ইনফোর্মেসন অমসুং ব্রোদকাস্তিং মন্ত্রালয়
সরকারনা ২০২১গী ইনফোর্মেসন তেক্নোলোজী(ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুলশিং ফোংখ্রে
ভারততা করবার তৌনবা সোসিয়েল মেদিয়া প্লেতফোর্মশিংবু তরাম্না ওক্লি অমসুং মখোয়না ভারতকী কন্সতিত্যুসন অমসুং চৎনা-পথাপশিং অসি নিংথীনা ইনবা তঙাই ফদে
ৱাহংশিং হংনবগী অমসুং ক্রিতিসাইজ তৌবা মতমদা সোসিয়েল মেদিয়া প্লেতফোর্মশিং অসি শোইদনা শিজিন্নবা য়াগনি
সোসিয়েল মেদিয়া প্লেতফোর্মশিং অসিনা ওর্দিনরী য়ুজরশিং অসি এমপৱার তৌখ্রে অদুবু মসিবু লান্না শিজিন্নরিবা অসিগী মাইয়োক্তা য়েংশিনবা মরু ওই
অনৌবা রুলশিং অসিনা সোসিয়েল মেদিয়াগী ওর্দিনরী য়ুজরশিং অসিবু এমপৱার তৌই, মখোয়গী অৱাবা অদু মতম চানা য়েংশিন্নবা অমসুং রিদ্রেসেলগীদমক মেকানিজম অমা হাপ্পি
জর্নেলিস্তিক সপোর্ত তৌদুনা অমসুং মনিং মখা তমহন্দুনা অফবা গ্রিভেন্স রিদ্রেসেল মেকানিজম অমা ফংহনখিবগা লোইনা-লোইননা ইনহাউস অমসুং সেল্ফ-রিগুলেতিং মেকানিজমদা হেন্না মীৎয়েং চংবা দিজিতেল মেদিয়া অমসুং ও.তি.তি.গী মতাংদা রুলশিং ফোংখ্রে
পুথোরক্লিবা ফ্রেমৱার্ক অসি প্রোগ্রেসিব, লিবরেল অমসুং কন্তেমপোরেনিয়র্স ওই
মসিনা ফ্রীদম ওফ স্পিচ অমসুং এক্সপ্রেসন অমসুং ক্রেতিবিতী অসি য়েংশিনবদা লান্না থাজনরিবা অসি তৌহন্দনা মীয়ামশিং অসিগী তোঙান তোঙানবা কনসর্নশিং অসি থেংননবা হোৎনৈ
থ্র
Posted On:
25 FEB 2021 3:21PM by PIB Imphal
দিজিতেল মেদিয়াগা মরী লৈনবা য়ুজরশিং অসিগী হকশিং, একাউন্তেবিলিতী অমসুং ত্রান্সপরেন্সী ৱাৎলকপা অসি য়েংলগা অমসুং পব্লিক অমসুং স্তেকহোল্দরশিং অসিগা কুপথনা তাথোক তাশিন তৌরবা মতুংদা ইনফোর্মেসন তেক্নোলোজী এক্ত, ২০০০গী সেক্সন ৮৭(২) অসিগী মখাদা অমসুং মমাংগী ইনফোর্মেসন তেক্নোলোজী(ইন্তরমেদিয়রী গাইদলাইনশিং) রুল্স ২০১১ অসিগী মহুৎ শিনবা ওইনা ইনফোর্মেসন তেক্নোলোজী(ইন্তরমেদিয়রী গাইদলাইন্দশিং অমসুং দিজিতেল মেদিয়া ইথিক্স কোদ)রুল্স ২০২১ শেমখ্রে৷
