নোংচুপ বেঙ্গলগী গভর্নর শ্রীমান জগদীপ ধনখরজী, বিশ্ব ভারতীগী ভাইস চান্সেলর প্রোফেসর বিদ্যুৎ চক্রবর্তীজী, ওজাশিং, শিন্মীশিং অমসুং ঐগী থৌনা লৈরবা নহা ওইরিবা মরূপশিং!

গুরুদেব রবিন্দ্রনাথ তেগোরনা চাংদম্নীংঙাই লৈত্রবা লন অমা ইমা ভারতীদা পীরিবা অসিগী শরুক ওইজবা, অদোম খোংলোই পুম্নমক্কা লোইনজবা অসি ঐগীদমক্তদি ইথিলসু পোকচৈ, নুংঙাইবসু ফাওজৈ অমসুং থৌনাসু ফংজগদৌরি। অসিগুম্বা শেংলবা মফম অসিদা ইশামক লাক্তুনা অদোমগী মরক্তা য়াওজরম্লবদি ফগদবনি। অদুবু অদুবু অসিগুম্বা মখলগী অনৌবা নিয়মশিং অসিদা হিংবা তারি অমসুং মরম অসিনা ঙসি হকথেংননা লাকপা তৌদনা, অরাপ্পদগী, অদোম ময়াম্বু খুরুমজরি, শেংলবা লমদম অসিবু খুরুমজরি। হন্দক্তি মতম খরগী মতুংদা ঐনা অনিরকশুবা ওইনা তাঞ্জা ফংজরে। অদোমগী পুন্সিদা মসিগী মরুওইরবা তাঞ্জা অসিদা অদোম নহা ওইরিবা মরূপ পুম্নমক্তা, মমা-মপা ওইবশিংদা, অহল-লমনশিংদা ঐনা হন্না হন্না নুংঙাইবা ফোংদোকচরি, হন্না হন্না য়াইফ-পাউজেল পীজরি।  

মরূপশিং,

ঙসি অসি য়াম্না শেংলবা তাঞ্জা অমসুং ওইরি, অদুক্কী মতিক ইথিল পোক্নীংঙাইিগী নুমিৎ অমনি। ঙসি ছত্ত্রপতি শিবাজী মহারাজগী মপোক নুমিৎনি। ঐনা লৈবাক মীয়ামদা, ছত্ত্রপতি শিবাজী মহারাজজীগী মপোক নুমিৎ অসিদা হন্না হন্না য়াইফ-পাউজেল পীজরি। গুরুদেব রবিন্দ্র নাথ তেগোরজীনসু শিবাজী-উৎসবকী মিংদা অথৌবা শিবাজীদা শৈরেং অমা ইখি। মহাক্না ইখি -

কোন দুর শতাব্দের

কোন-এক অখ্যাত দিবসে

নাহি জানি আজি, নাহি জানি আজি, মারাতা কোন শোএলে অরনয়ের

অন্ধকারে বসে,

হে রাজা শিবাজি,

তব ভাল तब भाल উদ্ভাসিয়া এ ভাবনা তরিৎপ্রভাবৎ

এসেছিল নামি -

“একধর্ম রাজ্যপাশে খন্দ

ছিন্ন বিখিপ্ত ভারত

বেন্ধে দিব আমি।’’

হায়বদি চহি চা অমদগীসু মমাংদা, মমিং খঙদবা নুমিৎ অমদা, ঐ ঙসি খঙদবা নুমিৎ অদুদা চিং অমগী অৱাংবা মতোন্দগী, অশুকপা উমং অমদগী, হো রাজা শিবাজী, ৱাখল্লোন অসিবু অদোম্না থাওমৈগী মঙাল অমগুম লাকখিবরা? মচোই মচোই তারবা লমদম অসিবু পরেং অমদা লেংশিনগদবনি হায়বা ৱাখল্লোন অসি পোকখিবরা? মসিগীদমক ঐ ইশাবু কৎথোকচগদ্রা? পরেংশিং অসিদা ছত্রপতি অথৌবা শিবাজীদগী ইথিল পোকচদুনা ভারতকী অপুনবা, ভারতপু পরেং অমদা লেংশিন্নবা লাওথোকখিবনি। লৈবাক অসিগী অপুনবা অসিবু মপাঙ্গল কনশিলহল্লিবা ৱাখল্লোন অসিবু ঐখোয় কৈদৌঙৈদসু কাওরোইদবনি। মিৎকুপ খুদিং, পুন্সিগী খোংথাং খুদিংদা লৈবাক্কী অপুনবা-অমত্তা ওইবগী মন্ত্র অসিবু ঐখোয়না নীংসু নীংশিংগদবনি, ঐখোয় হিংসু হিংগদবনি. মসিনি তেগোরনা ঐখোয়দা পীবা পাউজেল।  

