অৱাং নোংপোক লমদমগী চাউখৎ-থৌরাং (দোনর), এম.ও.এস. পি.এম.ও. পর্সনেল, পব্লিক গ্রীভান্সেস, পেন্সন, এতোমিক ইনর্জী এন্দ স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা হায় অনৌবা এজুকেসন পোলিসী অসি প্রোগ্রেস লোইননা প্রেগমেতিক অনিমক ওই। মহাক্না হায় মসি অমুক ইমপ্লিমেন্ত তৌখ্রবদি মসিনা অওনবা অমা পুরক্লগনি অমসুং মসিগী অফবা ফলশিং মথংগী চারোনদা উবা ফংলগনি।

ব্রিতিশ লৈঙাক লৈরিঙৈ মতমগী মনুং ১৯০১দা অৱাং নোংপোক্তা লিংখৎখিবা খ্বাইদগী অহানবা দিগ্রী কোলেজ ওইরিবা অমসুং মতম অদুগী ব্রিতিশ গভর্নর মিস্তর কোত্তনগী মমিং লৌদুনা থোনখিবা হান্নগী কোত্তন কোলেজকী এক্সতেন্সন অমা ওইরিবা মমিং লৈরবা কোত্তন য়ুনিভর্সিতীগী মনুংদা অনৌবা মহৈরোইশিংগী হোস্তেলশিংগী উরেপ-উয়ুং তম্বা লোইরবা মতুংদা থৌরম অমদা দা. জিতেন্দ্র সিংহনা ৱা ঙাংখি। মথোল তরেৎ ওইবা হোস্তেল বিল্দিং অসি শাবগী অপুনবা শেনফম অসি অৱাং নোংপোক লমদমগী চাউখৎ-থৌরাং মন্ত্রালয়দা (দোনর) এফিলিয়েৎ তৌবা নোর্থ ইস্তর্ন কাউন্সিল (এন.ই.সি.)না পুথোক্কনি অমসুং হিরম অসিগীদমক লুপা করোর ৪০গী শেনফম হান্না এল্লোকেৎ তৌখ্রে।

দা. জিতেন্দ্র সিংহনা হায়, দোনর মন্ত্রালয় অমসুং নোর্ত ইস্তর্ন কাউন্সিলনা হৌখিবা চহি তরুক অসিদা মখোয়না ইনফ্রাস্ত্রকচরেল প্রোজেক্তশিংদগী হেন্না থবক-থৌরম কয়া পাইখৎখি অমসুং এজুকেসন অমসুং হেল্থ সেক্তরদা চাউনা শরুক তম্লি। চহি অনিগী মমাংদা বেঙ্গলোর য়ুনিভর্সিতীদা নোর্থ ইস্তর্ন কাউন্সিলনা অৱাং নোংপোক্কী নুপীমচাশিংগী হোস্তেলশিং শাখিবা অমসুং নই দিল্লীগী জৱাহর্লাল নেহরু য়ুনিভর্সিতী (জে.এন.য়ু.)দা হৌজিক শারবা অৱাং নোংপোক্কী মহৈরোইশিংগী হোস্তেল অসিগী মতাংদা পানখি।

দা. জিতেন্দ্র সিংহনা হায়, মসিগা মান্নবা মওংদা হেল্থ সেক্তরদা নোর্থ ইস্তর্ন কাউন্সিলনা এতোমিক ইনর্জীগী বিভাগ অমসুং তাতা মেমোরিএল কেন্সর হোস্পিতাল মুম্বাইগা লোইননা চুংশিন্নদুনা গুৱাহাতিদা লৈবা দা. ব. বোরুৱা হোস্পিতাল অপগ্রেদ তৌখি অমসুং দি.এম. ওনকোলোজী অমসুং এম.সিঐচ. ওনকোলোজী কোর্সশিং হাংবগা লোইননা সুপর স্পেসিএলিতী কেন্সর তীচিং হোস্পিতাল অমা ওন্থোকখি।

প্রধান মন্ত্রী নরেন্দ্র মোদীনা পুরকখিবা অনৌবা নেস্নেল এজুকেসন পোলিসী অসিগী মতাংদা দা. জিতেন্দ্র সিংহনা হায় মসিদা গ্লোবেল ইন্দিয়াগী মথৌ তাবশিংগা লোইননা রিভোল্যুস্নরী প্রোবিজন কয়া য়াওরি। মহাক্না হায় খুদম ওইনা একুজেসন ইন্সতিত্যুসন অমগী এন্ত্রী অমসুং একজিৎকী প্রোবিজন অসিনা মহৈরোইশিংনা মখোয়গী এপ্তিচ্যুদকী মখা পোন্না মহাক্কী স্তদী কোর্স অদু তোকপা য়াহল্লি লোইননা মতম খরগী মতুংদা অমুক হন্না তম্নবগী অমসুং কোর্স অদু য়াওনবগী ওপ্সন য়াওরি। মসিনা নহা ওইরিবা তেলেন্তশিং য়োকখৎপদা অমসুং শেম্বী-শাবীবদা অমসুং শিজিন্নদনা লৈরম্বা এপ্তিচ্যুদশিং শিজিন্নবদা অচৌবা মতেংসু ওইরগনি হায়না মহাক্না মখা তাখি।

<><><><><>

(Release ID: 1700636) Visitor Counter : 88