نئی دلّی ، 22 فروری / ریئر ایڈمیرل اتُل آنند ، وی ایس ایم نے 22 فروری ، 2021 ء کو مہاراشٹر نیول ایریا کے فلیگ آفیسر کمانڈنگ  کا عہدہ سنبھال لیا ہے ۔  با ضابطہ   کمان سونپنے  کی تقریب  آئی این ایس  کنجلی میں  منعقد ہوئی  ، جہاں ریئر ایڈمیرل اتُل آنند  کو   ایک   تقریبی پریڈ میں  گارڈ آف آنر پیش کیا گیا ۔  ریئر ایڈمیرل اتُل آنند بھارتی بحریہ کی  ایگزیکیٹو برانچ میں  یکم جنوری ، 1988 ء کو شامل ہوئے تھے ۔

          وہ نیشنل ڈیفنس اکیڈمی کھڑگ واسلا  ،  ڈیفنس سروس کمانڈ  اینڈ اسٹاف  کالج  میر پور ، بنگلہ دیش   اور نیشنل ڈیفنس کالج ، نئی دلّی کے  تعلیم یافتہ ہیں ۔  انہوں نے  امریکہ کے ہوائی میں  ایشیا پیسفک سینٹر  فار سکیورٹی اسٹڈیز   میں  ایڈوانس سکیورٹی کو اپریشن کورس  میں بھی شرکت کی ہے ۔  ان کی تعلیمی لیاقت میں  ایم فِل ، ایم ایس سی  ( ڈیفنس اینڈ اسٹریٹیجک اسٹڈیز  ) ، ماسٹر اِن ڈیفنس اسٹڈیز  اور بی ایس سی ڈگریاں  شامل ہیں  ۔

          وششٹ سیوا میڈل  حاصل کرنے والے ایڈمیرل نے   بحریہ میں اپنے  کیریئر کے دوران  ٹارپیڈو ریکوری ویسل  آئی این  ٹی آر وی اے 72، میزائل بوٹ  آئی این ایس  چٹک ،  کورویٹ   آئی این ایس کھکری اور  جنگی جہاز آئی این ایس ممبئی  سمیت  اہم  کمان کے  عہدے  سنبھالے ہیں ۔  انہوں نے شاردا  ، رَن وجے  اور جیوتی   نامی بحریہ کے   جہازوں پر نیوی گیشن  آفیسر کے طور پر بھی  کام کیا ہے ۔ اس کے علاوہ ، وہ  سی ہیریئر   اسکواڈرن  آئی این ایس 300  کے ڈائریکشن آفسیر اور آئی این ایس دلّی کے  ایگزیکٹیو   آفیسر بھی رہے ہیں ۔

          عملے کے  ، اُن کے اہم عہدوں میں جوائنٹ  ڈائریکٹر اسٹاف ریکوائرمنٹ   ،  ڈیفنس سروس اسٹاف کالج  ویلنگٹن   میں   ڈائریکٹنگ اسٹاف ،  ڈائریکٹر نیول آپریشنس اور  ڈائریکٹر   نیول انٹلی جنس  ( آپریشن )  کے عہدے شامل ہیں ۔  انہوں نے نیول آپریشن   کے پرنسپل ڈائریکٹر   اور وزارتِ دفاع   کے مربوط  صدر دفتر ( بحریہ ) میں   پرنسپل ڈائریکٹر اسٹریٹیجی ، کنسیپٹ  اور ٹرانسفورمیشن کے طور پر بھی کام کیا ہے  ۔ فلیگ آفیسر کے طور پر   انہوں نے  وزارتِ دفاع  میں مربوط صدر دفتر  میں  ، انہوں نے اسسٹنٹ   چیف آف نیول اسٹاف   ( بیرونی تعاون اور انٹلی جنس  )  اور  نیشنل ڈیفنس اکیڈمی کھڑک واسلا  میں   ڈپٹی کمانڈنٹ  اور چیف  انسٹرکٹر  کی حیثیت  سے بھی کام کیا ہے ۔

 ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 22.02.2021  )

U. No. 1831