মরূপশিং,

অদোম শুপ্নগী বিশ্ববিদ্যালয় অসিগী শুরুক খক্তা নত্তে, অহিংবা চৎনবী-নাৎকী শেন্নরোই অমসুনি। গুরুদেবনা করিগুম্বা বিশ্ব ভারতীবু শুপ্নগী য়ুনিভর্সিতী অমখক ওইনা উবা পাম্লম্লবদি, মহাক্না মসিবু গ্লোবেল য়ুনিভর্সিতী নত্ত্রগা অতোপ্পা মমিং অমা থোল্লম্বসু য়াই। অদুবু মহাক্না, মসি বিশ্ব ভারতী বিশ্ববিদ্যালয় হায়না থোনবীরম্মি। ‘বিশ্ব-ভারতীনা ভারতপু মসিগী অথোইবা চৎনবী-নাৎকী হোস্পিতেলিতী অদু পীনবা অমসুং অতোপ্পদগী খ্বাইদগী ফবা লৌশিন্নবগী হক অদু অয়াবা পীরে।’

মরূপশিং,

গুরুদেব তেগোরগীদমক্তদি বিশ্ব ভারতী অসি, শুপ্নগী লৌশিং পীনবীবা ইন্সতিত্যুৎ অদুদা নত্তে। ভারতকী চৎনবী-নাৎপু মকোক্তা পুখৎনবা হোৎনবা অমনি, মসিবু ঐখোয়না হায়নৈ – ইশাবু ফংজবা। অদোম য়ুমশকৈশা নুমিৎতা অদোমগী কেম্পস্তা ‘উপাসনা’ (লাই নীংবা)গীদমক্তা পুনবদা, ইশামক্কা ৱারী শাজৈ। অদোম গুরুদেবনা হৌদোকখিবা কুম্মৈশিংদা শরুক য়াবা মতমদা, ইশামক্কা ৱারী শাজনবগী তাঞ্জা অমা ফংই। গুরুদেবনা হায়রকপদা -

 ‘আলো অমার

আলো ওগো 

আলো ভুবন ভারা’

মসি ঐখোয়গী লৌশিংবু য়কাইহল্লিবা মঙাল অদুগীদমক খঙহনবনি। গুরুদেব তেগোরনা থাজখি, মখল-মখা লৈরবা, ৱাখল্লোনশিং লৈরবা, পুম্নমক অসিগা লোইননা ঐখোয় ইশাবুসু থিজগদবনি। মহাক্না বেঙ্গলগীদমক হায়বীরম্মি -

বাঙ্গলার মাতী,

বাঙ্গলার জোল,

বাঙ্গলার বায়ু, বাঙ্গলার ফোল, 

পুন্য হৌক,

পুন্য হৌক,

পুন্য হৌক,

হে ভোগোবন..

অদুবু মসিগা লোইননা মহাক্না ভারতকী মখল-মখাগীসু অদুক্কী মতিক চাউথোক্না হায়রম্মি। মহাক্না হায়বীরম্মি -

হে মোর চিত্তো পুন্যো তীর্থে জাগো রে ধীরে,

ই ভারোতের মহামনোবের সমগোরো-তীরে

হেথায় দারাএ দু বাহু বারাএ নমো

নরোদে-বোতারে,

অমসুং মসি গুরেদ মক্কী পাক-চারবা মিৎয়েংনি মদুদি শান্তিনিকেতনগী হাংলবা অতিয়াগী মখাদা মহাক্না মালেমগী মীশক অসিমক অসিবু য়েংখি।

এশো কর্মী, এশো জ্ঞানী,

এশো জনকল্যানী, এশো তপশরাজৌ হো!

এশো হে ধীশক্তি শম্পদ মুক্তাবোন্ধো শোমাজ হে!