হায়রিবা রুলশিং অসি ফাইনেলাইজ তৌনবা ইলেক্ত্রোনিক্স অমসুং ইনফোর্মসন তেক্নোলোজী মন্ত্রালয় অমসুং ইনফোর্মেসন অমসুং ব্রোদকাস্তিং মন্ত্রালয় অনিনা সোসিয়েল মেদিয়া প্লেতফোর্ম, দিজিতেল মেদিয়া অমসুং ও.তি.তি. প্লেতপোর্মশিং অসিগা মরী লৈননা রুলশিং অসি নিথীনা ইনবা ঙম্নবগীদমক মখোয় মশেলগী মরক্তা য়াম্না কুপথনা খন্না নৈনখ্রে৷
রুলশিং অসিগী IIশুবা শরুক্না ইলেক্ত্রোনিক্স অমসুং আই.তি. মন্ত্রালয়না এদমিনিস্তর তৌরগনি অদুগা দিজিতেল মেদিয়াগা মরী লৈননা কোদ ওফ ইথিক্স অমসুং প্রোসিদ্যোর অমসুং সেফগার্দশিং অসিগা মরী লৈনবা IIIশুবা শরুক অসিনা ইনফোর্মেসন অমসুং ব্রোদকাস্তিং মন্ত্রালয়না এদমিনিস্তর তৌরগনি৷
বেক্তগ্রাউন্দ:
হৌজিক্তি দিজিতেল ইন্দিয়া প্রোগ্রাম অসিনা তেক্নোলোজীগী শক্তি শিজিন্নদুনা ভারতকী প্রজা মীয়ামশিং অসি এমপৱার তৌরিবা ইহৌ অমা ওইখ্রে৷ মোবাইল ফোনশিং অমসুং ইন্তর্নেত শিজিন্নরকপগী চাং য়াম্না হেনগৎলকপা অসিনা ভারততা সোসিয়েল মেদিয়া প্লেতফোর্ম কয়া অমগী ফুতপ্রিন্তশিং অসি হেন্না পাকথোক চাওথোকহনবা ঙমহল্লে৷ হায়রিবা প্লেতফোর্মশিং অসি লৈবাক মীয়ামশিং অসিনা য়াম্না কান্নবা মওং অমদা শিজিন্নরি৷ সোসিয়েল মেদিয়া প্লেতফোর্মশিং অসিগী মতাংদা নৈনদুনা ফোংলিবা পোর্তেল খরনা মখাদা পীরিবা মশিং অসিদা ভারততা সোসিয়েল মেদিয়া প্লেতফোর্মশিং শিজিন্নরিবা মী মশিংনা হায়না রিপোর্ত তৌরকখ্রে:
- ৱাতচএপ শিজিন্নরিবা মীশিং: কোতি ৫৩
- য়ুত্যুব শিজিন্নরিবা মীশিং: কোতি ৪৪.৮
- ফেসবূক শিজিন্নরিবা মীশিং: কোতি ৪১
- ইন্সতাগ্রাম শিজিন্নরিবা মীশিং: কোতি ২১
- ত্বিত্তর শিজিন্নরিবা মীশিং: কোতি ১.৭৫
হায়রিবা সোসিয়েল মেদিয়া প্লেতফোর্মশিং অসিগী মতেংদগী লৈবাক মীয়ামশিং অসিনা মখোয় মখোয়গী ক্রিতিবিতী অদু উৎথোক্নবা, ৱাহংশিং হংনবা অমসুং সরকার অমসুং মহাক্কী ফঙ্কসনরীশিং অসিগী মতাংদা য়ানিংদবা ফোংদোকপা য়াওনা মখোয় মখোয়গী ৱাখল্লোনশিং অদু মনিং মখা তম্না ফোংদোকপা য়াহল্লি৷ ভারততা লৈরিবা মীয়ামশিং অসিগী অনিংবা অপাম্বা ফোংদোকপা অসি দেমোক্রেসী অসিগী য়াম্না মরু ওইবা মচাক অমা ওইবনা মীয়ামশিং অসিগী হকশিং অসি সরকার অসিনা ইকাই খুম্নৈ৷ ভারত অসি মালেম অসিগী খ্বাইদগী চাওবা ওপন ইন্তর্নেত সোসাইতীনি অমসুং সোসিয়েল মেদিয়া প্লেতফোর্মশিং অসি ভারততা লাক্তুনা চলাইনবা, ব্যুজিনেজ তৌনবা অমসুং শেলশু তান্নবা সরকার অসিনা তরাম্না ওক্লি৷ অদুমওইনমক মখোয়শিং অসিনা ভারতকী কন্সতিত্যুসন অমসুং চৎন-পথাপশিং অসি নিংথীনা ইনগদবনি৷
