খুঙ্গং চাউখৎ-থৌরাং মন্ত্রালয়

য়ুনিয়ন এগ্রিকলচর মিনিস্তর শ্রী নরেন্দ্র সিংহ তোমারনা সারস অজিবিকা মেলা ২০২১ হৌদোকখ্রে

ইমুং-মনুংগী শেন্থোক হেনগৎহনবা অমসুং পুন্সি মহিং ফগৎহনবদা সেল্ফ হেল্প গ্রুপশিংনা মরুওইবা থৌদাং অমা লৌরি: শ্রী তোমার

নোইদা হত্তা মেলা অসি ফেব্রুৱারি ২৬দগী মার্চ ১৪ ফাওবা চৎথগনি

Posted On: 26 FEB 2021 8:30PM by PIB Imphal

ঙসি নোইদা হত্তা এগ্রিকলচর অমসুং ফার্মরস ৱেলিফয়ার, রুরেল দিবলপমেন্ত, পঞ্চয়াতি রাজ অমসুং ফুদ প্রোসেসিংগী য়ুনিয়ন মিনিস্তর শ্রী নরেন্দ্র সিংহ তোমারনা সারস অজিবিকা মেলা ২০২১ হৌদোকখ্রে। থৌরম অদুদা এগ্রিকলচর অমসুং ফার্মরস ৱেলিফয়ারগী রাজ্য মন্ত্রী শ্রী কাইলাস চৌধুরিশু শরুক য়াখি।

_MG_6606.JPG

থৌরম অদুদা মিনিস্তর তোমারনা হায়খি সেল্ফ হেল্প গ্রুপশিংদা নুপী মশিং হেন্না শরুক য়াহন্নবা রুরেল দিবলপমেন্ত মিনিস্ত্রিনা থবক পায়খৎলি। হায়রিবা সেল্ফ হেল্প গ্রুপশিংনা ইমুং-মনুংগী শেন্থোক হেনগৎহনবা অমসুং পুন্সি মহিং ফগৎহনবদা মরুওইবা থৌদাং অমা লৌরি।

প্রধান মন্ত্রীগী পান্দম মশাগী ওক্নবা পুথোকচবা ভারতকী মতাংদা শ্রী তোমারনা হায়খি সরকারগী স্কিমশিং অমসুং থবকশিং খক্তনা অত্মানির্ভরতা ফংবা ঙম্লোই। মীয়াম শরুক য়াবা অসি তঙাইফদবনি অমসুং মসিগী পান্দম অসি ফংবদা সেল্ফ হেল্প গ্রুপশিংনা মরুওইবা থৌদাং অমা লৌগদবনি। অত্মানির্ভর ওইবা ঙম্নবা অফবা সেল্ফ হেল্প গ্রুপশিং থোরক্তুনা অতোপ্পা সেল্ফ হেল্প গ্রুপশিং মতেং পাংগদবনি।

কোবিদ মনুংদা খুঙ্গংগী নুপীশিং থবক পীনবা সেল্ফ হেল্প গ্রুপশিংনা লৌখিবা থৌদাং থাগৎলদুনা শ্রী কাইলাসনা হায়খি ঐখোয়গী সেল্ফ হেল্প গ্রুপশিং মপান লৈবাকশিংদা য়োনবা য়ারবা মগুন লৈবা পোৎথোকশিং পুথোকপা ঙম্বগী শক্তি লৈরি অমসুং হায়রিবা সেল্ফ হেল্প গ্রুপশিং অসিগী মতেংগা লোয়্ন্না অত্মানির্ভর ভারতকী মঙলান মঙফাওনবা ঙমগনি।

রুরেল দিবলপমেন্ত মিনিস্ত্রিগী সেক্রেতরি শ্রী নাগেন্দ্র নাথ সিনহানা হায়খি পোৎথোকশিং ফগৎহন্নবা সেল্ফ হেল্প গ্রুপশিং অমসুং খুৎহৈবশিংনা কঞ্জুমরশিংগী অপাম্বশিং খঙগদবনি। শরুক য়ারিবশিংনা মখোয়গী পোৎথোকশিং মশিং য়াম্লবা মীওইশিংদা উৎপা ঙম্নবা এদভরভাইজমেন্ত অমসুং এস.এম.এস মার্কেতিংগী খুৎথাংদা মেলা অসিদা মিনিস্ত্রিনা মীয়ামদা খঙহনগনি।

রুরেল দিবলপমেন্ত মিনিস্ত্রিনা শীন্দুনা ফেব্রুৱারি ২৬দগী মার্চ ১৪, ২০২১ ফাওবা সারস অজিবিকা মেলা ২০২১ পাংথোক্লি। মেলা অসিদা খুঙ্গংগী সেল্ফ হেল্প গ্রুপশিং ৩০০ হেন্না অমসুং রাজ্য ২৭গী খুৎহৈবশিং শরুক য়ারি। স্তোল ১৫০ রোম হাংদোক্লে অমসুং লম-লমগী মথেল-লুকোইশিং মীয়ামদা ফংহন্নবা ফুদ স্তোল ১৫ রোম হাংদোক্লে অমসুং কলচরগী থৌরম ৬০ রোম উৎকনি। খুঙ্গংগী সেল্ফ হেল্প গ্রুপশিং অমসুং খুৎহৈবশিং তাকপী-তম্বীনবা মেলা মনুংদা পোৎ-চৈ য়োম্বা অমসুং দিজাইন তৌবা, ৱা ঙাংবগী লৌশিং, সোসিএল মেদিয়া পব্লিসিতি অমসুং বিজিনেস ২ বিজিনেস মার্কেত্তিংগী মতাংদা ৱার্কশোপশিং পাংথোক্কনি। মেলা অসি নুমিৎ খুদিংগী অয়ুক পুং ১১দগী নুমিদাংগী পুং ৮ ফাওবা হাংদোক্কনি।

থৌরম অদুদা নেসনেল ইন্সতিতুৎ ওফ রুরেল দিবলপমেন্ত এন্দ পঞ্চয়াতি রাজগী দিরেক্তর জেনেরেল, দোক্তর জি. নরেন্দ্র কুমার, রুরেল দিবলপমেন্ত মিনিস্ত্রিগী এদিসেনল সেক্রেতরি শ্রীমতি অলকা উপধ্যায়, রুরেল দিবলপমেন্ত মিনিস্ত্রিগী জোইন্ত সেক্রেতরি শ্রী চরনজিৎ সিংহশু শরুক য়াখি।

*****



(Release ID: 1701263) Visitor Counter : 14


Read this release in: English , Urdu , Hindi , Telugu