ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ

ਦਿੱਲੀ ਮੈਡੀਕਲ ਐਸੋਸੀਏਸ਼ਨ (ਡੀਐੱਮਏ) ਨੇ ਡਾ. ਹਰਸ਼ ਵਰਧਨ ਨੂੰ ਕੋਵਿਡ-19 ਮਹਾਮਾਰੀ ਦੇ ਦੌਰਾਨ ਉੱਤਮ ਸੇਵਾ ਅਤੇ ਬੇਮਿਸਾਲ ਕੰਮ ਲਈ ਸਨਮਾਨਿਤ ਕੀਤਾ

ਡਾ: ਹਰਸ਼ ਵਰਧਨ ਨੇ ਹੈਲਥਕੇਅਰ ਵਰਕਰਾਂ ਅਤੇ ਫਰੰਟਲਾਈਨ ਵਰਕਰਾਂ ਦਾ ਦੇਸ਼ ਨੂੰ ਆਪਣੇ ਤੋਂ ਅੱਗੇ ਰੱਖਣ ਲਈ ਧੰਨਵਾਦ ਕੀਤਾ

"ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਨੇ ਟੀਕਾ ਮੈਤਰੀ ਨਾਲ ਕਿਸੇ ਵੀ ਤਰਾਂ ਦੀ ਕੋਈ ਨੀਤੀ ਨਾ ਜੋੜਨ" ਤੇ ਜ਼ੋਰ ਦਿੱਤਾ: ਡਾ: ਹਰਸ਼ ਵਰਧਨ

"ਕੁਝ ਦੇਸ਼ ਟੀਕੇ ਦੇ ਰਾਸ਼ਟਰਵਾਦ ਵਿੱਚ ਉਲਝੇ ਹੋਏ ਹਨ": ਡਾ: ਹਰਸ਼ ਵਰਧਨ
n
"ਅਸੀਂ ਭਾਰਤ ਵਿਚ ਕੋਵਿਡ -19 ਮਹਾਮਾਰੀ ਦੀ ਸਮਾਪਤੀ ਖੇਡ ਵਿਚ ਹਾਂ": ਡਾ: ਹਰਸ਼ ਵਰਧਨ

ਡਾ: ਹਰਸ਼ ਵਰਧਨ ਨੇ ਭਾਰਤ ਵਿਚ ਕੋਵਿਡ ਦੇ ਖਾਤਮੇ ਲਈ 3 ਕਦਮ ਦੀ ਪ੍ਰਕਿਰਿਆ ਸਾਂਝੀ ਕੀਤੀ

Posted On: 07 MAR 2021 5:18PM by PIB Chandigarh

ਦਿੱਲੀ ਮੈਡੀਕਲ ਐਸੋਸੀਏਸ਼ਨ (ਡੀਐੱਮਏ) ਨੇ ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ, ਵਿਗਿਆਨ ਅਤੇ ਤਕਨਾਲੋਜੀ ਅਤੇ ਪ੍ਰਿਥਵੀ ਵਿਗਿਆਨ ਮੰਤਰੀ ਡਾ. ਹਰਸ਼ ਵਰਧਨ ਨੂੰ ਮੈਡੀਕਲ ਭਾਈਚਾਰੇ ਅਤੇ ਸ਼ਾਨਦਾਰ ਸੇਵਾਵਾਂ ਲਈ ਦਿੱਤੇ ਯੋਗਦਾਨ ਅਤੇ ਕੋਵਿਡ-19 ਮਹਾਮਾਰੀ ਦੌਰਾਨ ਕੀਤੇ ਬੇਮਿਸਾਲ ਕੰਮਾਂ ਲਈ ਸਨਮਾਨਤ ਕੀਤਾ ।