শিন্মী মরূপশা, অখঙ-অহৈ মরূপশা, হে খুন্নাইগীদমক থবক তৌরিবশা, লাকও খুন্নাইগী য়াইফনবগীদমক অমত্তা ওইনা হোৎনমিন্নরসি। অদোমগী কেম্পসতা লৌশিং ফংনবগীদমক্তা মিৎকুপ অমত্তসু লেনখিবশিংদুনা লাইবক ফবনি মদুদি মখোয়না গুরুদেবগী ভিজন ফংজবা হায়বসি মখোয়গী লাইবক ফবনি। 

মরূপশিং,

ভিশ্ব ভারতীদি মশানা ঙমখৈ-নাইদ্রবা সমুদ্র অমনি, মসিগী য়ুম্বী অসিমক খঙ-হৈবদা য়ুম্ফম ওইবা মহৈ-মশিংগীদমক য়ুংলি। লৌশিংগী, ক্রিএতিবিতীগী ঙমখৈ অমত্তা লৈতে, ৱাখল্লোন অসিগা লোইননা গুরুদেবনা অফাওবা বিশ্ববিদ্যালয় অসি লিংখৎপীখি। অদোম মসিসু মতম পুম্নমক্তা নীংশিংবীগদবনি মদুদি লৌশিং, ৱাখল্লোন অমসুং স্কিল অসি অরেপ্পা নত্তে, মসি লেপ্তনা চৎথবা থৌওংনি। অমসুং মসিদা কোর্স করেক্সনগী খুদোংচাবসু মতম পুম্নমক্তা লৈগনি। অদুবু নোলেজ অমসুং পাৱর, রেসপোন্সিবিলিতী অনিমক্কা লোইননা লাকই।

মতৌ অসুম্না, লৈঙাক্তা লৈবদা মশাবু হেন্না মিৎকুপ-নাহুমশিংনা লৈবা তাবা অদুগুম্না স্কোলর খুদিংমক, অখঙ-অহৈ খুদিংমকসু মসিগী মতাংদা মখোয়দা মদুগী পাঙ্গল য়াওদবা থৌদাং অদু লৌজবা তাই।অদোমগী লৌশিং শুপ্নগী অদোমগী নত্তে, খুন্নাইগী, লৈবাক্কী লন্নি। অদোমগী লৌশিং, অদোমগী স্কিলনা, খুন্নাই অমবু, লৈবাক অমবু চাউথোকচবা পোকহনবসু ঙম্মি অমসুং মদুনা খুন্নাই অদুবু মিংচৎ থিহনবা অমদি লৈখা তাহনবসু ঙম্মি। পুৱারী অমসুং মতম অসিদা অসিগুম্বা খুদম কয়া লৈরি।

অদোম য়েংবীয়ু, মালেমদা ইরাং শন্দোক্লিবা, মালেমদা হিংসা শন্দোক্লিবা মখোয়দসু য়াম্না তম্লবা, য়াম্না হৈরবা  মীওই কয়া অমা য়াওরি। অমরোমদা কোরোনাগুম্বা মালেমগী লাইচৎ অসিদগী মালেম অসিবু নান্থোকহন্নবা অহিং-নুংথিল নাইদনা লেবোরেতরীশিংদা লেল্লিবা মীওই কয়ামরুমসু লৈরি।

মসি শুপ্নগী ৱাখল্লোনগী ৱাফম নত্তে, মসি মাইন্দসেৎকী ৱাফমসুনি। অদোম করি তৌরি হায়বসি অদোমগী মাইন্দসেৎ অদু পোজিতিব নত্ত্রগা নেগতিব ওইবরা হায়বদুগী মখা পোল্লি। স্কোপ অনিমক্কীনি, লম্বী অনিমক্কী হাংলি। অদোম সমস্যাগী শরুক য়াবা পাম্বরা নত্ত্রগা পাম্বৈগী, মসি লেপথোকপা ঐখোয়গী খুৎতা লৈবনি।

করিগুম্বা ঐখোয়না পাঙ্গল অদুবু, লৌশিং অদুবু, মশেক-মঙাল অদুবু অফবা থবক্তা শিজিন্নরবদি ফল অমা ফংগনি, ফত্তবা থবকশিংগীদমক্তা শিজিন্নরবদি অতোপ্পা ফল অমা ফংগনি। করিগুম্বা ঐখোয়না শুপ্নগী ইশাগী কান্নবা খক্তমক য়েংলগদি মতম পুম্বদা মায়কৈ মরিদা অৱাবতা ুবা ফংগনি, সমস্যাশিং উবা ফংগনি, ৱারৌবা উবা ফংগনি, অশাওবা উবা ফংগনি। 

