নহারোল অমসুং শান্ন-খোৎনবগী মন্ত্রালয়
ভারত অমসুং ইংলেন্দগী মরক্তা শান্নগদবা অহুমশুবা তেস্ত মেতচ অসিগীদমক অনৌবা লৈতেংশিং অমসুং মোদর্ন ফেসিলিতী পুম্নমক হাপ্তুনা মোতেরা স্তেদিয়ম শেমগৎলে
কেন্দ্রগী গৃহ মন্ত্রী শ্রী অমিত শাহনা অখন্ননা শরুক য়াদুনা স্তেদিয়ম অসি রাস্ত্রপতি শ্রী রাম নাথ কোবিন্দনা ২০২১গী ফেব্রুৱারি ২৪দা লৈবাক মীয়াম খঙনা শঙ্গারগনি৷
সিতিং কেপাসিতী লাথ ১.১০ লৈদুনা মোতেরা অসিনা মালেম অসিদা খ্বাইদগী চাওবা ক্রিকেৎ স্তেদিয়ম ওইরগনি
Posted On:
22 FEB 2021 5:40PM by PIB Imphal
মোতেরানা মালেম অসিদা খ্বাইদগী ফবা অমসুং চাওবা ক্রিকেৎ স্তেদিয়ম ওইদুনা মকোক থোংবা মফমদা লৈরম্বা মেলবোর্ন মখাতানা লৈবা ঙমখিদ্রে৷ অহমেদবাদকী সবরমতিদা লৈরিবা মোতেরা স্তেদিয়ম অসি ভারত অমসুং ইংলেন্দ লৈবাক অনি অসিগী মরক্তা শান্নগদবা অহুমশুবা তেস্ত মেতচ অসিগীদমক নিংথীজবা লৈতেংগা লোইননা খ্বাইদগী নৌরিবা ফেসিলিতীশিং হাপখ্রে৷ কেন্দ্রগী গৃহ মন্ত্রী শ্রী অমিত শাহনা অখন্ননা শরুক য়াদুনা রাস্ত্রপতি শ্রী রাম নাথ কোবিন্দনা ২০২১গী ফেব্রুৱারি ২৪দা স্তেদিয়ম অসি লৈবাক মীয়াম খঙনা শঙ্গারগনি৷ গুজরাত য়াওনা লৈবাক অসি শিনবা থুংনা ফেস্তিব এত্মোস্ফেয়র অমা লৈরগনি৷
অহমেদবাদতা শারিবা সরদর পতেল মোতেরা স্তেদিয়ম অসি সিতিং কোপাসিতী মীওই ১.১০ ওই অমসুং লম একর ৬৩ হেন্না শিজিন্নখি৷ হৌজিক হৌজিক্কী ওইনা মেলবোর্ননা মালেম অসিদা খ্বাইদগী চাওবা ক্রিকেৎ স্তেদিয়ম ওইরি৷ মসিদা অমুক্তদা মীওই ৯০,০০০ ফংবা চল্লি৷ গুজরাততা শাখিবা মালেম অসিদা খ্বাইদগী চাওবা সরদার পতেলগী মুত্রি ‘স্তেচু ওফ লিবর্তী’ অসিগী মতুংদা হৌজিক্তি রাজ্য অসিনা মালেম অসিদা খ্বাইদগী চাওবা ক্রিকেৎ স্তেদিয়ম শাদুনা অনৌবা রেকোর্দ অদু থমগদৌরি৷ লুপা কোতি ৮০০রোম চংনা স্তেদিয়ম অসি শাবা মরম্না স্তেদিয়ম অসি অসুক্কী মতিক ফজৈ৷ স্তেদিয়ম অসি তেল্লবা চহী ৫গী মনুংদা স্তেচু ওফ লিবর্তী শাখিবা লার্সেন অমসুং তর্বো(এল অমসুং তি) কম্পেনীনা শারিবনি৷
মোতোরাদা খ্বাইদগী চাওবা স্তেদিয়ম শানবা প্রদান মন্ত্রী শ্রী নরেন্দ্র মোদীগী দ্রীম প্রোজেক্ত অসিদা কোর্পোরেৎ বোক্সকী হাউজেস ৭৬, ওলেম্পিক্কী থাক্তা লৈবা স্বিমিং পুল, ইন্দোর একাদমী, শান্নরোইশিং অসিগী দ্রেসিং রুল মরি, ফুদ কোর্তশিং অমসুং জি.সি.এ. ক্লব হাউসশিং য়াওরি৷
স্তেদিয়ম অসিদা রেদ সোইল তরুক অমসুং ব্লেক সোইল মঙাগী ক্লে পিতচ পুন্না ১১ লৈরি৷ মসিগী স্তেদিয়ম অসিনা মেন অমসুং প্রেক্তিস পিতচশিং অসিগীদমক কলর ক্লে অনিমক শিজিন্নবা অহানবা স্তেদিয়ম ওই৷ করিগুম্বা মতমদা নোং তারকপা মতমদা পিতচ অসি কংনবা হোৎনবদা শুপ্নতগী মিনিৎ ৩০ খক্তমক চংই৷ স্তেত-ওফ-দি আর্ত এল.ই.দি. ফ্লদলাইতশিং অসিনা অয়েংবা মীশিং অমসুং শান্নরোইশিং অসিদা হেন্না খুদোং চাহল্লগনি৷ স্তেদিয়ম অসিগী য়াম্না ইন্নোবেতিব ওইবা ফিচর অদুদি মিতর ৯ ৱাংনা লৈরিবা ৩৬০ দিগ্রী পোদিয়ম কনকোর্স অসিনা য়েংবা লাক্লিবা মীয়ামশিং অসি য়াম্না লাইনা চত্থোক চশিন তৌবা য়াহল্লি অমসুং স্তেন্দ অমা হেক্তদগী য়েংবা লাক্লিবা মীয়ামশিংনা চাং মান্ননা য়েংবা ফংহল্লি৷ বোক্স অমমমদা মীওই ২৫ ফম্বা চন্নবা কোর্পোরেৎ বোক্সশিং অসি দিজাইন্দ তৌই৷ ১৫০-তন এয়র কুলিং তৱার অসিনা স্তেদিয়ম অসিগী ক্লোজ-এয়র পোর্সন অদু মপুং ফানা এয়র কন্দিসন ওইহল্লগনি৷ মালেম অসিগী মশক নাইরবা ক্রিকেতরশিংগী ফোতোগ্রাফ উৎলিবা "হোল ওফ ফ্রেম"অসিনা য়েংবা লাক্লিবা মীশিং অসিগী পুক্নিং চিংশিনবা ঙম্লগনি৷
অরিবা বিল্দিং অসি ২০১৬তা থুগাইখিবা মতমদা মোতেরা স্তেদিয়ম অসিদা সিতিং কেপাসিতী ৫৪,০০০ লৈরম্মী৷ অনৌবা অমসুং স্তেত-এফ-দি আর্ত অমসুং মপুং ফানা ফেসিলিতী হাপ্লবা স্তেদিয়ম অমা শান্নবগীদমক অনৌবা ক্রেকেৎ স্তেদিয়ম অসিগী উরেপ-উয়ুম অসি ২০১৮দা গুজরাত ক্রিকেৎ এসোসিয়েসন্না তমখিবনি৷ তেল্লবা চহী অনিগী মনুংদা মপুং ফানা শাবা লোইশিন্দুনা মসিগী স্তেদিয়ম অসি গুজরাতকী কোনুং অসিদা অতোপ্পা ফিদর অমা ওইরগনি৷
*****
(Release ID: 1700356)
Visitor Counter : 167