ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী প্রকাশ জবদেকরনা ঙসি অল্ত বলাজি, হোতস্তার, অমাজোন প্রাইম, নেতফ্লিক্স, জিও, জী৫, বিয়কোম১৮, শীমারূ, এম.এক্স. প্লেয়র য়াওনা তোঙান তোঙানবা ও.তি.তি. প্লেকফোর্মশিংগী মীহুৎশিংগা উন্নখ্রে৷

হৌখিবা মতমশিং অসিদা সরকার অসিনা ও.তি.তি. প্লেয়রশিং অসিগা লোইননা কয়ারক হন্না খন্ন-নৈনবগী থৌরম পাংথোকখ্রে অমসুং সেল্ফ-রিগুলেসনগী তঙাই ফদবা অদুগী মতাংদা মন্ত্রী অসিনা ইন্দস্ত্রীগী মীহুৎশিং অসিদা ফোংদোকখ্রে৷

সিনেমা অমসুং তি.ভি. ইন্দস্ত্রীশিং অসিদগী লাক্লিবা মীহুৎশিং অসি শ্রী জবদেকরনা তরাম্না ওকখ্রে অমসুং মখোয়শিং অসিগীদমক রিগুলেসনশিং শেম্লম্বা মতমদা ও.তি.তি. ইন্দস্ত্রী অসিদা কনা অমতা শরুক য়ারমদে হায়না মহাক্না ফোংদোকখ্রে৷ অসুমতৌদনা ও.তি.তি. প্লেয়রশিং অসিগীদমক সরকার অসিনা প্রোগ্রেসিব ইন্সতিত্যুস্নেল মেকানিজমগা লোইননা থোক্লক্নবা অমসুং সেল্ফ-রিগুলেসনগী আইদিয়া অসিগা লোইননা লেবেল প্লেইং ফিল্দ অমা শেমগৎনবা ৱারেপখ্রে৷ রুলশিং অসি ও.তি.তি. প্লেয়র কয়া অমনা তরাম্না ওকখিবা অসিদা মন্ত্রী অসিনা নংঙাইবা ফোংদোকখ্রে৷

রুলশিং অসিগী প্রোবিজনশিং অসিগী মতাংদা ইন্দস্ত্রী মীহুৎশিং অসিদা ফোংদোক্লদুনা মখোয়শিং অসিনা ইনফোর্মেসন অসি ময়ামদা খঙহনবা মরু ওই অমসুং মন্ত্রালয় অসিগা লোইননা করিগুম্বা মখল অমতগী রেজিস্ত্রেসন তৌবগী মরু ওইদে হায়না মন্ত্রী অসিনা ফোংদোকখ্রে৷ মসিগীদমক ফোর্ম অমা অথুবা মতমদা শেম-শারগনি হায়না মন্ত্রী অসিনা ফোংদোকখ্রে৷ মখাতানা ও.তি.তি. প্লেতফোর্মশিং অসিনা ইফেক্তিব গ্রিবেন্স রিদ্রেসেল মেকানিজম অমা শেম্লবা য়াই হায়না থাজনরি৷

লান্না পাউ শন্দোক্লিবা অসিগী মতাংদা সেল্ফ-রিগুলেতিং বোদীদা য়াওরিবা মীহুৎ অমতা সরকার অসিনা খনখিবা লৈতে হায়না মন্ত্রী অসিনা শেংদোকখ্রে৷

রুলশিং অসিগী মখাদা সরকার অসিনা পাইরিবা পৱার অদুগী মতাংদা ৱা ঙাংলদুনা সরকার অসিনা সেল্ফ-রিগুলেতরী লেবেলদা ৱারোইশিন পুরকপা ঙমদনা লৈরিবা কমপ্লেন্তশিং অসিদা য়েংশিন্নবা ইন্তর দিপার্তমেন্তেল কম্মিতী শেম্লগনি হায়না ইকাই খু্ম্নরবা মন্ত্রী অসিনা ফোংদোকখ্রে৷

ইন্দস্ত্রী মীহুৎশিং অসিনা রুলশিং অসি তরাম্না ওকখ্রে অমসুং মখোয়গী তঙাই ফদবশিং অসি য়েংশিনবিবগীদমক মন্ত্রী অসিবু থাগৎখ্রে৷ অরোইবদা ইন্দস্ত্রী অসিনা খঙনিংবা লৈরিবা পুম্নমক খঙহন্নবা মন্ত্রালয় অসিনা থোঙ লাওনা হাংলি হায়না মন্ত্রী অসিনা ফোংদোকখ্রে৷

*****