ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ, ਵਿਗਿਆਨ ਅਤੇ ਤਕਨਾਲੋਜੀ ਅਤੇ ਧਰਤੀ ਵਿਗਿਆਨ ਅਤੇ ਉਪ ਪ੍ਰਧਾਨ ਸੀਐੱਸਆਈਆਰ, ਡਾ ਹਰਸ਼ ਵਰਧਨ ਨੇ ਅੱਜ ਕਿਹਾ, “ਸੀਐੱਸਆਈਆਰ - ਕੇਂਦਰੀ ਡਰੱਗ ਰਿਸਰਚ ਇੰਸਟੀਚਿਊਟ (ਸੀਡੀਆਰਆਈ) ਨੇ ਕਿਫਾਇਤੀ ਕਿਫਾਇਤੀ ਦਵਾਈਆਂ ਦੇ ਕਾਰਜ ਵਿੱਚ ਉਪਲਬਧੀ ਹਾਸਲ ਕੀਤੀ ਹੈ ਅਤੇ ਵਿਸ਼ਵ ਨੂੰ ਸੈਂਚ੍ਰੋਮੈਨ ਅਤੇ ਆਰਟੀਥੀਰ ਵਰਗੇ ਮਹੱਤਵਪੂਰਨ ਅਣੂ ਪ੍ਰਦਾਨ ਕੀਤੇ ਹਨ। ਉਹ ਅੱਜ ਨਵੀਂ ਦਿੱਲੀ ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸੀਐੱਸਆਈਆਰ-ਸੀਡੀਆਰਆਈ, ਲਖਨਊ ਦੇ 70 ਵੇਂ ਸਾਲਾਨਾ ਦਿਵਸ ਸਮਾਰੋਹ ਨੂੰ ਸੰਬੋਧਨ ਕਰ ਰਹੇ ਸਨ। ਉਨ੍ਹਾਂ ਨੇ ਕਿਹਾ ਕਿ “ਸੰਸਥਾ ਦਾ ਯੋਗਦਾਨ ਸਿਰਫ ਮਨੁੱਖਾਂ ਲਈ ਦੀਆਂ ਦਵਾਈਆਂ ਦੇ ਮਾਮਲੇ ਵਿੱਚ ਹੀ ਨਹੀਂ ਬਲਕਿ ਮਿਆਰੀ ਬੁਨਿਆਦੀ ਖੋਜ ਅਤੇ ਮਨੁੱਖੀ ਸਰੋਤ ਵਿਕਾਸ ਦੇ ਮਾਮਲੇ ਵਿੱਚ ਵੀ ਬਹੁਤ ਵੱਡਾ ਹੈ।”

ਸਕੱਤਰ ਡੀਐੱਸਆਈਆਰ ਅਤੇ ਡੀਜੀ ਸੀਐੱਸਆਈਆਰ, ਸ਼ੇਖਰ ਸੀ. ਮੰਡੇ; ਪ੍ਰੋਫੈਸਰ ਸੰਦੀਪ ਵਰਮਾ, ਸਕੱਤਰ, ਵਿਗਿਆਨ ਅਤੇ ਇੰਜੀਨੀਅਰਿੰਗ ਰਿਸਰਚ ਬੋਰਡ (ਐੱਸਈਆਰਬੀ); ਡੀਐੱਸਟੀ, ਡਾਇਰੈਕਟਰ ਸੀਐੱਸਆਈਆਰ-ਸੀਡੀਆਰਆਈ, ਪ੍ਰੋਫੈਸਰ ਤਪਸ ਕੁੰਡੂ ਅਤੇ ਹੋਰ ਪਤਵੰਤੇ ਇਸ ਪ੍ਰੋਗਰਾਮ ਵਿੱਚ ਆਨਲਾਈਨ ਸ਼ਾਮਲ ਹੋਏ।