ਨਵੀਂ ਦਿੱਲੀ ਦੇ ਹੋਟਲ ਦਿ ਲਲਿਤ ਵਿਖੇ ਐਤਵਾਰ, 7 ਮਾਰਚ 2021 ਨੂੰ  ਧਰਮਸ਼ਾਲਾ ਨਾਰਾਇਣਾ ਹਸਪਤਾਲ ਦੇ ਸਹਿਯੋਗ ਨਾਲ ਡੀਐਮਏ ਦੀ 62 ਵੀਂ ਸਲਾਨਾ ਦਿੱਲੀ ਸਟੇਟ ਮੈਡੀਕਲ ਕਾਨਫਰੰਸ (ਮੈਡੀਕਨ 2021) ਦੇ ਮੌਕੇ ਤੇ, ਡਾ. ਹਰਸ਼ ਵਰਧਨ ਦੀ ਵਿਸ਼ਵ ਦੇ ਹਾਲ ਹੀ ਦੀ ਯਾਦ ਵਿੱਚ ਸਭ ਤੋਂ ਵੱਡੇ ਸਿਹਤ ਸੰਕਟ ਦੌਰਾਨ ਇੱਕ ਅਰਬ ਤੋਂ ਵੱਧ ਲੋਕਾਂ ਦੀ ਉਮੀਦ ਦੇ ਬੇਕਨ ਵਜੋਂ ਸ਼ਲਾਘਾ ਕੀਤੀ ਗਈ। ਕੇਂਦਰੀ ਸਿਹਤ ਮੰਤਰੀ, ਜਿਨ੍ਹਾਂ ਨੇ ਨਾ ਸਿਰਫ ਭਾਰਤ ਵਿਚ ਪੋਲੀਓ ਖਾਤਮੇ ਦਾ ਕੰਮ ਸ਼ੁਰੂ ਕੀਤਾ ਸੀ,  ਬੀਤੇ ਸਮੇਂ ਵਿੱਚ ਡੇਂਗੂ, ਈਬੋਲਾ ਅਤੇ ਪਲੇਗ ਵਰਗੇ ਕਈ ਰੋਗਾਂ ਨੂੰ ਫੈਲਣ ਤੋਂ ਰੋਕਣ ਲਈ ਵੀ ਉਨ੍ਹਾਂ ਨੂੰ ਹੈਂਡਲ ਕੀਤਾ ਸੀ।

ਇਸ ਸਮਾਰੋਹ ਵਿਚ ਡਾ: ਹਰਸ਼ ਵਰਧਨ ਨੇ ਕਿਹਾ, “ਮੇਰੇ ਲਈ ਇਹ ਮਾਣ ਅਤੇ ਸਨਮਾਨ ਦੀ ਗੱਲ ਹੈ ਕਿ ਮੈਂ ਇੱਥੇ ਮੈਡੀਸਨ 2021 ਵਿਚ ਹਾਜ਼ਰ ਹਾਂ ਅਤੇ ਇਹ ਪੁਰਸਕਾਰ ਪ੍ਰਾਪਤ ਕਰ ਰਿਹਾ ਹਾਂ। ਮੇਰੇ ਕੋਲ ਪ੍ਰਤਿਸ਼ਠਿਤ ਦਿੱਲੀ ਮੈਡੀਕਲ ਐਸੋਸੀਏਸ਼ਨ (ਡੀਐੱਮਏ) ਦੀਆਂ ਮੇਰੇ ਸਮੇਂ ਦੀਆਂ ਕਈ ਯਾਦਾਂ ਹਨ ਜਿਨ੍ਹਾਂ ਦਾ ਨਾ ਸਿਰਫ ਭਾਰਤ ਵਿਚ ਹੀ, ਬਲਕਿ ਵਿਸ਼ਵ ਵਿਚ ਕਿਸੇ ਵੇ ਹੇਠਾਂ ਤੇ ਬਹੁਤ ਹੀ ਪ੍ਰਤਿਸ਼ਠਿਤ ਡਾਕਟਰੀ ਪੇਸ਼ੇਵਰਾਂ ਦਾ ਇਕ ਅਮੀਰ ਇਤਿਹਾਸ ਹੈ।

