য়ুনিয়ন বজেৎ ২০২১-২০২২দা ৱেস্ত বেঙ্গলগীদমক লুপা করোর ৬৬৩৬কী শেনফম অমা কায়থোকখি মদু ২০০৯-২০১৪গী এভরেজ বজেৎ এলোকেসনদগী চাদা ৫২ হেল্লে (চহিদা লুপা করোর ৪৩৮০)।

ঙসি প্রধান মন্ত্রী শ্রী নরেন্দ্র মোদীনা দনলোপ ইস্তেত ভিলেজদা পাংথোকপা থৌরম অমদা বেস্ত বেঙ্গোলগী প্রজাশিংগীদমক তোঙান তোঙানবা রেলৱে প্রোজেক্ত কয়া শঙ্গাখ্রে।

ইকায় খুম্নজরিবা প্রধান মন্ত্রীনা শঙ্গাখিবা/জাতিদা কত্থোকখিবা রেলৱে প্রোজেক্তশিংগী অকুপ্পা ৱারোলশিংদি:

• নোঅপরাদগী দক্ষিনেশ্বর ফাওবা কিলোমীতর ৪.১ শাংদোকপা & নোঅপরা অমসুং দক্ষিনেশ্বর সেক্সনদা অহানবা মেত্রো সর্বিস লমথাবা

ইকায় খুম্নজরিবা প্রধান মন্ত্রীনা ময়াম্না ঙায়নরক্লবা মেত্রো রেলৱেগী নোঅপরাদগী দক্ষিনেশ্বর ফাওবা শাংদোকপা অদু শঙ্গাখ্রে অমসুং অহানবা সর্বিস লমথাখ্রে। মসিগী নোঅপরাদগী দক্ষিনেশ্বর ফাওবা কিলোমীতর ৪.১ শাংদোকপা অসি ভারত সরকারনা মপুং ফানা ফন্দ থাদদুনা লুপা করোর ৪৬৪গী মমল চংনা শেমগৎ শাগৎখিবনি।

শাংদোকখিবা অসিগা লোয়ননা লমকোইবা অমসুং লাই খুরুম্বা চৎপা লাখ কয়াবু কালিঘাৎতা লৈরিবা কালি লাইশং অমসুং দক্ষিনেশ্বর ফাওবা মেত্রোনা লায়না চৎপা ঙম্লগনি। দক্ষিনেশ্বরদগী কবি সুভাশ (ন্যু গারিয়া) ফাওবা রোদতা পুং ২ মখায় চংবা অদুগা য়েংনবদা মেত্রোদা মিনিৎ ৬২ খক্তমক চংলগনি।

• সাউথ ইস্তর্ন রেলৱেগী কিলোমীতর ১৩২ শাংবা খরগপুর-অদিত্যাপুর থর্দ লাইন প্রোজেক্তকী কালিকুন্দা অমসুং ঝরগ্রামগী মরক্তা ৩শুবা লাইন (কিলোমীতর ৩০):

প্রধান মন্ত্রী শ্রী নরেন্দ্র মোদীনা লুপা করোর ১,৩১২গী এস্তিমেৎ কোস্ত অমগা লোয়ননা সেঙ্কসন তৌখিবা সাউথ ইস্তর্ন রেলৱেগী কিলোমীতর ১৩২ শাংবা খরগপুর-অদিত্যাপুর থর্দ লাইন প্রোজেক্তকী কালিকুন্দা অমসুং ঝরগ্রামগী মরক্তা ৩শুবা লাইন (কিলোমীতর ৩০)সু শঙ্গাখি। প্রোজেক্ত অসি ৱেস্ত বেঙ্গলদা কিলোমীতর ৫৫ অমসুং ঝার্খন্দদা কিলোমীতর ৭৭ কভর তৌরি। বজেৎ ২০২১-২২দা প্রোজেক্ত অসিগীদমক লুপা করোর ২২৫গী শেনফম অমা কাইথোকখি।

মসিগী অহুমশুবা লাইন অসি কম্মিসন তৌবনা খরগপু-অদিত্যাপুর সেক্সনদা মোবিলিতী ফগৎহল্লগনি অমদি হাউরা-মুম্বাই ত্রঙ্ক রুৎতা পেসেঞ্জর অমসুং ফ্রৈত ত্রেনশিং অপনবা য়াওদনা চৎথোক-চৎশিন ঙমহল্লগনি।

• অজিমগঞ্জদগী খাগ্রাঘাৎ রোদ সেক্সনগী দবলিং (কিলোমীতর ১৪.৬০):

প্রধান মন্ত্রীনা লুপা করোর ২৩৯.৩৮গী প্রোজেক্ত কোস্ত অমদা ইস্তর্ন রেলৱেগী হাউরা-বন্দেল-অজিমগঞ্জ সেক্সনগী শরুক অমা ওইরিবা অজিমগঞ্জদগী খাগ্রাঘাৎ রোদ সেক্সনগী দবলিংসু কত্থোকখি। রুৎ অসি অৱাং নোংপোক রাজ্যশিংদা চেনবা পেসোঞ্জর অমসুং পোৎ পুবা ত্রেনশিংগী চৎথোক চৎশিনগীদমক য়াম্না মরু ওই।

• দানকুনি অমসুং বারুইপরাগী মরক্তা ৪শুবা লাইন (কিলোমীতর ১১.২৮) অমসুং রসুলপুর অমসুং মাগ্রাগী মরক্তা ৩শুবা লাইন (কিলোমীতর ৪২.৪২):

প্রধান মন্ত্রীনা হাউরা-বর্ধমান কোর্দ লাইনগী দানকুনি অমসুং বারুইপরাগী মরক্তা ৪শুবা লাইন (কিলোমীতর ১১.২৮) অমসুং কোলকতাগী প্রিন্সিপল গেৎৱে অমগুম সর্ব তৌরিবা হাউরা-বর্ধমান মেন লাইনগী রসুলপুর অমসুং মাগ্রাগী মরক্তা ৩শুবা লাইন (কিলোমীতর ৪২.৪২)সু কত্থোকখি। মসিগী প্রোজেক্ত অনিমক অসি সুপর ক্রিতিকেল প্রোজেক্তশিংনি অমদি ৱেস্ত বঙ্গালগী হুগলী জিলাদা নেৎৱার্ক ৱাংনা য়ুতিলাইজ তৌবদা কেপাসিতী হেনগৎহল্লগনি।

*****

(Release ID: 1700182) Visitor Counter : 188