نئی دلّی ، 20 فروری / مرکزی وزیر خزانہ  نرملا سیتا رمن نے جولائی ، 2019 ء میں  اپنی  بجٹ تقریر میں کہا تھا کہ   بھارت کے لئے  ، اب یہ وقت  طیاروں کی فائنانسنگ  اور  بھارت سے   لیزنگ کی سرگرمیوں   میں داخل ہونے  کے لئے بہت موزوں ہے ۔  یہ   خود کفیل  شہری ہوا بازی کی صنعت   کو فروغ دینے  کے لئے بہت اہم ہے  اور     ہوا بازی میں فائنانس میں   روز گار  پیدا  کرنے کے علاوہ    بھارت کے  مالی خصوصی  اقتصادی زون  یعنی  بین الاقوامی مالی  خدمات سینٹر   ( آئی ایف ایس سی ) میں دستیاب  مواقع    کے حصول کے لئے  بہت اہم ہے ۔ 

          حکومتِ ہند نے   16 اکتوبر ، 2020 ء کو   بین الاقوامی مالی خدمات  مرکز اتھارٹی  ( آئی  ایف ایس  سی اے ) کی سفارش پر    طیاروں کی لیز   (کرائے پر دینا ) کو نوٹیفائی  کیا تھا ، جس میں    طیارے   چلانے  اور مالی لیز     شامل  ہے  ۔ اس کے علاوہ ، ہیلی کاپٹر  یا طیاروں   اور طیارے کے انجنوں   یا ہیلی کاپٹر کے انجن   اور دیگر  ساز و سامان کے لئے  آئی ایف ایس سی اے  ، 2019  کے تحت  ‘‘ فائنانشیل پروڈکٹس ’’  فراہم کرنا ہے ۔

          اس مقصد کے لئے  آئی ایف ایس سی اے نے  16 دسمبر ، 2020 ء کو  طیاروں کی لیزنگ  سے  متعلق ریگولیشن کے مسودے پر  ایک   مشاورتی  پیپر جاری کیا تھا   ۔ مختلف شرکاء کی طرف سے    دلچسپی   کے اظہار اور   مختلف فریقوں کی طرف سے  رد عمل  کی بنیاد پر   آج آئی ایف ایس سی اے نے طیاروں کی آپریٹنگ لیز کے لئے   ایک فریم  ورک جاری کیا ہے ۔   یہ فریم ورک  بھارت میں  آئی ایف ایس سی  کے لیز کے کاروبار   کو بڑھانے میں مدد کرے گا ۔ بھارت میں  اِس کی مارکیٹ  50  ارب ڈالر سے زیادہ ہے ۔

          ‘‘ طیاروں کی آپریٹنگ لیز کے  فریم ورک ’’ سے متعلق  سرکولر   آئی ایف ایس سی اے کی ویب سائٹ  https://www.ifsca.gov.in/circular  پر  اَپ لوڈ کیا گیا ہے ۔

 

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 20.02.2021  )

U. No. 1761

(Release ID: 1699647) Visitor Counter : 127