طبی ملازمین کو دی جانے والی ویکسین کی خوراکوں کی تعداد  آج بڑھتے بڑھتے تقریباً 98.5 لاکھ تک پہنچ گئی۔

 عارضی رپورٹ کے مطابق آج  شام 6 بجے تک 210809 سیشن میں 9846523 ویکسین کی خوراکیں دی گئیں۔

 اس میں   وہ  6234635 طبی ملازمین بھی شامل ہیں جن کو ویکسین کی پہلی خوراک دی جاچکی ہے۔ اور 464932 وہ طبی ملازمین بھی شامل ہیں۔ جن کو اس ویکسین کی دوسری خوراک دی جاچکی ہے۔ اس کے علاوہ3146956 وہ لوگ بھی  شامل ہیں، جن کو ویکسین کی پہلی خوراک دی گئی ہے۔جبکہ ملک گیر سطح  پر ویکسین کی مہم 16 جنوری 2021 کو شروع ہوئی تھی، تاہم پہلی خوراک حاصل کرنے والے لوگوں کے لئے  ویکسی نیشن پروگرام2 فروری 2021 سے شروع ہوا۔

 

 

آج ملک گیر سطح کی کووڈ-19 ویکسی نیشن مہم کا 34 واں دن تھا، جس میں شام 6 بجے تک مجموعی طور پر  317190 ویکسین کی خوراکیں دی گئیں۔ ان میں 221425 مستفیدین کو پہلی بار خوراک دی گئی تھی۔ جب کہ موصولہ عارضی رپورٹ کے مطابق  95765 طبی ملازمین کو ویکسین کی دوسری خوراک دی گئی۔ پورے دن کی حتمی رپورٹ آج دیر رات تک مکمل ہوپائے گی۔

 آج شام 6 بجے تک ویکسی نیشن کے 10159 سیشن منعقد کئے گئے تھے۔

 آج تمام ریاستوں/ مرکز کے زیر انتظام علاقوں میں کووڈ ویکسی نیشن کے پروگرام چلائے گئے۔

 

گیارہ (11)  ریاستوں/ مرکز کے زیر انتظام علاقوں میں اندراج شدہ طبی ملازمین کی 75 فیصد سے زیادہ تعداد کو ویکسین کی پہلی خوراک دی گئی۔ یہ ریاستیں ہیں، بہار، تریپورہ، اڈیشہ، لکشدیپ، گجرات، چھتیس گڑھ، اترا کھنڈ، مدھیہ پردیش، راجستھان، ہماچل پردیش  اور اترپردیش ۔

 

 

دوسری طرف، 7 ریاستوں/ مرکز کے زیر انتظام علاقوں میں طبی ملازمین کی 50 فیصد سے کم تعداد کو ویکسین کی پہلی خوراک دی گئی۔ یہ علاقے ہیں، لداخ، تمل ناڈو، دہلی، پنجاب، چنڈی گڑھ، ناگا لینڈ اور پڈوچیری۔

 

 

 پندرہ (15) ریاستوں میں 40 فیصد سے زیادہ صف اول کے کارکنان کو ویکسین کی پہلی خوراک دی گئی۔ ان ریاستوں میں گجرات، راجستھان، مدھیہ پردیش، اڈیشہ، دادر اور نگرحویلی، تریپورہ، اترا کھنڈ، جھارکھنڈ، لکشدیپ، ہماچل پردیش، ہریانہ، چھتیس گڑھ، جموںو کشمیر، اترپردیش اور بہار شامل ہیں۔

 

 

جن ریاستوں میں سب سے زیادہ ٹیکہ کاری کی گئی وہ اترپردیش، مہاراشٹر، بہار، جموں وکشمیر، اڈیشہ، کرناٹک، تمل ناڈو، آندھرا پردیش، مغربی بنگال اور چھتیس گڑھ ہیں۔

اب تک 40 لوگوں کو علاج کے لئے داخل اسپتال کیا گیا ہے۔ یہ تعداد کل ٹیکہ کاری کی تعداد کا 0.0004 فیصد ہے۔ اسپتال میں بھرتی کئے جانے والے40 لوگوں میں سے 24 کو علاج کے بعد گھر بھیج دیا گیا۔ جبکہ ان میں سے 13 کی موت واقع ہوگئی اور 3 فی الحال زیرعلاج ہے۔ پچھلے چوبیس گھنٹوں کے دوران 2 افراد کو اسپتال میں بھرتی کرایا گیا،جن میں سے ایک کے بدن میں رعشہ تھا۔ جسے مغربی بنگال میں پچھم مدنی پور کے ہجلی رورل ہاسپٹل میں بھرتی کرایا گیا،  اب اس کی حالت مستحکم ہے۔ دوسرے شخص کو مرض کی پیشگی روک تھام کے مقصد سے مغربی بنگال میں تارہ کیشور رورل ہاسپٹل میں بھرتی کرایا گیا  تھا اور اس کی حالت بھی مستحکم بتائی جاتی ہے۔

 آج تک مجموعی طور پر 32 اموات ریکارڈ کی گئی اور یہ کووڈ-19 کی ٹیکہ کاری کی کل تعداد کا0.0003 فیصد ہے۔ ان 32 مرنے والوں میں 3 افراد کی موت اسپتال کے اندر واقع ہوئی جبکہ19 افراد اسپتال کے باہر فوت ہوئے۔

 آج تک  ٹیکہ کاری مہم سے  متعلق  سنگین قسم کی اے ای ایف آئی/اموات کی کوئی  اطلاع نہیں ہے۔

پچھلے چوبیس گھنٹوں کے دوران تین(3) اموات کی رپورٹ ملی ہے، ایک 57 سالہ شخص جو کیرالہ کے کوچی کوڈ علاقہ کا باشندہ تھا ۔ مائیو کارڈیئل انفریکشن کے مرض میں مبتلا ہو کر فوت ہوا۔ دوسری ایک 51 سالہ خاتون تھی جو مہاراشٹر میں کولھا پور کی رہنے والی تھی، ہائپر ٹینشن اور ذیا بیطس کی مریض تھی ۔ ان دونوں کے افراد کنبہ کی خواہش کااحترام کرتے ہوئے ان کی لاشوں کا پوسٹ مارٹم نہیں کرایا گیا۔

تیسرا  فوت ہونے والا شخص  چھتیس گڑھ ، رائے پور کا ایک 34 سالہ باشندہ تھا۔جس کے سینے میں درد تھا اور جو ہسپتال پہنچنے پر مردہ قرار دے دیا گیا تھا۔یہ بھی غالباً مائیو کارڈیئل انفریکشن کا معاملہ تھا۔ اس مریض کی لاش کا پوسٹ مارٹم کرایا گیا ہے جس کے حوالے سے رپورٹ کا انتظار ہے۔

******

 

ش  ح ۔ س  ب۔ ر ض

U-NO.1726

(Release ID: 1699298) Visitor Counter : 152