ਉਨ੍ਹਾਂ ਅੱਗੇ ਕਿਹਾ, “ਕੋਵਿਡ -19 ਮਹਾਮਾਰੀ ਨੇ ਸਾਨੂੰ ਮੌਕਾ ਦਿੱਤਾ ਕਿ ਅਸੀਂ ਇੱਕਜੁਟ ਹੋ ਕੇ ਭਾਰਤ ਨੂੰ ਆਪਣੇ ਤੋਂ ਪਹਿਲਾਂ ਰੱਖਿਆ। ਹੈਲਥਕੇਅਰ ਵਰਕਰ (ਐਚਸੀਡਬਲਯੂ) ਅਤੇ ਫਰੰਟਲਾਈਨ ਵਰਕਰ, ਨਾ ਸਿਰਫ ਇਸ ਕਮਰੇ ਵਿਚ, ਬਲਕਿ ਪੂਰੇ ਭਾਰਤ ਵਿਚ, ਇਸ ਮੌਕੇ ਤੇ ਉੱਠ ਖੜੇ ਹੋਏ ਅਤੇ  ਪਰਿਵਾਰ ਨਾਲ ਨਾ ਸਿਰਫ ਆਪਣੇ ਸਮੇਂ, ਬਲਕਿ ਆਪਣੇ ਇਸ ਪਿਆਰੇ ਦੇਸ਼ ਲਈ ਆਪਣੀ ਮਾਨਸਿਕ, ਸਰੀਰਕ ਅਤੇ ਭਾਵਨਾਤਮਕ ਸਿਹਤ ਵੀ ਬਲੀਦਾਨ ਕਰ ਦਿੱਤੀ। ਮੈਂ ਤੁਹਾਡਾ, ਤੁਹਾਡੇ ਸਹਿਯੋਗੀ, ਤੁਹਾਡੇ ਦੋਸਤਾਂ ਅਤੇ ਪਰਿਵਾਰ ਦਾ, ਅਤੇ ਹਰ ਕਿਸੇ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ ਜਿਸ ਨੇ ਤੁਹਾਨੂੰ ਮਾਤ ਭੂਮੀ ਦੀ ਸੇਵਾ ਕਰਨ ਲਈ ਉਸ ਸਮੇਂ ਦੌਰਾਨ ਤਾਕਤ ਅਤੇ ਹੌਸਲਾ ਦਿੱਤਾ, ਜਿਸ ਸਮੇਂ ਸਾਨੂੰ ਇਸ ਦੀ ਸਭ ਤੋਂ ਵੱਧ ਜ਼ਰੂਰਤ ਸੀ। "

 ਡਾ: ਹਰਸ਼ ਵਰਧਨ ਨੇ ਕਿਹਾ, “ਅਸੀਂ ਆਪਣੀ ਜਿੰਦਗੀ ਦੇ ਸਭ ਤੋਂ ਵੱਡੇ ਸਿਹਤ ਸੰਕਟ ਦੇ 14ਵੇਂ ਮਹੀਨੇ ਵਿਚ ਅਤੇ ਤਕਰੀਬਨ 2 ਮਹੀਨੇ ਦੀ ਵਿਸ਼ਵ ਦੀ ਸਭ ਤੋਂ ਵੱਡੀ ਕੋਵਿਡ -19 ਟੀਕਾਕਰਣ ਮੁਹਿੰਮ ਵਿਚ ਹਾਂ। ਅੱਜ ਤਕ, ਅਸੀਂ 2 ਕਰੋੜ ਤੋਂ ਜ਼ਿਆਦਾ ਲੋਕਾਂ ਨੂੰ ਕੋਵਿਡ-19 ਟੀਕੇ ਲਗਾ ਚੁਕੇ ਹਾਂ ਅਤੇ ਸਾਡੀ ਟੀਕਾਕਰਣ ਦੀ ਦਰ ਪ੍ਰਤੀ ਦਿਨ 15 ਲੱਖ ਹੋ ਗਈ ਹੈ। ਬਹੁਤ ਸਾਰੇ ਦੇਸ਼ਾਂ ਦੇ ਉਲਟ, ਸਾਡੇ ਕੋਲ ਕੋਵਿਡ-19 ਟੀਕੇ ਦੀ ਨਿਰੰਤਰ ਸਪਲਾਈ ਹੈ ਜੋ ਸਾਬਤ ਇਮਯੂਨੋਯੋਗਤਾ ਅਤੇ ਪ੍ਰਭਾਵਸ਼ੀਲਤਾ ਨਾਲ ਸੁਰੱਖਿਅਤ ਹਨ। ਸ਼ੁਰੂਆਤੀ ਨਤੀਜਿਆਂ ਦੇ ਅਧਾਰ ਤੇ, ਇਨ੍ਹਾਂ ਮੇਡ ਇਨ ਇੰਡੀਆ ਟੀਕਿਆਂ ਨੇ ਟੀਕਾਕਰਣ (ਏਈਐਫਆਈ) ਦੇ ਬਾਅਦ ਵਿਸ਼ਵ ਵਿੱਚ ਸਭ ਤੋਂ ਘੱਟ ਪ੍ਰਤੀਕੂਲ ਪ੍ਰਭਾਵ ਦਿਖਾਇਆ ਹੈ। " 

