রিফোর্মগা মরী লৈনবা অহেনবা শেন্ফম পুবগী অয়াবা পীবসিনা স্তেতশিংদা পৱার সেক্তরদা অওনবা পুরকপদা মতেং ওইরি‍। রিফোর্ম থৌওংগী শরুক অমা ওইনা স্তেত মঙানা মমিং ওইনা বিহার, গোৱা, কর্নাতকা, রাজস্থান অমসুং উত্তরাখন্দনা এগ্রিগেত তেক্নিকেল এন্দ কম্মর্সিএল (এ.তি. এন্দ সি.) লোস হন্থহন্নবা নৎত্রগা এভরেজ কোস্ত ওফ সপ্লাই অমসুং এভরেজ রিভিন্যু রিএলাইজেসন (এ.সি.এস.-এ.আর.আর.) গেপ হন্থহন্নবা পৱার মন্ত্রালয়না থমখিবা পান্দম মায় পাক্না ফংখ্রে‍।

এ.তি. এন্দ সি. লোস অমসুং এ.সি.এস.-এ.আর.আর. গেপ হন্থহনবা শেলথুম মন্ত্রালয়গী দিপার্তমেন্ত ওফ এক্সপেন্দিচরনা পায়খৎনবা পান্দম থম্লিবা পৱার সেক্তরগী রিফোর্ম অহুমগী মনুংদা অনিনি‍। স্তেতশিংদা পীবা অহেনবা শেন্ফম পুবা য়াবগী শেন্ফমগী শরুক অমা পৱার সেক্তরদা অওনবা পুরকপগা মরী লৈনহল্লি‍।

এ.তি. এন্দ সি. লোস হন্থহনবদা স্তেতশিংদা মখোয়গী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ০.৫কা মান্নবা অমসুং এ.সি.এস.-এ.আর.আর. গেপকী পান্দম ফংবদা জি.এস.দি.পি.গী চাদা ০.৫গা মান্নবা অহেনবা শেন্ফম পুবা য়াহল্লি‍।

উত্তরাখন্দনা এ.তি. এন্দ সি. লোস অমসুং এ.সি.এস.-এ.আর.আর. গেপ হন্থহনবগী পান্দম ফংলে‍। এ.তি. এন্দ সি. লোসকী পান্দম চাদা ১৯.৩৫ থমবদা স্তেত অসিনা চাদা ১৯.০১দা হন্থহনবা ঙম্লে‍। এ.সি.এস.-এ.আর.আর. গেপকীসু য়ুনিত অমদা লুপা ০.৪০গী পান্দম থম্বদা স্তেত অসিনা য়ুনিত অমদা লুপা ০.৩৬কী চাংদা হন্থহনবা ঙম্লে‍। গোৱানা এ.তি. এন্দ সি. লোস চাদা ১৩.৫৩গী পান্দম থম্বদা চাদা ১১.২১দা হন্থহল্লে‍।

কর্নাতকানা য়ুনিত অমদা লুপা ০.৫০গী এ.সি.এস.-এ.আর.আর. গেপকী পান্দম থম্বদা য়ুনিত অমদা লুপা ০.৪৪দা হন্থহল্লে‍। রাজস্থানসু এ.সি.এস.-এ.আর.আর. গেপ হন্থহনবগী পান্দম ফংখ্রে‍। য়ুনিত অমদা লুপা ১.৪০গী পান্দম থম্বদা স্তেত অসিনা য়ুনিৎ অমদা লুপা ১.১৬কী চাংদা হন্থহল্লে‍। মতৌ অসুম্না বিহারসু এ.সি.এস.-এ.আর.আর. গেপ চাদা ১০ হন্থহন্দুনা পান্দম ফংলে‍।

রিফোর্মশিং অসি মায় পাক্না পায়খৎখিবদগী হায়রিবা স্তেত মঙা অসি লুপা করোর ২,০৯৪কী অহেনবা শেন্ফম পুবগী অয়াবা ফংখ্রে‍। হায়রিবা অয়াবা অসি দিপার্তমেন্ত ওফ এক্সপেন্দিচরনা পীখ্রে‍। মসিনা স্তেতশিংদা কোবিদ-১৯ লাইচৎ থেংনবদা মথৌ তাবা অহেনবা শেলথুমগী মচাক ফংহনবদা মতেং ওইহন্দুনা দিমান্দ হেনগৎহন্নবা কেপিতেল এক্সপেন্দিচরসু হেনগৎহল্লে‍।

