনিস্তর ওফ স্তেত শ্রী রতন লাল কাতারিয়ানা রাজ্য সভাদা অইবা ওইনা পাউখুম পীখিবনি।

*****