ਡਾ: ਹਰਸ਼ ਵਰਧਨ ਨੇ ਜ਼ੋਰ ਦੇ ਕੇ ਕਿਹਾ ਕਿ ਅੱਜ ਪੂਰੀ ਦੁਨੀਆ ਦੇ ਬੱਚਿਆਂ ਨੂੰ ਪੋਲੀਓਮਾਇਲਾਟਿਸ ਦੇ ਟੀਕੇ ਲਗਵਾਉਣ ਦੀ ਜ਼ਰੂਰਤ ਹੈ ਕਿਉਂਕਿ ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਆਪੋ ਆਪਣੇ ਦੇਸ਼ਾਂ ਤੋਂ ਇਸ ਬਿਮਾਰੀ ਨੂੰ ਖ਼ਤਮ ਕਰਨ ਵਿੱਚ ਅਸਫਲ ਰਹੇ ਹਨ, ਹਾਲਾਂਕਿ ਪੋਲੀਓ ਬਾਕੀ ਦੁਨੀਆਂ ਤੋਂ ਖ਼ਤਮ ਹੋ ਗਿਆ ਹੈ। ਇਸੇ ਤਰ੍ਹਾਂ, ਭਾਰਤ ਕੋਰੋਨਾਵਾਇਰਸ ਤੋਂ ਸੁਰੱਖਿਅਤ ਨਹੀਂ ਰਹਿ ਸਕਦਾ, ਜੇਕਰ ਬਾਕੀ ਦਾ ਵਿਸ਼ਵ ਕੋਵਿਡ-19 ਤੋਂ ਅਸੁਰੱਖਿਅਤ ਰਹਿੰਦਾ ਹੈ, ਇਸੇ ਲਈ ਹੀ ਤਾਂ ਕੋਵਿਡ-19 “ਟੀਕਾ ਰਾਸ਼ਟਰਵਾਦ ਨੂੰ ਰੋਕਣਾ ਜ਼ਰੂਰੀ ਹੈ, ਜੇ ਗਰੀਬ ਅਤੇ ਪਛੜੇ ਦੇਸ਼ ਨਾਵਲ ਕੋਰੋਨਾਵਾਇਰਸ ਨੂੰ ਪਨਾਹ ਦਿੰਦੇ ਰਹਿੰਦੇ ਹਨ ਤਾਂ ਅਸੀਂ ਸਾਰਿਆਂ ਲਈ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਦੇ ਯੋਗ ਨਹੀਂ ਹੋਵਾਂਗੇ। ਟੀਕੇ ਦੀ ਨਿਰਪੱਖ ਅਤੇ ਸਮਾਂ ਵੰਡ ਸਮੇਂ ਦੀ ਸਭ ਤੋਂ ਵੱਡੀ ਜਰੂਰਤ ਹੈ। "

ਉਹਨਾਂ ਇਸ ਗੱਲ ਦਾ ਜ਼ਿਕਰ ਕੀਤਾ ਕਿ , “ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਵਿੱਚ, ਭਾਰਤ, ਦੁਨੀਆ ਦੀ ਫਾਰਮੇਸੀ ਵਜੋਂ ਉਭਰਿਆ ਹੈ, ਅਤੇ ਅਸੀਂ 62 ਵੱਖ-ਵੱਖ ਦੇਸ਼ਾਂ ਨੂੰ 5.51 ਕਰੋੜ ਕੋਵਿਡ -19 ਟੀਕੇ ਸਪਲਾਈ ਕੀਤੇ ਹਨ। ਵਿਸ਼ਵ ਵਿਆਪੀ ਸੰਕਟ ਦੇ ਸਮੇਂ, ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਜੀ ਦੀ ਅਗਵਾਈ ਹੇਠ, ਭਾਰਤ ਅੰਤਰਰਾਸ਼ਟਰੀ ਸਹਿਯੋਗ ਨਾਲ ਦੁਨੀਆ ਲਈ ਇਕ ਮਿਸਾਲ ਬਣ ਕੇ ਉਭਰਿਆ ਹੈ। ਇਹ ਸਾਡੀ ਖੁਸ਼ਕਿਸਮਤੀ ਹੈ ਕਿ ਸਾਡੇ ਕੋਲ ਸ਼੍ਰੀ ਨਰੇਂਦਰ ਮੋਦੀ ਜੀ ਵਰਗੇ ਵਿਸ਼ਵ ਵਿਆਪੀ ਨੇਤਾ ਹਨ ਜੋ ਸੱਚਮੁੱਚ 'ਵਸੂਧੈਵ ਕੁਟੰਬਕਮ' ਮੰਤਰ ਦਾ ਪ੍ਰਤੀਕ ਹਨ। ”

