ਕੇਂਦਰੀ ਰੇਲ, ਵਣਜ ਤੇ ਉਦਯੋਗ ਮੰਤਰੀ ਖਪਤਕਾਰ ਮਾਮਲੇ, ਖੁਰਾਕ ਤੇ ਜਨਤਕ ਵੰਡ ਮੰਤਰੀ,  ਸ਼੍ਰੀ ਪੀਯੂਸ਼ ਗੋਇਲ ਨੇ ਅੱਜ ਵੀਡੀਓ ਕਾਨਫਰੰਸਿੰਗ ਰਾਹੀਂ ਕੋਟਦਵਾਰ - ਦਿੱਲੀ ਜੰਕਸ਼ਨ - ਕੋਟਦਵਾਰ ਸਿੱਧਾਬਲੀ  ਜਨ ਸ਼ਤਾਬਦੀ ਸਪੈਸ਼ਲ ਟ੍ਰੇਨ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।  ਇਸ ਮੌਕੇ ‘ਤੇ ਕੇਂਦਰੀ ਸਿਖਿਆ ਮੰਤਰੀ, ਡਾ. ਰਮੇਸ਼ ਪੋਖਰਿਯਾਲ ਨਿਸ਼ੰਕ ਦੇ ਨਾਲ ਹੋਰ ਮੰਨੇ ਪ੍ਰਮੰਨੇ ਵਿਅਕਤੀ ਵੀ ਮੌਜੂਦ ਸਨ। 

ਇਸ ਮੌਕੇ ‘ਤੇ ਆਪਣੇ ਸੰਬੋਧਨ ਵਿੱਚ ਮਾਣਯੋਗ ਰੇਲ ਮੰਤਰੀ,  ਸ਼੍ਰੀ ਪੀਯੂਸ਼ ਗੋਇਲ  ਨੇ ਉਨ੍ਹਾਂ ਮਿਹਨਤੀ ਰੇਲ ਕਰਮਚਾਰੀਆਂ ਦਾ ਆਭਾਰ ਪ੍ਰਗਟ ਕੀਤਾ,  ਜਿਨ੍ਹਾਂ ਨੇ ਮਹਾਮਾਰੀ  ਦੇ ਦੌਰਾਨ ਦਵਾਈ ,  ਕੋਲਾ ਅਤੇ ਹੋਰ ਜ਼ਰੂਰੀ ਵਸਤਾਂ ਦੀ ਸਪਲਾਈ ਕਰਕੇ ਦੇਸ਼ ਦੀ ਸੇਵਾ ਕੀਤੀ।  ਉਨ੍ਹਾਂ ਨੇ ਦੱਸਿਆ ਕਿ ਕੋਟਦਵਾਰ - ਦਿੱਲੀ ਮਾਰਗ ਦਾ ਬਿਜਲੀਕਰਨ ਲਗਭਗ ਪੂਰਾ ਹੋ ਚੁੱਕਿਆ ਹੈ।  ਕੇਵਲ 15 ਕਿਲੋਮੀਟਰ ਲੰਬੇ ਸੈਕਸ਼ਨ ਦਾ ਬਿਜਲੀਕਰਨ ਦਾ ਕਾਰਜ ਲੰਬਿਤ ਹੈ,  ਜਿਸ ਦੇ ਇਸ ਮਹੀਨੇ  ਦੇ ਅੰਤ ਤੱਕ ਪੂਰਾ ਹੋਣ ਦੀ ਉਮੀਦ ਹੈ। ਇਸ ਦੇ ਬਾਅਦ ,  ਬਿਜਲੀ ਨਾਲ ਚੱਲਣ ਵਾਲੀਆ ਰੇਲਗੱਡੀਆਂ ਕੋਟਦਵਾਰ ਤੋਂ ਦਿੱਲੀ ਤੱਕ ਜਾਣਗੀਆਂ। ਇਸ ਨਾਲ ਪ੍ਰਦੂਸ਼ਣ ਵਿੱਚ ਕਮੀ ਆਉਣ ਨਾਲ ਵਾਤਾਵਰਣ ਵੀ ਸੁਰੱਖਿਅਤ ਹੋਵੇਗਾ ।  ਅੱਗੇ ਜਾ ਕੇ ਸਾਰੀਆਂ ਰੇਲਗੱਡੀਆਂ ਪੂਰੇ ਉੱਤਰਾਖੰਡ ਰਾਜ ਵਿੱਚ ਬਿਜਲੀ  ਨਾਲ ਹੀ ਚੱਲਣਗੀਆਂ। ਇਸ ਨਾਲ ਰਾਜ ਵਿੱਚ ਕਾਰਬਨ ਉਤਸਰਜਨ ਸਿਫ਼ਰ ਹੋ ਜਾਵੇਗਾ ਅਤੇ ਵਾਤਾਵਰਣ ਦੀ ਸੁਰੱਖਿਆ ਸੁਨਿਸ਼ਚਿਤ ਹੋ ਸਕੇਗੀ ।

