পার্লিয়ামেন্ত অমসুং লেজিসলেচরশিংদা নুপী মশিং য়াম্না শরুক য়াহন্নবা অমসুং নুপীশিং অসিদা রিজর্বেসন পীবদা ময়াম্না য়াননবা পোলিতিকেল পার্তী পুম্নমক্তা ঙসি উপ রাস্ত্রপতি শ্রী এম. ভেনকাইয় নাইদুনা হায়খ্রে৷

মমাংগী এম.এল.এ., এদজুকেস্নেলিস্ত, সোসিয়েল রিফোর্মর লৈখিদ্রবী শ্রী ইশৱারি বাইবু নিংশিংবা ওইনা পোস্তেল স্তাম্প অমা থাদোক্লদুনা পোলিতিকেল পার্তীশিং অসিদা শ্রীমতি ইশৱারি বাইনা লৌরম্লিবা থৌদাংশিং অসিগীদমক উপ রাস্ত্রপতিনা ইকাই খুম্নবা উৎখ্রে অমসুং সোসিয়েল স্ফেয়রশিং অসি তশেংনা থাগৎনিংঙাই ওই অমসুং লৈবাক মীয়ামশিং অসিগী ৱাখলদা কাওবা ঙমদনা লৈহৌরগনি হায়না মহাক্না মখাতানা ফোংদোকখ্রে৷

শ্রী ইশৱারি বাইনা ওপোজিসন লিদর অমা ওইনা মীয়ামগী খোল্লাউ ওইরম্মী হায়না মহাক্না ফোংদোকখ্রে৷ মহাক্না মতম পুম্নমক্তা অঙাংশিং, এন.জি.ও.শিং, ওজাশিং, এগ্রিকল্চরেল লেবরশিং অমসুং সেদ্যুল কাস্তশিং অমসুং সেদ্যুল ত্রাইবশিং অসি সপোর্ত তৌরম্মী হায়না মহাক্না ফোংদোকখ্রে৷োংদোফোং

১৭শুবা লোক সভা অসিদা নুপী মীহুৎ খ্বাইদগী য়াম্না নুপী ৭৮ শরুক য়ারবসু মখোয়শিং অদু অপুনবা মশিং অসিগী শরুক ১৪% খক্তনি হায়না শ্রী নাইদুনা ফোংদোকখ্রে৷

লোকেল বোদীশিং অসিদা নুপীশিং অসিগী রিজর্বেসন থম্বা অসিনা লৈবাক অসিদা লৈরিবা নুপী লাখ কয়া পোলিতিকেল্লী এমপৱার তৌখ্রে হায়না পল্লদুনা পোলিতিকেল পার্তি পুম্নমক্না য়াবিদুনা পার্লিয়ামেন্ত অমসুং লেজিসলেচরশিংদা নুপীশিং অসিগী রিজর্বেসন অথুবা মতমদা থম্বা য়াম্না মরু ওই হায়না মহাক্না ফোংদোকখ্রে৷

লেজিসলেচরদা অমসুং পার্লিয়ামেন্তদা য়াম্না কুপ্না তংদু লৈতানা খন্না নৈনবা অসিগী মহুৎতা অয়েৎ-অপন অথিংবা পীবা হেনগৎলক্লিবা অসিদা য়ানিংদনা ফোংদোক্লদুনা পার্লিয়ামেন্তরিয়ন পুম্নমক্না অমসুং অতোপ্পা পব্লিক রিপ্রজেন্তেতিবশিংনা দিবেৎকী স্তেদর্দশিং অদু ফোরম খুদিংমক্তা থাংগৎলক্নবা শ্রী নাইদুনা হায়খ্রে৷

অয়েৎ-অপন য়াওদনা খন্না-নৈনবা, দিবেৎ তৌবা অমসুং ৱারেপ্পা অসিনা অফবা দেমোক্রেসী অমগী মন্ত্রনি হায়বা অসি উরদুনা পার্লিয়ামেন্ত অমসুং লেজিসলেচরদা তোইনা তোইনা অথিংবা পীরকপা অসি লৈবাক অসিদা লৈরিবা মীয়ামশিং অসিগী অনিংবা অপাম্বশিং অসিবু ইকাই খুম্নদবনি হায়না উপ রাস্ত্রপতিনা ফোংদোকখ্রে৷

ঐখোয়গী লেজিসলেচর অসি মথৌ নিংথীনা তৌহনবা হায়বসি সরকার পাইরিবা অমসুং ওপোজিসনদা লৈরিবা পার্তী অনিমক্কী থৌদাংনি হায়না শ্রী নাইদুনা ফোংদোকখ্রে৷

লৈবাক অসিগী সেক্যুরিতী, করপ্সন মুথৎপা অমসুং সোসিয়েল জস্তিস লৈহনবা অসিগুম্বা লৈবাক অসিগী য়াম্না মরু ওইবা হিরমশিং অসিদা কনসেন্সুয়েল এপ্রোচ অমা শিজিন্ননবা পোলিতিকেল পার্তী পুম্নমক্তা উপ রাস্ত্রপতি অসিনা হায়খ্রে৷ লৈবাক অসি চাওখৎনবা, স্কিমশিং অমসুং মতম মতমগী কান্নবশিং দরকার লৈরিবা মীয়ামশিং অসিদা মতম চানা অমসুং অরানবা লম্বী শিজিন্নদনা য়ৌহন্নবা হোৎনরিবা রিফোর্মশিং অসিদা ময়াম পুম্নমক্না সপোর্ত তৌগদবনি হায়না মহাক্না ফোংদোকখ্রে৷

“অসিগুম্না মীয়ামশিং অসিবু এমপৱার তৌবদা, সিস্তেম অসিদা ত্রান্সপরেন্সী অমসুং একাউন্তেবিলিতী লৈহন্নবা হোৎনবদা পোলিতিকেল পার্তী পুম্নমক্না অমক্তা ওইবা খোল্লাউ অমদা লাওগদবি”, হায়না মহাক্না ফোংদোকখ্রে৷

মীয়ামশিং অসিনা মখোয় মখোয়গী মীহুৎশিং অদু সি ৪- কেরেক্তর, কন্দক্ত, কেলিবর অমসুং কেপাসিতী অসিগী মতুং ইন্না খন্নবা হায়জখ্রে অদুবু “লাইবক থীবদি ভারতকী দেমোক্রেসীগী ফিভম অসি ফগৎলক্তুনা অতোপ্পা লৈবাকশিং অসিগী রোল মোদেল অমা ওইগদৌরিবা অসিদগী অতোপ্পা সি ৪-কেশ, কাস্ত, ক্রিমিনেলিতী অমসুং কম্ম্যুনিতী অসিনা অথিংবা অয়েৎ-অপন পীনবা হোৎনৈ”হায়না মহাক্না ফোংদোকখ্রে৷

অফবা দেমোক্রেসী অমা লৈহন্নবা হোৎনবদা সরকার অমসুং ওপোজিসন অসি অমগা অমগা ইকাই খুম্নগদবনি হায়না শ্রী নাইদুনা ফোংদোকখ্রে৷ নহাশিংনা সমাজ অসিদা লৈরিবা লাইরবা অমসুং মতেং দরকার লৈরিবা মীওইশিং অসিগীদমক করিগুম্বা মতেং খরা পাংবা ঙম্নবগী পান্দমদা পোলিতিক্স অসিদা চংলক্নবা মহাক্নসু এপীল তৌখ্রে৷

হিমাচল প্রদেশকী রাজ্যপাল শ্রী বন্দারু দত্তত্রেয়া, তেলঙ্গনাগী গৃহ মন্ত্রী শ্রী এম.দি. মহামুদ অলি, ইশৱারি বাই মিমোরিয়েল ত্রস্তকী চিয়রমেন শ্রীমতি গীতা রেদ্দী, চীফ রোস্তমাস্তর জেনেরেল শ্রী এস রাজেনকুমার, এন.সি.পি.সি.আর.গী চিয়রমেন প্রোফেসর শান্তা সিনহ অমসুং মমাংগী মন্ত্রী কে জনা রেদ্দী অমসুং অতোপ্পা মশক নাইবা মীওইশিংনা থৌরম অসিদা শরুক য়াখি৷

উপরাস্ত্রপতিগী ৱারোলগীদমক মসিদা ক্লিক তৌবীয়ু

******