ਇਸ ਮੌਕੇ ’ਤੇ ਇੰਸਟੀਚਿਊਟ ਦੇ ਵਿਗਿਆਨੀਆਂ ਨੂੰ ਵਧਾਈ ਦਿੰਦਿਆਂ ਡਾ: ਹਰਸ਼ ਵਰਧਨ ਨੇ ਚਾਨਣਾ ਪਾਇਆ ਕਿ ਸੀਐੱਸਆਈਆਰ-ਸੀਡੀਆਰਆਈ ਨੇ ਆਪਣੀ ਪ੍ਰਤਿਭਾਸ਼ਾਲੀ ਟੀਮ ਦੇ ਨਾਲ ਆਪਣੀ ਬਹੁਪੱਖੀ ਪਹੁੰਚ ਰਾਹੀਂ ਕੋਵਿਡ-19 ਵਿਰੁੱਧ ਲੜਾਈ ਵਿੱਚ ਹਿੱਸਾ ਪਾਇਆ ਹੈ। ਮੰਤਰੀ ਜੀ ਨੇ ਦੱਸਿਆ, “ਅੱਜ ਤੱਕ, ਭਾਰਤ ਵਿੱਚ ਟੀਕੇ ਦੀਆਂ 90 ਲੱਖ ਖੁਰਾਕਾਂ ਦਾ ਪ੍ਰਬੰਧ ਕੀਤਾ ਜਾ ਚੁੱਕਾ ਹੈ, ਅਤੇ ਅਸੀਂ 23 ਦੇਸ਼ਾਂ ਵਿੱਚ ਟੀਕਿਆਂ ਦੀ ਪੂਰਤੀ ਕਰ ਰਹੇ ਹਾਂ ਅਤੇ 40 ਦੇਸ਼ਾਂ ਨੇ ਵੈਕਸੀਨ ਦੀ ਮੰਗ ਕੀਤੀ ਹੈ।”  ਉਨ੍ਹਾਂ ਕਿਹਾ, “ਸੰਸਥਾ ਨੇ ਦੋ ਮਹੀਨਿਆਂ ਦੇ ਰਿਕਾਰਡ ਸਮੇਂ ਅੰਦਰ ਕੋਵਿਡ ਟੈਸਟਿੰਗ ਪ੍ਰਯੋਗਸ਼ਾਲਾ ਸਥਾਪਤ ਕੀਤੀ ਅਤੇ ਉੱਤਰ ਪ੍ਰਦੇਸ਼ ਰਾਜ ਦੇ ਦੋ ਜ਼ਿਲ੍ਹਿਆਂ ਤੋਂ ਜਾਂਚ ਦਾ ਪੂਰਾ ਚਾਰਜ ਸੰਭਾਲ ਲਿਆ ਹੈ। ਵਿਗਿਆਨੀਆਂ ਨੇ ਰੀਪ੍ਰਪੋਜ਼ਡ ਡਰੱਗ ਉਮੀਫਿਨੋਵੀਰ ਦੀ ਜਾਂਚ ਵੀ ਸ਼ੁਰੂ ਕੀਤੀ ਅਤੇ ਅਣੂ ’ਤੇ ਕਲੀਨਿਕਲ ਟਰਾਇਲ ਕਰਵਾਉਣ ਲਈ ਡੀਸੀਜੀ (ਆਈ) ਤੋਂ ਮਨਜ਼ੂਰੀ ਪ੍ਰਾਪਤ ਕੀਤੀ। “ਸੰਸਥਾ ਨੇ ਆਪਣੇ ਬੁਨਿਆਦੀ ਢਾਂਚੇ ਦੀ ਵਧੀਆ ਅਤੇ ਮੁਹਾਰਤ ਨਾਲ ਵਰਤੋਂ ਕਰਦਿਆਂ ਜੀਨੋਮ ਸੀਕਿਊਐਂਸਿੰਗ ਅਧਿਐਨ ਕੀਤੇ ਅਤੇ ਉੱਤਰ ਪ੍ਰਦੇਸ਼ ਤੋਂ 200 ਨਮੂਨੇ ਲਏ।”