ਭਾਰਤ ਵਿਚ ਕੋਵਿਡ-19 ਦੇ ਖਾਤਮੇ ਦੀ ਸੰਭਾਵਨਾ ਨੂੰ ਵੇਖਦਿਆਂ ਡਾ: ਹਰਸ਼ ਵਰਧਨ ਨੇ ਕਿਹਾ, “ਅਸੀਂ ਭਾਰਤ ਵਿਚ ਕੋਵਿਡ-19 ਮਹਾਮਾਰੀ ਨੂੰ ਖਤਮ ਕਰਨ ਦੀ ਆਖ਼ਰੀ ਗੇਮ ਵਿਚ ਹਾਂ, ਅਤੇ ਇਸ ਪੜਾਅ 'ਤੇ ਸਫਲ ਹੋਣ ਲਈ ਸਾਨੂੰ 3 ਕਦਮਾਂ' ਤੇ ਚੱਲਣ ਦੀ ਲੋੜ ਹੈ: ਰਾਜਨੀਤੀ ਨੂੰ ਕੋਵਿਡ -19 ਟੀਕਾਕਰਣ ਮੁਹਿੰਮ ਤੋਂ ਬਾਹਰ  ਰੱਖੋ, ਕੋਵਿਡ -19 ਟੀਕੇ ਦੇ ਪਿੱਛੇ ਦੇ ਵਿਗਿਆਨ 'ਤੇ ਭਰੋਸਾ ਕਰੋ, ਅਤੇ ਇਹ ਸੁਨਿਸ਼ਚਿਤ ਕਰੋ ਕਿ ਸਾਡੇ ਨੇੜਲੇ ਅਤੇ ਪਿਆਰੇ ਲੋਕ ਸਮੇਂ ਸਿਰ ਟੀਕਾ ਲਗਵਾਉਣ। "

 ਉਨ੍ਹਾਂ ਅੱਗੇ ਕਿਹਾ ਕਿ, “ਸਰਕਾਰ ਪਹਿਲਾਂ ਹੀ ਕੋਵਿਡ-19 ਟੀਕਾਕਰਣ ਵਿੱਚ ਨਿੱਜੀ ਹਸਪਤਾਲਾਂ ਨੂੰ ਸ਼ਾਮਲ ਕਰ ਚੁੱਕੀ ਹੈ, ਅਤੇ ਜੇ ਹਸਪਤਾਲ ਚਾਹੁਣ ਤਾਂ ਉਹ 24x7 ਟੀਕਾਕਰਣ ਕਰ ਸਕਦੇ ਹਨ। ਮੇਰੀ ਸਾਰਿਆਂ ਨੂੰ ਬੇਨਤੀ ਹੈ ਕਿ ਜਿਸ ਤਰ੍ਹਾਂ ਲੋਕਾਂ ਨੇ 'ਕੋਵਿਡ -19 ਦੇ ਢੁਕਵੇਂ ਵਿਵਹਾਰ ਲਈ ਜਨ ਅੰਦੋਲਨ' ਅਪਣਾਇਆ, ਉਸੇ ਤਰ੍ਹਾਂ ਉਨ੍ਹਾਂ ਨੂੰ ਕੋਵਿਡ-19 ਟੀਕਾਕਰਣ ਲਈ ਜਨ ਅੰਦੋਲਨ ਨੂੰ ਅਪਣਾਉਣਾ ਚਾਹੀਦਾ ਹੈ ਅਤੇ ਜਦੋਂ ਵੀ ਉਹ ਯੋਗ ਹੁੰਦੇ ਹਨ, ਉਦੋਂ ਹੀ ਸਾਰੇ ਕੋਵਿਡ-19 ਟੀਕੇ ਦੀ ਖੁਰਾਕ ਜਰੂਰ ਲੈਣ। "