ਉਨ੍ਹਾਂ ਨੇ  ਇਹ ਵੀ ਦੱਸਿਆ ਕਿ ਉੱਤਰਾਖੰਡ ਵਿੱਚ ਰੇਲਵੇ ਦੇ ਪ੍ਰੋਜੈਕਟ ਵਧੀਆ ਪ੍ਰਗਤੀ ਕਰ ਰਹੇ ਹਨ।  ਕੇਂਦਰੀ ਬਜਟ 2021-22 ਵਿੱਚ ਰੇਲਵੇ ਪ੍ਰੋਜੈਕਟਾਂ ਲਈ 4432 ਕਰੋੜ ਰੁਪਏ ਵੰਡੇ ਗਏ ਹਨ ਜੋ ਰਾਜ ਲਈ 2009-14  ਦੇ ਦੌਰਾਨ ਔਸਤ ਬਜਟ ਤੋਂ ਲਗਭਗ 23 ਗੁਣਾ ਜ਼ਿਆਦਾ ਹੈ।  ਉੱਤਰਾਖੰਡ ਵਿੱਚ ਤਿੰਨ ਨਵੇਂ ਰੇਲ ਲਾਈਨ ਪ੍ਰੋਜੈਕਟਾਂ ‘ਤੇ ਕੰਮ ਚੱਲ ਰਿਹਾ ਹੈ ਅਤੇ ਰਿਸ਼ੀਕੇਸ਼ ਅਤੇ ਕਰਣਪ੍ਰਯਾਗ  ਦਰਮਿਆਨ ਰੇਲਵੇ ਲਾਈਨ ਦਾ ਕੰਮ ਤੇਜ਼ੀ ਨਾਲ ਅੱਗੇ ਵੱਧ ਰਿਹਾ ਹੈ।  212 ਕਰੋੜ ਰੁਪਏ ਦੀ ਲਾਗਤ ਨਾਲ ਦੇਹਰਾਦੂਨ ਰੇਲਵੇ ਸਟੇਸ਼ਨ ਦੇ ਵਿਕਾਸ ਦੀ ਯੋਜਨਾ ਹੈ। ਉੱਤਰਾਖੰਡ ‘ਤੇ ਮਾਣਯੋਗ ਪ੍ਰਧਾਨ ਮੰਤਰੀ ਦਾ ਵਿਸ਼ੇਸ਼ ਧਿਆਨ ਹੋਣ ਦੇ ਕਾਰਨ ਰਾਜ ਵਿੱਚ ਵਿਆਪਕ ਵਿਕਾਸ ਲਈ ਪ੍ਰੇਰਕ ਸ਼ਕਤੀ ਦਾ ਕੰਮ ਕਰ ਰਹੀ ਹੈ।