ਮੰਤਰੀ ਜੀ ਨੇ ਅੱਗੇ ਕਿਹਾ ਕਿ ਭਾਰਤੀ ਵਿਗਿਆਨੀ ਆਤਮ ਨਿਰਭਰ ਭਾਰਤ ਅਤੇ ਨਵੇਂ ਭਾਰਤ ਦੀ ਉਸਾਰੀ ਲਈ ਪ੍ਰਧਾਨ ਮੰਤਰੀ ਦੇ ਨਜ਼ਰੀਏ ਨੂੰ ਅੱਗੇ ਲੈ ਕੇ ਜਾ ਰਹੇ ਹਨ। ਮੰਤਰੀ ਜੀ ਨੇ ਸਪੱਸ਼ਟ ਕੀਤਾ ਕਿ ਫੇਲੁਡਾ ਟੈਸਟ ਨੂੰ ਵਿਕਸਤ ਕਰਨ ਅਤੇ ਕੋਵਿਡ ਮਹਾਮਾਰੀ ਦੌਰਾਨ ਵੱਡੀ ਗਿਣਤੀ ਵਿੱਚ ਹੋਰ ਕਾਢਾਂ ਦੇ ਵਿਕਾਸ ਲਈ ਸੀਐੱਸਆਈਆਰ ਨੂੰ ਯਾਦ ਕੀਤਾ ਜਾਵੇਗਾ ਅਤੇ ਸਾਡੇ ਪ੍ਰਧਾਨ ਮੰਤਰੀ ਨੇ ਹਮੇਸ਼ਾਂ ਨਵੀਨਤਾਵਾਂ ਦੀ ਇੱਕ ਵਾਤਾਵਰਣ ਪ੍ਰਣਾਲੀ ਬਣਾਉਣ ਦੇ ਵਿਚਾਰ ਦਾ ਪੁਰਜ਼ੋਰ ਸਮਰਥਨ ਕੀਤਾ ਹੈ।  ਡਾ: ਹਰਸ਼ ਵਰਧਨ ਨੇ ਵਿਗਿਆਨੀ ਭਾਈਚਾਰੇ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀ ਖੋਜ ਰਾਹੀਂ ਆਮ ਆਦਮੀ ਨੂੰ ਲਾਭ ਪਹੁੰਚਾਉਣ ਵੱਲ ਧਿਆਨ ਦੇਣ।

ਆਪਣੀ ਸ਼ੁਰੂਆਤੀ ਟਿੱਪਣੀ ਕਰਦਿਆਂ ਡਾਇਰੈਕਟਰ ਸੀਐੱਸਆਈਆਰ-ਸੀਡੀਆਰਆਈ, ਪ੍ਰੋਫੈਸਰ ਤਪਸ ਕੁੰਡੂ ਨੇ ਰਿਪੋਰਟਿੰਗ ਸਾਲ ਵਿੱਚ ਇੰਸਟੀਚਿਊਟ ਦੀਆਂ ਪ੍ਰਾਪਤੀਆਂ ਬਾਰੇ ਜਾਣਕਾਰੀ ਦਿੱਤੀ।  ਉਨ੍ਹਾਂ ਨੇ ਚਾਨਣਾ ਪਾਇਆ ਕਿ ਨਾਪਣਯੋਗ ਕਾਰਗੁਜ਼ਾਰੀ ਦੇ ਸੰਦਰਭ ਵਿੱਚ, ਇੰਸਟੀਚਿਊਟ ਨੇ ਸਾਲ 2020 ਵਿੱਚ ਮਹੱਤਵਪੂਰਨ ਪ੍ਰਾਪਤੀਆਂ ਕੀਤੀਆਂ ਹਨ। ਆਰਜ਼ੀ ਅੰਕੜਿਆਂ ਦੇ ਅਨੁਸਾਰ, ਸੰਸਥਾ ਦੇ ਖੋਜਕਰਤਾਵਾਂ ਨੇ ਕੁੱਲ 3.66 ਪ੍ਰਭਾਵ ਦੇ ਕਾਰਕ ਨਾਲ 218 ਖੋਜ ਪੱਤਰ ਪ੍ਰਕਾਸ਼ਤ ਕੀਤੇ ਹਨ।  ਇੰਸਟੀਚਿਊਟ ਨੇ ਭਾਰਤ ਵਿੱਚ 8 ਪੇਟੈਂਟ ਦਾਖਲ ਕੀਤੇ ਹਨ ਅਤੇ ਇਸ ਨੂੰ 5 ਵਿਦੇਸ਼ੀ ਪੇਟੈਂਟ ