মহারাস্ত্র অমসুং অতোপ্পা রাজ্য খরদা হন্দক্তা কোবিদ১৯গী কেসশিং হেনগৎলকপা অসিগা কোবিদ১৯গী ম্যুতেন্ত স্ত্রেন এন৪৪০কে অমসুং ই৪৮৪ক্যু অসিগী মরক্তা হকথেংননা মরী অমত্তা লৈনদে। ৱাফম অসি ঙসি কোবিদ১৯গী চয়োলগী ওইনা পাঙথোকপা প্রেস কনফরেন্সতা আই.সি.এম.আর.গী দিরেক্তর জেনরেল দা. বলরাম ভার্গবানা শেংদোকখিবনি।

আই.সি.এম.আর.গী দি.জি.না মখা তারদুনা হায় ভাইরস স্ত্রেন অনি অসি অতোপ্পা লৈবাকশিংদসু থেংনখ্রে অমসুং ভারত্তা খক্তা থেংনবা নত্তে। মসিগী মথক্তা মসি মমাংদা ভারতকী রাজ্য খরদা থেংনখ্রে। ই৪৮৪ক্যু স্ত্রেন অসি ২০২০গী ঙল্লিঙৈ মার্চ অমসুং জুলাইদা মহারাস্ত্রদা সিক্বেন্স মরি মমাংদা থেংনখ্রে। এন৪৪০কে ম্যুতেসন অসি ২০২০গী মে অমসুং সেপ্তেম্বরগী মরক্তা তেলঙ্গনা, অন্ধ্র প্রদেশ অমসুং অসামদা তোঙান তোঙানবা থৌদোক ১৩দা রিপোর্ত তৌরকখিবা লৈ। মহারাস্ত্রদা হৌজিক হেনগৎলক্লিবা অসি হৌজিক খন্নরিবা ম্যুতেসনশিংগী ৱাফম অসিনা ওইরোই।

অদুম ওইনমক ফীভম অসি লেপ্পা লৈতনা কুপ্না য়েংশিল্লি। মখা তারপদা সাইন্তিফিক ওইবা খুদম ফংলকপা থোক্লবদি মদু শোইদনা সিয়র তৌগনি।

*****