 ਦਿੱਲੀ ਮੈਡੀਕਲ ਐਸੋਸੀਏਸ਼ਨ (ਡੀਐਮਏ) ਦੇ ਪ੍ਰਧਾਨ ਡਾ ਬੀ ਬੀ ਵਧਾਵਾ ਨੇ ਕਿਹਾ, ”ਡਾ ਹਰਸ਼ ਵਰਧਨ ਮੈਡੀਕਲ ਭਾਈਚਾਰੇ ਦਾ ਮਾਣ ਹਨ। ਬੀਤੇ ਸਮੇਂ ਵਿੱਚ ਉਹ ਡੀਐਮਏ ਦੇ ਪ੍ਰਧਾਨ ਵੀ ਰਹੇ ਹਨ। ਅਸੀਂ ਇੰਡੀਆ ਪੋਲੀਓ ਮੁਕਤ ਕਰਵਾਉਣ ਵਿਚ ਉਨ੍ਹਾਂ ਦੇ ਮਿਸਾਲੀ ਮਿਸ਼ਨਰੀ ਜੋਸ਼ ਨੂੰ ਸਵੀਕਾਰਦੇ ਹਾਂ ਅਤੇ ਉਨ੍ਹਾਂ ਦੀ ਸ਼ਲਾਘਾ ਕਰਦੇ ਹਾਂ। ਜਦੋਂ ਉਹ 1993-1994 ਵਿਚ ਡੀਐਮਏ ਦੇ ਪ੍ਰਧਾਨ ਸਨ, ਉਹ ਦਿੱਲੀ ਦੇ ਸਿਹਤ ਮੰਤਰੀ ਵੀ ਸਨ ਅਤੇ ਉਨ੍ਹਾਂ ਨੇ ਨੋਵਲ ਪਲਸ ਪੋਲੀਓ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਜਿਸ ਨੂੰ ਬਾਅਦ ਵਿੱਚ ਸਮੁਚੇ ਦੇਸ਼ ਅਤੇ ਅੰਤ ਵਿਚ ਸਾਰਕ ਦੇਸ਼ਾਂ ਨੇ ਅਪਣਾਇਆ ਸੀ। ਅਸੀਂ ਮਾਣ ਨਾਲ ਆਪਣੀ ਐਸੋਸੀਏਸ਼ਨ ਉਨਾਂ ਨਾਲ ਯਾਦ ਕਰਦੇ ਹਾਂ। 

ਆਨਰੇਰੀ ਸੂਬਾ ਸਕੱਤਰ ਡਾ: ਅਜੈ ਗੰਭੀਰ ਨੇ ਕਿਹਾ ਕਿ “ਅਸੀਂ ਪਿਛਲੇ ਦਿਨੀਂ ਪਲਸ ਪੋਲੀਓ ਪ੍ਰੋਗਰਾਮ ਦੌਰਾਨ ਡਾ: ਹਰਸ਼ ਵਰਧਨ ਜੀ ਦੀ ਅਗਵਾਈ ਹੇਠ ਕੰਮ ਕੀਤਾ ਹੈ ਅਤੇ ਹੁਣ ਡੀਐਮਏ ਪੂਰੇ ਦੇਸ਼ ਵਿਚ ਸਿਹਤ ਸੰਭਾਲ ਢਾਂਚੇ ਨੂੰ ਵਿਕਸਤ ਕਰਨ ਅਤੇ ਟੀਕਾਕਰਨ ਪ੍ਰੋਗਰਾਮ ਵਿੱਚ ਹਰ ਤਰਾਂ ਨਾਲ ਮਦਦ ਕਰਨ ਵਿਚ ਰੁੱਝੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਮਹਿਲਾ ਦਿਵਸ ਦੀ ਪੂਰਵ ਸੰਧਿਆ ‘ਤੇ ਅਸੀਂ ਮਹਿਲਾਵਾਂ ਦੇ ਅਧਿਕਾਰਾਂ ਦੇ ਨਾਲ ਨਾਲ ਕੈਂਸਰ ਦੀ ਰੋਕਥਾਮ ਲਈ ਕੰਮ ਕਰਨ ਦਾ ਸੰਕਲਪ ਕਰਦੇ ਹਾਂ। 

-------------------------------------

ਐਮ ਵੀ/ਐਸ ਜੇ



(Release ID: 1703081) Visitor Counter : 61


Read this release in: English , Urdu , Hindi , Bengali