ਇਹ ਰੇਲਗੱਡੀ ਕੋਟਦਵਾਰ ਨੂੰ ਰਾਸ਼ਟਰੀ ਰਾਜਧਾਨੀ ਨਾਲ ਜੋੜੇਗੀ ਅਤੇ ਇਸ ਖੇਤਰ ਵਿੱਚ ਸਮਾਜਿਕ - ਆਰਥਿਕ ਵਿਕਾਸ ਲਾਵੇਗੀ ।  ਸਿੱਧਾਬਲੀ  ਮੰਦਿਰ   ਦੇ ਦਰਸ਼ਨ ਲਈ ਜਾਣ ਵਾਲੇ ਤੀਰਥ ਯਾਤਰੀਆਂ ਨੂੰ ਬਿਹਤਰ ਸੰਪਰਕ ਤੋਂ ਲਾਭ ਹੋਵੇਗਾ । 

ਇਸ ਰੇਲਗੱਡੀ  ਬਾਰੇ:

ਰੇਲਗੱਡੀ ਨੰ. 04047 ਕੋਟਦਵਾਰ - ਦਿੱਲੀ ਸਿੱਧਾਬਲੀ  ਜਨ ਸ਼ਤਾਬਦੀ ਐਕਸਪ੍ਰੈਸ ਡੇਲੀ ਸਪੈਸ਼ਲ ਟ੍ਰੇਨ ਕੋਟਦਵਾਰ ਤੋਂ ਦੁਪਹਿਰ ਬਾਅਦ 15.50 ਵਜੇ ਚੱਲੇਗੀ ਅਤੇ ਰੋਜ਼ਾਨਾ ਰਾਤ 22.20 ਵਜੇ ਦਿੱਲੀ ਜੰਕਸ਼ਨ ਪਹੁੰਚੇਗੀ।

ਰੇਲਗੱਡੀ ਨੰ. 04048 ਦਿੱਲੀ ਜੰਕਸ਼ਨ -  ਕੋਟਦਵਾਰ ਸਿੱਧਾਬਲੀ ਜਨ ਸ਼ਤਾਬਦੀ ਐਕਸਪ੍ਰੈਸ ਰੇਲਗੱਡੀ ਦਿੱਲੀ ਜੰਕਸ਼ਨ ਤੋਂ ਸਵੇਰੇ 07.00 ਵਜੇ ਚੱਲੇਗੀ ਅਤੇ ਰੋਜ਼ਾਨਾ ਦੁਪਹਿਰ ਬਾਅਦ 13.40 ਵਜੇ ਕੋਟਦਵਾਰ ਪਹੁੰਚੇਗੀ।

ਇਸ ਰੇਲਗੱਡੀ ਵਿੱਚ ਐੱਲਐੱਚਬੀ ਕੋਚ ਹਨ ਜਿਸ ਵਿੱਚ ਏਸੀ ਚੇਅਰਕਾਰ,  ਦੂਸਰੀ ਸ਼੍ਰੇਣੀ ਚੇਅਰਕਾਰ ਕੋਚ ਅਤੇ ਦੋ ਜੇਨਰੇਟਰ ਕੋਚ ਸ਼ਾਮਲ ਹਨ ।  ਇਹ ਰੇਲਗੱਡੀ ਦੋਵੇਂ ਪਾਸੀਓ ਨਜੀਬਾਬਾਦ ਜੰਕਸ਼ਨ ,  ਮੁਜੱਫਰਪੁਰ ਨਰਾਇਣ ਜੰਕਸ਼ਨ ,  ਬਿਜਨੌਰ ,  ਹਲਦੌਰ ,  ਚੰਨ ਸਿਆਊ ,  ਮੰਡੀ ਧਨੌਰਾ ,  ਗਜਰੌਲਾ,  ਹਾਪੁੜ ,  ਗਾਜੀਆਬਾਦ ਵਿੱਚ ਰੁਕੇਗੀ।

ਅੱਜ ,  ਇਹ ਰੇਲਗੱਡੀ “ਉਦਘਾਟਨ ਸਪੈਸ਼ਲ ਟ੍ਰੇਨ”  ਦੇ ਰੂਪ ਵਿੱਚ ਚਲਾਈ ਜਾ ਰਹੀ ਹੈ।

*****

ਡੀਜੇਐੱਨ