হায়রিবা স্তেত মঙাসিগী মথক্তা অন্ধ্র প্রদেস অমসুং মধ্য প্রদেশনা পৱার সেক্তরগী অহুমসুবা রিফোর্ম হায়বদি লৌমীশিংদা ইলেক্ত্রিসিতী সবসিদী দাইরেক্ত বিনিফিত ত্রান্ফর (দি.বি.তি.)গী থৌরাং পায়খৎখ্রে‍। মসিগী মতুং তারকপা ওইনা হায়রিবা স্তেত অনিসিদা মখোয়গী জি.এস.দি.পি.গী চাদা ০.১৫কা মান্নবা লুপা করোর ২,৯৩৮গী অহেনবা শেন্ফম পুবগী অয়াবা পীখ্র‍ে‍। অসুম্না হৌজিক ফাওবদা পৱার সেক্তরদা অওনবা পুরকখ্রবা স্তেত ৭তা লুপা করোর ৫,০৩২গী অহেনবা শেন্ফম পুবগী অয়াবা পীখ্রে‍। স্তেত স্তেতকী ওইনা অহেনবা শেন্ফম পুবগী অয়াবা পীখ্রবা মশিং মখাদা পীরি:

শেলথুম মন্ত্রালয়না পায়খৎলিবা পৱার সেক্তরদা অওনবা পুরকপগী থৌরাং অসিনা লৌমীশিংদা লৌথুপ লৌকোয় লৈতবা অমদি অপনবা লৈতবা মওংদা মৈগী সবসিদী পীননবা অমদি মৈ মাঙবা থিংনবা পান্দম থম্লি‍। মখোয়নে পৱার দিস্ত্রিব্যুসন কম্পেনীশিংদা তুং কোইগদবা মওংদা মখোয়গী শেল থুম মরাং কায়বা হেনগৎহন্দুনা মখোয়গী ফীভম ফনা থম্নবা পান্দমসু থম্লি‍।

কোবিদ-১৯ লাইচৎনা পীরিবা শিংনবশিং থেংননবগী মথৌ তাবা মচাকশিংগী য়েংলগা ভারত লৈঙাক্না মে ১৭,২০২০দা স্তেতশিংগী শেল পুবগী চাং মখোয়গী জি.এস.দি.পি.গী চাদা ২গী চাংদা হেনগৎহনখি‍। মসিগী তঙ্খায় অমদি স্তেতশিংনা মীয়ামগী য়াইফনবা অওনবা পুরকপগা মরী লৈনহল্লি‍। খনগৎখিবা রিফোর্ম মরিদুদি (ক) ৱন নেসন ৱন রেসন কার্দ সিস্তেম পায়খৎপা, (খ) ইজ ওফ দুইং বিজিনেস রিফোর্ম, (গ) অর্বান লোকেল বোদী/য়ুতিলিতী রিফোর্ম্স অমসুং (ঘ) পৱার সেক্তর রিফোর্ম্স‍নি‍।

হৌজিক ফাওবদা স্তেত ২১না পিরিবা রিফোর্ম্স মরিসিগী মনুংদা য়ামদ্রবদা অমদা পায়খৎখ্রে অমসুং রিফোর্মগা মরী লৈনননা শেল পুবগী অয়াবা ফংখ্রে‍। মসিগী মনুংদা স্তেত ১৬না ৱন নেসন ৱন রেসন কার্দ সিস্তেম, স্তেত ১৮না ইজ ওফ দুইং বিজিনেস রিফোর্ম্স, স্তেত ৬না লোকেল বোদী রিফোর্ম্স অমসুং স্তেত ৭না পৱার সেক্তর রিফোর্মশিং পায়খৎখ্রে‍। রিফোর্মগা মরী লৈনননা হৌজিক ফাওবদা স্তেতশিংদা পুবগী অয়াবা পীখ্রবা অপুনবা অহেনবা শেন্ফমদি লুপা করোর ৯১,৬৬৭নি‍।

****