প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সৰ মাধ্যমেৰে তামিলনাডুৰ গুৰুত্বপূৰ্ণ এলানি তেল আৰু গেছ প্ৰকল্প দেশবাসীলৈ উৎসৰ্গ কৰাৰ উপৰি শিলান্যাসো কৰে। প্ৰধানমন্ত্ৰীয়ে ৰামানাথপুৰম – থুঠুকুড়ি প্ৰাকৃতিক গেছ পাইপলাইন আৰু মানালিত চেন্নাই পেট্ৰ’লিয়াম কৰ্প’ৰেশ্যন লিমিটেডৰ (চিপিচিএল) গেছোলিন ডিছালফাৰাইজেশ্যন ইউনিটটো দেশবাসীৰ উদ্দেশ্যে উৎসৰ্গা কৰিছে। তেওঁ নাগাপট্টিনমত কাবেৰী উপত্যাকা শোধনাগাৰটোৰ শিলান্যাসো কৰে। তামিলনাডুৰ ৰাজ্যপাল আৰু মুখ্যমন্ত্ৰী তথা কেন্দ্ৰীয় পেট্ৰ’লিয়াম আৰু প্ৰাকৃতিক গেছ মন্ত্ৰীও এই অনুষ্ঠানত উপস্থিত থাকে।

প্ৰধানমন্ত্ৰীয়ে এই অনুষ্ঠানত জনাইছে, ২০১৯ – ২০ চনৰ চাহিদা পূৰণৰ বাবে ভাৰতে ৮৫ শতাংশ তেল আৰু ৫৩ শতাংশ গেছ আমদানি কৰিছে। তেওঁ প্ৰশ্ন কৰে যে বৈচিত্ৰময় আৰু মেধাসম্পন্ন এখন ৰাষ্ট্ৰই কিদৰে ইন্ধনৰ বাবে আমদানি নিৰ্ভৰ হৈ থাকে? তেওঁ গুৰুত্বসহকাৰে কয়, এই বিষয়বোৰক লৈ আমি বহু পূৰ্বেই চিন্তা কৰা উচিত আছিল, আমি মধ্যবিত্তৰ ওপৰত এই সংক্ৰান্তীয় বোজা জাপি দিয়া উচিত নহয়। আৰু এতিয়া পৰিৱেশ অনুকূল আৰু স্বচ্ছ ইন্ধন নিশ্চিত কৰিবলৈ আৰু ইন্ধনৰৰ আমদানি নিৰ্ভৰতা হ্ৰাস কৰিবলৈ আমি সকলোৱে একলগে কাম কৰিব লাগিব। তেওঁ জোৰ দি কয়, “মধ্যবিত্তসকলৰ সমস্যাৰ বিষয়ে আমাৰ চৰকাৰ সংবেদনশীল।”

ভাৰতে কৃষক আৰু গ্ৰাহকসকলক সাহায্য আগবঢ়াবৰ বাবে এতিয়া ইথানলৰ ব্যৱহাৰ বৃদ্ধিৰ উদ্যোগ গ্ৰহণ কৰিছে। সৌৰশক্তিৰ ব্যৱহাৰৰ ক্ষেত্ৰত দেশক নেতৃত্ব দিবলৈ উদ্যোগীৰ সৃষ্টি হৈছে। গণ পৰিবহণৰ ব্যৱহাৰ বৃদ্ধি কৰিবলৈ উৎসাহ দিয়া হৈছে। ইয়াৰ উপৰিও এলইডি বাল্বৰ দৰে বিকল্প উৎসৰ ওপৰত জোৰ দিয়া হৈছে। ইয়াৰ ফলত মধ্যবিত্ত পৰিয়ালসমূহে বিপুল পৰিমাণৰ ধন ৰাহি কৰিব পাৰিব।

প্ৰধানমন্ত্ৰীয়ে আশ্বস্ত কৰি কয়, ইন্ধনৰ ক্ৰমবৰ্ধমান চাহিদা পূৰণ কৰিবলৈ ভাৰতে বিভিন্ন উদ্যোগ গ্ৰহণ কৰিছে। ইন্ধন ক্ষেত্ৰত আমদানিৰ নিৰ্ভৰতা হ্ৰাস কৰিবলৈ আৰু বিভিন্ন স্থানৰ পৰা আমদানি কৰাৰ ওপৰত গুৰুত্ব দিয়া হৈছে। ইয়াৰ বাবে প্ৰয়োজনীয় দক্ষতা গঢ়ি তোলা হৈছে। ২০১৯ – ২০ চনত ভাৰতে সমগ্ৰ বিশ্বৰ ভিতৰতে তেল সংশোধনৰ দক্ষতাৰ ক্ষেত্ৰত চতুৰ্থ স্থান দখল কৰিছে। প্ৰায় ৬ কোটি ৫২ লাখ পেট্ৰোপণ্য ৰপ্তানি কৰা হৈছে। যি আগন্তুক দিনবোৰত আৰু বৃদ্ধি কৰা হ’ব।

ভাৰতীয় তেল আৰু গেছ সংস্থাবোৰে ২৭ খন দেশত কাম কৰিছে। প্ৰধানমন্ত্ৰীয়ে কয়, এই সংস্থাবোৰে বিদেশত প্ৰায় ২ লাখ ৭০ হাজাৰ কোটি টকা বিনিয়োগ কৰিছে। 

এক দেশ, এক গেছ গ্ৰিডৰ প্ৰসঙ্গ উল্লেখ কৰি শ্ৰী মোদীয়ে কয়, “বিগত ৫ বছৰ ধৰি আমি তেল আৰু প্ৰাকৃতিক গেছৰ আন্তঃগাঁথনি গঢ়ি তোলাৰ বাবে চাৰে ৭ লাখ কোটি টকা ব্যয় কৰাৰ পৰিকল্পনা কৰিছে। ৪০৭ খন জিলাৰ চহৰাঞ্চলত গেছ আবন্টন ব্যৱস্থাক সম্প্ৰসাৰিত কৰাৰ বাবে গুৰুত্ব দিয়া হৈছে”।

প্ৰধানমন্ত্ৰীয়ে কয়, পহল আৰু পিএম উজ্জ্বলা যোজনাৰ দৰে উপভোক্তা অনুকূল কৰ্মসূচীবোৰ প্ৰত্যেক দেশবাসীৰ ঘৰলৈ গেছ প্ৰেৰণৰ বাবে সহায়ক হৈছে। তামিলনাডুতত ৯৫ শতাংশ এলপিজিৰ উপভোক্তা পহল প্ৰকল্পৰ সৈতে জড়িত হৈছে। ৯০ শতাংশতকৈও অধিক গ্ৰাহকে প্ৰত্যক্ষ ৰাজসাহায্য হস্তান্তৰ প্ৰক্ৰিয়াৰ সৈতে জড়িত হৈছে। তামিলনাডুত ৪২ লাখ দৰিদ্ৰ সীমাৰেখাৰ তলৰ পৰিয়ালে উজ্জ্বলা যোজনাত নতুন সংযোগ লাভ কৰিছে।

বিগত ৬ বছৰত তামিলনাডুৰ হবাবে ৫০,০০০ কোটি টকাৰ তেল আৰু গেছ সম্পদৰ ব্যয়ৰ বাবে অনুমোদন দিয়া হৈছে। ইয়াৰ উপৰিও আৰু ৪৩০০ কোটি টকাৰ প্ৰকল্প শীঘ্ৰেই হাতত লোৱা হ’ব।

****

DS/RD