نئی دہلی-24فروری/زراعت  اور کسانوں کی بہبود،دیہی ترقیات، پنچایتی راج اور خوراک کی ڈبہ بندی کی صنعتوں کے مرکزی وزیرجناب نریندر سنگھ تومر نے آج پردھان منتری  کسان سمان ندھی اسکیم کے نفاذ کے سلسلے میں  مثالی کام کرنے پر اعلی کارکردگی کا مظاہرہ کرنے والی ریاستوں اور اضلاع کو ایوارڈز  عطا کئے۔ وزیر موصوف نے آج نئی دہلی میں  پی  ایم- کسان اسکیم کے دو سال مکمل ہونے  کاجشن منانے کے لئے منعقدہ ایک تقریب میں یہ ایوارڈز عطا کئے۔ریاستوں/ مرکز کے زیر انتظام علاقوں کو اعداد وشمار کی اصلاح، کسانوں کی شکایات کے ازالے، وقت پر ذاتی طور پر تصدیق کے عمل جیسے معیارات کی  بنیاد پر یہ  ایوارڈز دیئے گئے ۔

پی ایم- کسان کو ایک تاریخی اسکیم قرار دیتے ہوئے جناب تومر نے کہا کہ اس اسکیم کے نفاذ سے لے کر 24 فروری 2021 کی تاریخ  تک 10.75 کروڑ سے زائد  مستفیدین کو115638.87 کروڑ روپے کے فوائد منتقل کئے گئے۔انہوں نے مزید کہا کہ آئندہ کی نسلیں زرعی سیکٹر میں اس پہل کو ایک سنگ میل کے طور پر یاد رکھیں گی۔

کسانوں کی سخت محنت کی تعریف کرتے ہوئے وزیر موصوف نے کووڈ وباء کے دوران کسانوں کے تعاون کو یاد کیا۔ انہوں نے کہا کہ مشکلات سے قطعی نظر کسانوں کی سخت محنت  ملک کو کسی بھی بحران سے نکالنے کی صلاحیت رکھتی ہے۔

جناب تومر نے کسانوں اور زرعی سیکٹر کی بہتری اور ترقی کے لئے وزیراعظم جناب نریندر مودی کے ویژن کے لئے ان کا شکریہ ادا کیا۔انہوں نے ان تمام ریاستی حکومتوں کا بھی شکریہ ادا کیا جنہوں نے اپنی اپنی  ریاستوں میں اسکیموں کو لاگو کرنے کے لئے ضروری ا قدامات کئے ہیں۔

اس اسکیم کے تحت خاطر خواہ بجٹ مختص کرنے کے بارے میں گفتگو کرتے ہوئے انہوں نے ریاستی حکومتوں سے درخواست کی کہ وہ اپنی ریاستوں میں مستفیدین کے  اندراج کے لئے مہم چلائے تاکہ کوئی بھی ضرورت مند کسان اس اسکیم کے فوائد سے محروم نہ رہ سکے۔

زراعت اور کسانوں کی بہبود کی وزارت کے سکریٹری جناب سنجے اگروال نے اس اسکیم کے نفاذ اور اعداد وشمار کی وصولی مہم میں ان کے تعاون کے لئے ریاستی حکومتوں کا شکریہ ادا کیا۔ انہوں نے کہا کہ یہ ایک تاریخی ریکارڈ ہے کہ اسکیم کے آغاز سے صرف 18 دنوں کے اندر ایک کروڑ سے زیادہ مستفیدین کو اسکیم میں شامل کیا گیا۔

اس موقع پر زراعت اور کسانوں کی بہبود کے وزیرمملکت جناب کیلاش چودھری، کرناٹک، اترپردیش، ہریانہ، ہماچل پردیش، مہاراشٹر اور اروناچل پردیش کے وزراء جوائنٹ سکریٹری  اور  پی  ایم- کسان کے سی ای او   جناب وویک اگروال کے علاوہ مختلف ریاستی حکومتوں کے نوڈل افسران موجود تھے۔

اس پروگرام کے دوران درج ذیل زمروں میں ایوارڈز دیئے گئے:

ریاستوں/ مرکز کے زیر انتظام علاقوں کو ایوارڈز

اضلاع کو ایوارڈز

اسکیم کے بارے میں:

ملک بھر میں چھوٹے اور حاشیہ پر رہنے والے کسانوں (ایس ایم ایف) کے خاندان مالی امداد فراہم کرنے کے مقصد سے24فروری 2019 کو پردھان منتری کسان سمان ندھی(پی ایم- کسان) اسکیم شروع کی گئی تھی۔ تاکہ  وہ زراعت سے متعلق اخراجات اور متعلقہ سرگرمیوں کے ساتھ ساتھ گھریلو ضرورتوں کے  اخراجات برداشت کرنے کے قابل ہوسکیں۔یکم دسمبر 2018 کی تاریخ سے نافذ العمل  اسکیم کامقصد 2 ہیکیٹر تک کی قابل کاشت اراضی کے کسانوں کے کنبوں کو 6 ہزار روپے سالانہ فراہم کرنا ہے۔ اس اسکیم کے تحت  مرکزی حکومت کی جانب سے 6 ہزار روپے کی مالی امداد ، اسکیم کے نفاذ سے لے کر اب تک  فوائد کی  براہ راست منتقلی کے ذریعہ   مستحق کسانوں  کے بینک اکاؤنٹس میں براہ راست طریقے سے 2 ہزار روپے ، 4 مہینے کی3 قسطوں میں دی جارہی ہے۔

 مستحق  افراد  کی اہلیت کے سلسلے میں  ان کی شناخت کے لئے   کٹ آف تاریخ یکم فروری 2019  میں ہے۔ مستفیدین کی شناخت کی پوری ذمہ داری ریاستوں/ مرکز کے زیر انتظام علاقوں کی حکومتوں پر عائد ہوتی ہے۔اس اسکیم کے لئے ایک خصوصی ویب پورٹل  www.pmkisan.gov.in شروع کیا گیا تھا۔مستفیدین کو مالی فوائد پی  ایم- کسان  ویب پورٹل پر ریاستی حکومتوں کے ذریعہ تیار کردہ اور اپ لوڈ کردہ کسانوں کے ڈیٹا کی بنیاد پر جاری کئے جاتے ہیں۔ مستفیدین چار مہینے کی  مدت سے اپنے فوائد پانے کے مستحق ہیں۔اس کے لئے ان کا نام  ریاستی نوڈل آفیسر( ایس این او) کے ذریعہ پی ایم- کسان پورٹل پر اپ لوڈ کیاجاتا ہے۔

پی ایم- کسان اسکیم  کو اس کے نفاد کی پیش رفت اور وقت گزرنے کے ساتھ اس کی کارکردگی کے ساتھ اسکیم کی شکل،  حالات اور میکنزم میں مسلسل بہترین / تبدیلی کے ساتھ عمل میں لایا جارہا ہے۔کاشتکار برادری کی جانب سے زبردست رد عمل کے سبب اس اسکیم کے مینڈیٹ کو مزید توسیع دی گئی ہے تاکہ تمام کاشتکاروں کو ان کی زمین کے سائز سے قطع نظر اس اسکیم  میں شامل کیا جاسکے۔ترمیم شدہ  اسکیم یکم اپریل 2019 کی تاریخ سے نافذ العمل ہے۔

******

ش  ح ۔ م ع ۔ ر ض

U-NO.1918