অদুবু অদোম ইশাবু হৌগৎচদুনা, ইশাগী কান্নবদগী হৌগৎচদুনা নেস্নেল ফর্স্তকী ৱাখল্লোনগা লোইননা মাংদা চখৎলবদি অদোম সমস্যা খুদিংমক্কী মরক্তসু সোলুসন থিনীংবা ফাওরক্কনি, সোলুসন উবা ফংগনি। ফত্তবা পাঙ্গলশিংদসু অদোম অফবা থিনবগী, মদুদি অফবনা হোংদোকপা পামগনি অমসুং ফিভমশিংসু হোংদোক্কনি, অদোম ইশামকসু সোলুসন ওইনা শাফোংলক্কনি।

করিগুম্বা অদোমগী মিৎয়েং অদু শেংলবা অমসুং ইমা ভারতীবু থাজরবদি, অদোমগী ৱারেপ খুদিংমক করিগুম্বা পাম্বৈ অমগী মায়কৈদা চংশিনগনি। মায় পাকপা অমসুং মায় থিবা অসিনা ঐখোয়গী হৌজিক্কী অমদি তুংলমচৎকী মতম খক লেপ্তে। অদোমগী ৱারেপ অমগী মতুংদা অদোম্না খল্লম্বা অদুমক ওইরক্তবা থেংনরকপা য়াই, অদুবু অদোম ৱারেপ লৌবদা কিরোইদবনি।

ভারতকী নহানা অনৌবা তৌনবগী, রিস্ক লৌনবগী অমসুং মাংদা চখৎনবগী থৌনা লৈরিবা ফাওবদি ঐ য়ামদ্রবদা লৈবাক্কী তুংলমচৎকী অৱাবা লৈতে। অমসুং ঐহাক লৈবাক অসিনা নহা ওইরবা, মী মশিং করোর ১৩০ রোমদা নহাগী পাঙ্গল লৈরবদি থাজবা অমসুং অচেৎপা ওই, ঐনা থাজৈ অমসুং হেন্না পাঙ্গল কনবা ওই। অমসুং মসিগীদমক্তা অদোম্না পাম্বা সপোর্ত, পাম্বা ফিভম, মসিগীদমক্তা ইশাসু অমসুং সরকারসু… মসিদা নত্তনা, করোর ১৩০গী ফিরেপশিংনা থল্লবা, মঙলানশিং পুদুনা হিংলিবা লৈবাক অসিসু অদোম্বু শৌগৎতুনা লেপ্লি।

মরূপশিং,

বিশ্ব ভারতীগী ১০০শুবা চহিগী পুৱারী ওইরবা তাঞ্জাদা ঐনা অদোমদা ৱা ঙাংজখিবদা, মতম অদুদা ভারতকী ইকাই খুম্নবগীদমক্তা অদোম নহা ময়ামগী থৌদাংগী মতাংদা পনখি। মফম অসিদগী চৎখ্রবা মতুংদা, পুন্সিগী অতোপ্পা তাংকক্তা অদোম নহা পুম্নমক মখল কয়া থেংনরক্কনি।

মরূপশিং,

ঙসি ছত্রপতি শিবাজী মহারাজগী মপোক নুমিৎকী ঐখোয়না চাউথোকচরিবা অসিদা ঐহাক ধর্মপালজীবু নীংশিংজৈ। ঙসি অফাওবা ঙসি অসি অফাওবা গান্ধীয়ন ধরমপালজীগী মপোক নুমিৎসুনি। মহাক্না ইরম্বনি – দ ব্যুতিপুল ত্রী – ইন্দিজিনস ইন্দিয়ন এজুকেসন ইন দ আইতীন সেনঞ্চ্যুরী।

ঙসি অদোমগা ৱারী শাজবা অসিদা ঐ মসিগী মতাংদসু পনবা পামজৈ অমসুং বেঙ্গলগী লমদম, থৌনা ফরবা লমদম অসিদা ৱারী শাজবা অসিদা ঐ, ধরমপালজীগী হিরম অসি অদোমগী মাংদা থমজবা পাম্মি। লাইরিক অসিদা ধরমপালজীনা থোমস মনুরোনা তৌখিবা নেস্নেল এজুকেসন সর্ভে অমগী মতাংদা পল্লি।