চহী কয়া অমা ক্রিমিনেলশিং, এন্তি-নেস্নেল ইলিমেন্তশিং অসিনা সোসিয়েল মেদিয়া অসি লান্না শিজিন্নরকপা হেনগৎলকপা অসিনা লো এনফোর্সমেন্ত এজেন্সীশিং অসিদা অনৌবা চেলেঞ্জশিং হাপচিল্লকখ্রে৷ মসিগী মনুং চল্লিবশিং অদুদি তেরোরিস্তশিং খন্নবগীদমক মীশিং লান্না লমজিংবা, তংদু-লৈতহন্দবা,ফাইনান্সিয়েল ফ্রোদশিং, আইননা য়াদবা মওংদা হিংশা তৌবা, পব্লিক ওর্দরশিং অসিনি৷
হৌজিক হৌজিক্কী ওইনা অফবা কমপ্লেন্ত মেকানিজম অমা লৈতবনা সোসিয়েল মেদিয়া অমসুং ও.তি.তি. প্লেকফোর্মশিং অসি শিজিন্নরিবা মীয়ামশিং অসিনা মখোয় মখোয়গী কমপ্লেন্ত অদু রেজিস্তর তৌবা য়ারগনি অমসুং তাইমলাইন অমগী মনুংদা অরানবশিং অদু চুমথোকপা য়ারগনি৷ থবক তৌবদা ত্রান্সপরেন্সী ৱাৎপা অমসুং অফবা গ্রিভেন্স রিদ্রেসেল মেকানিজম লৈতবা অসিনা য়ুজরশিং অসিবু সোসিয়েল মেদিয়া প্লেতফোর্মশিং অসিগী ফেন্সীশিং অমসুং হ্বিমশিং অসিদা মপুং ফানা মখা পোলহল্লে৷
সোসিয়েল মেদিয়া অমসুং অতোপ্পা ইন্তরমেদিয়রীশিংগী ইবোলুসন:
- সোসিয়েল মেদিয়া ইন্তরমেদিয়রীশিং অসিগী ইবোলুসন অসি ঐখোয়না খঙলম্বা তারবদি মখোয়না প্যুর ইন্তরমেদিয়রীগী থৌদাং অসি লৌরমলোই অমসুং মখোয়শিং অসি তোইনা তোইনা পব্লিশরশিং ওইরমগনি৷ হায়রিবা রুলশিং অসি হৌজিক লৈরিবা লোশিং অমসুং লৈবাক অসিগী স্তেচু অসিগী মতুং ইন্না চৎনৈ৷ ন্যুজ অমসুং করেন্ত এফিয়রশিং ফোংবা মতমদা পব্লিসরশিংনা কেবল তেলিভিজন নেতৱার্ক এক্তগী মখাদা লৈরিবা প্রোগ্রাম কোদ অমসুং প্রেজ কান্সিল ওফ ইন্দিয়াগী জর্নেলিস্তিক কন্দক্ত অদু ইল্লক্কনি হায়না থাজৈ৷ মরম অদুনা লেভেল প্লেইং ফিল্দ অমখক্তমক পুথোকখ্রে৷
অনৌবা গাইদলাইনশিং অসি রেসনেল অমসুং জস্তিফিকেসন তৌবা:
মসিগী রুলশিং অসিনা দিজিতেল প্লেতফোর্মশিং শিজিন্নরিবা মীওইশিং অসিগী হকশিং অসি মাংহনবা মতমদা অমসুং মখোয়গী রিদ্রেসল অসি ফংবা ঙম্নবা এমপৱার তৌই৷ অসুমতৌদনা মখাগী দিভেলপমেন্তশিং অসি মমল য়াম্না লৈ:
