দিফেন্স মিনিস্তর শ্রী রাজনাথ সিংহনা ঙসি ফোর্মেল ওইনা নই দিল্লীগী জৱাহরলাল নেহরু স্তেদিয়মদা লৈবাক্কী তোঙান তোঙানবা মফমশিংদগী ইন্দিজেনস অর্তিসান অমসুং ক্রাফমেনগী ২৬শুবা হুনর হাত হৌদোকখ্রে।

লোক সভাগী এম.পি. শ্রীমতি মীনাকশি লেখিনা থৌরম অদুদা অথোইবা মীথুংলেন ওইখি। থৌরম অদুদা য়ুনিয়ন মাইনোরিতী এফিয়ার্স মন্ত্রালয়গী সেক্রেতরী শ্রী পি.কে.দাস, অতোপ্পা মকোকথোংবা ওফিসিএলশিং অমসুং শক্নাইরবশিংনা শরুক য়াখি।  

থৌরম অদুদা শ্রী রাজনাথ সিংহ জীনা হায়খি মদুদি, লৈবাক অসিগী রিজন খুদিংমক্কী অঙকপা তেলেন্ত অমসুং ব্রিলেন্স লৈজৈ। হুনর হাতকী আর্তিসানশিং অসি অর্ত অমসুং ক্রাফকী উস্তাদ খক্তা নত্তে, মখোয় অসি দেস্তিনিগীসু উস্তাদনি। শ্রী রাজনাথ সিংহ জীনা হায়খি মদুদি, হুনর হাতনা লৈবাক অসিগী ইকোনোমী ফগৎহনবদা মরুওইবা থৌদাং অমা লৌরি। মোদী সরকারনা লৈবাক অসিগী ইন্দিজেনস অর্তিসান অমসুং ক্রাফমেনশিং প্রমোৎ তৌরি। হুনর হাতনা লৈবাক পুম্বগী ইন্দিজেনস অর্তিসান অমসুং ক্রাফমেনশিংবু অমত্তা ওইনা পুন্সিল্লি।

মাইনোরিতী এফিয়ার্সকী য়ুনিয়ন মিনিস্ত্রীনা ফেব্রুৱারী ২০দগী মার্চ ০১, ২০২১ ফাওবা “ভোকেল ফোর লোকেল” হায়বা থিমদা ২৬শুবা “হুনর হাত” শিল লাংলি।

নই দিল্লীদা পাংথোক্কদৌরিবা “হুনর হাত” অসিদা রাজ্য অমসুং য়ু.তি. ৩১ হেনবদগী অর্তিসান অমসুং ক্রাফসমেন ৬০০ হেনবনা শরুক য়ারি। আন্ধ্র প্রদেশ, অসাম, বিহার, চান্দিগর, থতিসগর, দিল্লী, গৱা, গুজরাত, হরিয়ানা, হিমাচল প্রদেশ, জম্মু-কাশ্মির, ঝার্খন্দ, কর্নাতকা, কেরলা, লদাখ, মধ্য প্রদেশ, মনিপুর, নগালেন্দ, ওরিশা, পুদুচেরী, পঞ্জাব, রাজস্থান, সিক্কিম, তমিল নাদু, তেলঙ্গনা, উত্তর প্রদেশ, ৱেস্ত বঙ্গলনচিংবশিংদগী অর্তিসান অমসুং ক্রাফমেনশিংনা মখোয়গী ইন্দিজেনস হেন্দমেদ প্রদক্তশিং দিসপ্লে তৌনবা অমদি য়োন্নবগীদমক জৱাহরলাল নেহরু স্তেদিয়মদা পাংথোক্কদৌরিবা হুনর হাত্তা শরুক য়ারি।

হুনর হাত্তা এপ্পলিক ৱার্ক, অকংবা লৈশিং, জুত-কেন, ব্রাস প্রদক্তশিং, উ অমসুং লৈবাক্কী শান্নপোৎশিং, অজরখ ব্লোক প্রিন্ত, ব্লু অর্ত পোত্তরী, পাশমিনা শোল, খাদি প্রদক্তশিং, বনারসি সিল্ক, উগী ফর্নিচর, চিকনকরি এম্বোইদরী, চান্দেরি সিল্ক, লেক খুজিশিং, রাজস্থানি জ্বেলরী, ফুলকরি, ওইল পেন্তিং, শউনগী পোত্থোকশিং, খুর্জা পোত্তরী, তমিল নাদু, কর্নাতকাদগী সেন্দল ৱুদকী পোত্থোকশিং, বেস্ত বেঙ্গলদগী লিমোনগী পোত্থোকশিং অসিনচিংবা ইন্দিজেনস হেন্দমেদ প্রদক্তশিং যোন্নবা অমসুং দিসপ্লেগীদমক ফংলি।

য়েংবা লাক্লিবশিংনা বৱরচিখানা সেক্সনদা লৈবাক অসিগী রিজন খুদিংমক্তগী ত্রেদিস্নেল দেলিকেসীশিংসু মহাও তংবা ফংলি।

মসিদসু নত্তনা দিল্লীদা পাংথোক্লিবা হুনর হাত্তা লৈবাক অসিগী শক্নাইরবা অর্তিসশিংনা লান্থোকপা তোঙান তোঙানবা কলচরেল অমসুং ম্যুজিকেল প্রোগ্রামশিংসু য়েংলি। শক্নাইরবা অর্তিসশিং, শ্রী বিনোদ রাথোর (ফেব্রুৱারী ২১), নিজামি ব্রদর্স (ফেব্রুৱারী ২৪), শ্রী সুদেশ ভোন্সলে (ফেব্রুৱারী ২৬), শ্রী কৈলাশ খের (ফেব্রুৱারী ২৭), শ্রীমতি শিবানি কাশ্যপ (মার্চ ১) অমসুং অতোপ্পশিংনা মখোয়গী প্রোগ্রামশিং লান্থোক্কনি।  

থৌরম অদুদা য়ুনিয়ন মাইনোরিতী এফিয়ার্স মিনিস্তর শ্রী মুখতার অবাবস নকবিনা হায়খি মদুদি লৈবাক পুম্বদগী অর্তিসান অমসুং ক্রাফমেনশিংগী ইন্দিজিনস প্রদক্তশিং প্রমোৎ তৌনবা মতিক চাবা প্লেৎফোর্ম অমা ওইরিবা হুনর হাতনা হৌজিক ফাওবদা অর্তিসান, ক্রাফমেন অমসুং অর্তিস্ত লাখ ৫ হেন্না এমপ্লোইমেন্ত অমসুং এমপ্লেোইমেন্তকী খুদোংচাবশিং ফংহনখ্রে। মাইনোরিতী এফিয়ার্সকী মন্ত্রালয়না লৈবাক অসিগী নিংতম্বগী ৭৫শুবা চহি মপুং ফারকপগী শিনগদৌরিবা ৭৫ “হুনর হাত”কী থোংদা অর্তিসান অমসুং ক্রাফসমেন লাখ ৭ লিশিং ৫০দা এমপ্লোইমেন্ত অমসুং এমপ্লোইমেন্তকী খুদোংচাবা ফংহল্লগনি।

শ্রী নকবিনা হায়খি মদুদি “হুনর হাত” অসি ভর্চুএল অমসুং ওলাইন প্লেৎফোর্ম http://hunarhaat.org অমসুং জি.ই.এম. পোর্তেলদসু ফংলি।

*****