১৮২০দা তৌখিবা এজুকেসন সর্ভেদা অঙকপা পোকহনবা ৱাফম কয়া য়াওই। সর্ভে অদুদা ভারতকী মহৈ-মশিং হৈবগী চাং য়াম্না ৱাংনা থমখি। সর্ভে অদুদা মসিসু ইখি মদুদি করম্না খুঙ্গং খুদিংদা অমদগী হেন্না গুরুকুল লৈরম্বা। অমসুং খুঙ্গংদা লৈরম্বা লাইশঙদা, শুপ্নগী লাইনীং-লাইশোন তৌবতা নত্তনা, মহৈ-মশিং তম্বদা ইনোৎ হাপ্নবা, মহৈ-মশিংদা ইনোৎ হাপ্পা, তশেংনা শেংলবা থবক্কসু খুঙ্গংগী লাইশঙশিংগা মরী লৈনরকখি।  

ভারত্তা ব্রিতিশ এজুকেসন সিস্তেম চৎনদ্রিঙৈ মমাংদা, থোম্স মুনরোনা ভারতকী মহৈ-মশিংগী পাম্বৈ অমসুং ভারতকী মহৈ-মশিংগী থৌরাংগী পাঙ্গল অদু উখি। মহাক্না উখি মদুদি ঐখোয়গী মহৈ-মশিংগী থৌরাং অসি কয়াদা বাইব্রেন্ত ওইরিবা, মসি চহি ২০০ মমাংগী ৱারীনি। লাইরিক অসিদা ৱিলিয়ম এদমগী মতাংদসু পল্লি মহাক্না মসি ফংখি মদুদি ১৮৩০দা বেঙ্গল অমসুং বিহারদা খুঙ্গংগী স্কুল লাখ অমদগী হেন্না লৈরম্মি।

মরূপশিং,

গুরুদেবনা বিশ্বভারতীদা শেমগৎলম্বা থৌরাংশিং, শেমগৎলম্বা পাম্বৈশিং অদু ভারতকী মহৈ-মশিংগী থৌরাংদা মীখা পোনবগী অপনবশিং অদুদগী মনীং তমহন্নবা, মখোয়বু অনৌবা ওইহন্নবা পাম্বৈ অমনি। ঙসি ভারত্তা শেম্লিবা অনৌবা নেস্নেল এজুকেসন পোলিসী অসিসু অরিবা খোংলৌ কয়া থদৎপগা লোইননা, মহৈরোইশিংদা মখোয়গী তৌবা ঙম্বশিং উৎথোক্নবা মপুং ফানা নীং-খা তম্বা পীরি। নেস্নেল এজুকেসন পোলিসী অসিনা অদোমদা তোঙান তোঙানবা হিরমশিং তম্ননবা নীং খা তম্বা পীরি। নেস্নেল এজুকেসন পোলিসী অসিনা, অদোমদা অদোমগী লোন্দা তম্ননবা ওপ্সন পীরি। এজুকেসন পোলিসী অসিনা ওন্ত্রপ্রিনরশিং, সেল্ফ ইম্প্লোইমেন্ততা ইনোৎ হাপ্লি।

এজুকেসন পোলিসী অসিনা রিসর্স্তা,  ইনোবেসন্দা ইনোৎ হাপ্লি। মরোমদোম লেপচবা ভারত শেমগৎপদা এজুকেসন পোলিসী অসিসু মরুওইবা খোঙথাং অমনি। মরোমদোম লেপচবা ভারত শেমগৎপদা এজুকেসন পোলিসী অসিসু মরুওইবা তাঙ্কক অমনি। লৈবাক অসিদা অকনবা রিসর্স অমসুং ইনোবেসন ইকোসিস্তেম শেম্নবগীদমক্তসু সরকারনা লেপ্তনা থবক পায়খৎলি। হন্দক্তা সরকারনা লৈবাক অসিগী অমসুং মালেমগী জর্নেল লাখ কয়াগী ফ্রী এক্সপ্রেস অদু ঐখোয়গী স্কোলরশিংদা পীননবা ৱারেপ লৌরে। চহি অসিগী বজেৎতসু রিসর্সকীদমক্তা নেস্নেল রিসর্স ফাউন্দেসনগী থোংদা লাক্কদৌরিবা চহি ৫দা লুপা করোর লিশিং ৫০ চাদিং তৌনবগী ৱাফম থম্লি।