- ১১/১২/২০১৮দা থোকখিবা সুও-মোতো রাইত পেতিসন(প্রজাৱালা কেস) ভাইদ ওর্দর অসিদা চাইল্দ প্রোনোগ্রাফী, রেপ অমসুং গেঙ্গরেপ ইমেজরীশিং, ভিদিওশিং অমসুং হোস্তিং প্লেতফোর্মশিং অমসুং অতোপ্পা এপ্লিকেসনশিং অসিদা য়াওরিবা সাইতশিং অসি মুথৎনবা দরকার ওইরিবা গাইদলাইনশিং ভারত সরকারনা শেম্লবা য়াই হায়বা অসি সুপ্রিম কোর্তনা খঙবা ঙমখ্রে৷
- ২৪/০৯/২০১৯দা থোকখিবা সুপ্রিম কোর্তকী ভাইদ ওর্দর অসিনা অনৌবা রুলশিং অসি মপুং ফানা ফোংবগী থৌওং অসিদা চংগদবা মতম অদু হায়রক্নবা ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়দা খঙহনখ্রে৷
- সোসিয়েল মেদিয়া অসি লান্না শিজিন্নবা অমসুং অরানবা পাউশিং শন্দোক্লিবা অসিগী মতাংদা রাজ্য সভা মোসন অমা পুখৎলকখ্রে অমসুং মন্ত্রী অসিনা লিগেল ফ্রেমৱার্ক অসি হেন্না মপাঙ্গল লৈনবা অমসুং সোসিয়েল মেদিয়া প্লেতফোর্মশিং অসি লোগী মখাদা নিংথীনা লৈননবা ২৬/০৭/২০১৮দা হাউসতা পুখৎখ্রে৷ শোইরিবা ময়াম অসি চুমথোক্নবা পার্লিয়ামেন্তগী মেম্বরশিংনা হঞ্জিন হঞ্জিন হায়রকপদগী মহাক্না মসি পুখৎখিবনি৷
- সোসিয়েল মেদিয়াদা পোর্নোগ্রাফীগী য়েংশিন্নিংঙাই ওইরবা ইসু অমসুং অঙাংশিং অমসুং সমাজ অসিদা মসিনা পীরিবা শাফু অসি য়াম্না কুপ্না নৈনরবা মতুংদা রাজ্য সভাগী এদ-হোক কম্মিতীনা ০৩/০২/২০২০দা মহাক্কী রিপোর্ত থাগৎলকখ্রে অমসুং অসিগুম্বা কন্তেন্তশিং অসিগী হৌরকফম থিদোক্নবসু খঙহনখ্রে৷
তাথোক-তাশিন তৌবা:
- ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়(এম.ই.আই.তি.ৱাই.)না দ্রাফত রুলশিং শেমখ্রে অমসুং ২৪/১২/২০১৮দা পব্লিক কমেন্তশিং কৌখ্রে৷ এম.ই.আই.তি.ৱাই.না মীয়ামশিং, সিভিল সোসাইতী, ইন্দস্ত্রী এসোসিয়েসন অমসুং ওর্গনাইজেসনশিং অসিদগী কমেন্ত ১৭১ ফংখ্রে৷ হায়রিবা কমেন্তশিং অসিগী কাউন্তর কমেন্ত ৮০সু ফংবা ঙমখ্রে৷ মসিগী কমেন্তশিং অসি য়াম্না কুপথনা নৈনরে অমসুং ইন্তর-মিনিস্তিরিয়েল মীফম অমসু পাংথোকখ্রে অমসুং মসিগী মতুং ইন্না হায়রিবা রুলশিং অসি ফাইনেলাইজ তৌখ্রে৷
*****
(Release ID: 1701481)
Visitor Counter : 176