অনৌ-অনৌবা মফম কয়াদা এ.এস.আই. স্কীম চাউথোরকপা অসিগা ইরোইননা ই.এস.আই. বেনিফিসরীশিংগী মশিং চাউনা হেনগৎলক্লিবা অসি য়েংলগা বেনিফিসরীশিংনা লৈরিবা মফমগী অনকপদা অমসুং অকোইবদা হেন্না ফবা মেদিকেল সর্ভিসশিং ফংহন্নবা ই.এস.আই. মেদিকেল কিয়র ইনফ্রাস্ত্রকচর মপাঙ্গল কনখৎহন্নবা লেপ্পা লৈতনা হোৎনরি।

ই.এস.আই. বেনিফিসরীশিংনা মখোয়না লৈরিবা মফমশিং অঅদুগী কি.মি. ১০গী রেদিয়সকী মনুংদা ই.এস.আই.সি.গী মেদিকেল কিয়র ইনফ্রাস্ত্রকচর মদুদি হোস্পিতাল নত্ত্রগা দিস্পেন্সরী নত্ত্রগা ইনস্যুর্দ মেদিকেল প্রেক্তিস্নর (আই.এম.পি.) লৈতবনা মরম ওইদুনা মেদিকেল সর্ভিসশিং ফংনবা হোৎনবদা থেংনরিবা অৱাবা অসি ককোকহন্নবা অসিগুম্বা ই.এস.আই. বেনিফিসরীশিংদা হৌজিক্তি ই.এস.আই. দিস্পেন্সরী নত্ত্রগা হোস্পিতাল অমদগী রিফরেল য়াওদ্রবসু মনাক নকপা ই.এস.আই.সি. এম্পেনেল্দ হোস্পিতালশিং (পান-ইন্দিয়া)দগী মেদিকেল কিয়র সর্ভিসশিং ফংলগনি।

অসিগুম্বা মফমশিংদা মেদিকেল সর্ভিসশিং ফংহনবা অসিগুম্বা মফমশিংগী ই.এস.আই. বেনিফিসরীশিংনা ই.এস.আই. ই-চেহচান কার্দ/হেল্থ পাসবুক লোইননা আধার/সরকারনা পীবা শক্তাক চে পাইদুনা ই.এস.আই. এম্পেনেল্দ হোস্পিতালদা চৎপা য়াগনি অমসুং অসিগুম্বা হোস্পিতালশিং অসিদগী হকথেংননা ও.পি.দি. সর্ভিসেসকীদমক শেং চংদবা মেদিকেল কন্সল্তেসন ফংবা য়াগনি। অসিগুম্বা বেনিফিসরীশিং অসিনা ও.পি.দি. কন্সল্তেসন তৌবদা লৈখিবা হিদাক-লাংথকশিংগী রিইমবর্সমেন্ত অদু মনাক নকপা দিস্পেন্সরী কম ব্রঞ্চ ওফিস (দি.সি.বি.ও.) নত্ত্রগা দি.সি.বি.ও. লৈতবা তারবদি ই.এস.আই.সি.গী রিজনেল ওফিসতা তৌবা য়াগনি।

করিগুম্বা ইন্দোর ত্রীৎমেন্তগী ইনবেস্তিএসন নত্ত্রগা এদমিসন মথৌ তারবদি, এম্পেনেল তৌরবা হোস্পিতাল অদুনা পুং ২৪গী মনুংদা ওনলাইন সিস্তেম অমগী খুত্থাংদা ই.এস.আই.গী অয়াবা পিরিবা ওথোরিতীদগী অয়াবা লৌগনি অমসুং বেনিফিসরীদা শেং চংদনা লায়েং ফংহনগনি। ই. এস.আই.সি. হেদক্বাতরশিংনা থোকখিবা গাইলাইনশিংগী কোপী অদু মসিদা ফংগনি website www.esic.nic.in

****