মরূপশিং,

ভারতকী মরোমদোম লেপচবা অসি, লৈবাক অসি ইচানুপীশিংগী মশানা মশাবু থাজজবা অসি য়াওদনা ওইথোক্লোই। অনৌবা নেস্নেল এজুকেসন পোলিসীদা অহানবা ওইনা জেন্দর ইনক্লুজন ফন্দগী থৌরাং তৌরে। পোলিসী অসিদা তরুকশুবা ক্লাস্তগী কার্পেন্তরীদগী হৌরগা কোদিং ফাওবা অসিগুম্বা স্কিল সেৎশিং তম্বীনবগী স্কিম মসিদা য়াওরি, মসিগুম্বা স্কিলশিং অসি নুপী মচাশিংদগী লাপ্না থম্বীরম্মি। এজুকেস পোলিসী শেম্বা মতমদা, ইচা নুপীশিংদা দ্রোপ-আউৎ রেৎ হেনবনা মরমশিংবু য়াম্না লুম্না স্তদী তৌখি। মরম অসিনা, তম্বা মতমদা লেপ্তবা, দিগ্রী কোর্সতা এন্ত্রী অমসুং এগজিৎকী ওপ্সনবু ওইরো অমসুং চহি খুদিংগী ক্রেদিৎ ফংনবা, মসিগী তোঙানবা মখলগী থৌরাং তৌরি।

মরূপশিং,

বঙ্গালনা হৌখিবা মতমদা ভারতকী ইনাক খুল্লবা লৌশিংবু মাংদা পুখৎনবা লৈবাক অসিবু লুচিংখি। বঙ্গাল, অমত্তা ওইবা ভারত, অথোইবা ভারতকী ইথিল পোক্নফমসু ওইরক্লি অমসুং থবক পাংথোকফমসু ওইরক্লি। চহি চাম্মশুবগী থৌরমদা ৱারী শানখিবা মতমদা ঐনা মসিগী মতাংদসু শন্দোক্না ফোংদোকখি। ঙসি ভারতনা ২১শুবা চহি চাগী নোলেজ ইকোনোমী ওইহন্নবগী মায়কৈদা চংশিল্লিবা অসিদসু অদোমদা মিৎয়েং থম্লি, অদোমগুম্বা নহারোলশিংদা থম্লি, বেঙ্গলগী লৌশিংগী পুক্কৈদা থম্লি, বেঙ্গলগী মপাঙ্গল লৈরবা মীয়ামদা থম্লি। ভারতকী লৌশিং অমসুং ভারতকী শক্তাকপু মালেমগী কাচিন-কোয়া ফাওবা য়ৌহনবদা বিশ্ব ভারতীগী থৌদাং চাউনা য়াওরি।

চহি অসদা ঐখোয় ঐখোয়গী নীং-খা তম্বগী ৭৫শুবা চহিদা খোং থাংজিল্লি। ভারতকী শক্তম্বু হেন্না মশক থোকহন্নবগীদমক অদোম্না ঙম্লিমখৈ মীয়ামদা খঙহনবা অসি বিশ্ব ভারতীগী মহৈরোই খুদিংমক্কী মায়কৈদগী লৈবাক অসিদা তম্বা খ্বাইদগী চাউবা খুদোল ওইগনি। ভারতনা ওইরিবা, মীওই লোনচৎ, লাইনীং, মালেমগী য়াইফ-থৌরাংগী ৱাখল্লোন ঐখোয়গী ঈরিক খুদিংদা য়াওরি হায়বসি অতোপ্পা লৈবাকশিংদা খঙহন্নবগীদমক্তা বিশ্ব ভারতীনা লৈবাক অসিগী মহৈ মশিংগী ইন্সতিত্যুৎশিংবু লুচিংগদবনি।

ঐনা হায়জরি মদুদি, মথংগী চহি ২৫গীদমক্তা বিশ্ব ভারতীগী মহৈরোইশিংনা পুন্না বিজন দোক্যুমেন্ত অমা শেম্বীয়ু। কুমজা ২০৪৭দা, ভারতনা মসিগী চহি ১০০শুবা নীং-খা তম্বগী থৌরম পাংথোকপদা, বিশ্ব ভারতীগী খ্বাইদগী চাউবা পান্দম ২৫ করি ওইগনি হায়বদু বিজন দোক্যুমেন্ত অদুদা হাপ্পীগদবনি। অদোম অদোমগী অহল-লমনশিংগা তান্নবীয়ু, অদুবু পান্দম অমদি শোইদনা পুথোকপীয়ু।

অদোম্না অদোমগী লমদমদা খুঙ্গং কয়া লৌশিনবীরমগনি। মদুগী অহৌবা অদু, খুঙ্গং খুদিংমকপু মরোমদোম লেপচবা ওইহনবদগী হৌবা য়ারোইদ্রা?  পুজা তৌনীংঙাইগী মশক ওইরবা বাপু গ্রামরাজ্যগী ৱা হায়বীরম্মি, গ্রাম স্বরাজ্যগী ৱাফম ফোংদোকপীরম্মি। ঐগী নহা ওইরিবা মরুপশা খুঙ্গংগী মীয়াম, মফম অদুগী খুৎ-শা হৈবশিং, মফম অদুগী লৌমীসিং, মখোয়বু অদোম মরেমদোম লেপচবা ওইহনবীয়ু, মখোয়গী পোৎথকশিং অদু মালেমগী অচৌ-অচৌবা কৈথেলদা পুননবগী পাম্বৈ ওইবীয়ু।

বিশ্ব ভারতীদি, বোলপুর দিস্ত্রিক্তকী মরুওইরবা মফমনি। মফম অসিগী শেনমিৎলোন-কুন্নাইরোল, চৎনবী-নাৎ পুম্নমক্কী থবক-থৌরম বিশ্বভারতীনা শেম-শারিবনি, অচংবা শরুক অমনি। মফম অসিগী মীয়াম্বু, খুন্নাইবু মপাঙ্গল কলহনবগা লোইননা, অদোমগী ইশাগী অচৌবা থৌদাং অদুসু পাংথোক্কদবনি।

অদোমগী হোৎনবা পুম্নমক মায় পাক্নবা, অদোমগী ৱারেপ খুদিংমক অচুম্বা ওইহল্লু। পান্দমশিং অদু পুদুনা বিশ্ব ভারতীদা খোঙ থাংজিল্লকখিবনি অমসুং অদুগুম্বা নাৎ অমসুং লৌশিংগী লন-থুম অদুবু পুদুনা ঙসি অদোম বিশ্বভারতীদগী মালেমগী ফম্বাক্তা খোঙ থাংদোরকপা মতমদা, মালেম্না অদোমদগী য়াম্না পামগনি, অনীংবা-অপাম্বা য়াম্না থমগনি। অমসুং লৈবাক-লৈহাউ অসিনা  অদোম্বু শেম্লকখি, শেন্নরকখি অমসুং অদোম্বু মালেমগী অৱাৎপশিংবু মপুং ফাহন্নবগী মতিক চাবা ওইহনখি। অদোম ইশানা ইশাবু থাজরি, অমসুং ফিরেপ অদু চেৎনা লৌরি। ২১শুবা চহি চাদা ভারতনা মসিগী মতিক চাবা মফম ফংনবা, মসিগীদমক্তা অদোমগী মতেং অদু য়াম্না চাউবা পাঙ্গল ওইনা শাফোংলক্কনি, মসি মপুং ফানা থাজৈ অমসুং অদোম্মক্কী মরক্তা অদোম্মক্কী খোংলোই অমা ওইবনা মরম ওইদুনা ঐনা ঙসি চাউথোকচনীংঙাই ওইরবা মিৎকুপ অসিদা ইশাবু লাইবক ফবা ওইনা লৌজরি। অমসুং ঐখোয় পুম্নমক্না অমত্তা ওইনা গুরুদেব তেগোরনা শেংলবা লৈবাক-লৈহাউ অদুনা ঐখোয়বু তাকপী-তম্বীরম্বা অসি ঐখোয় পুন্না মাংদা পুখৎসি, মসি ঐগী অদোমদা পীজবা য়াইফ-পাউজেলনি।  

ঐগী মায়কৈদগী হন্না হন্না য়াইফ-পাউজেল পীজরি। অদোমগী ইমা-ইপাবু ঐনা খুরুমজরি, অদোমগী গুরুশিংবু খুরুমজরি।

ঐগী মায়কৈদগী হন্না হন্না থাগৎচরি

***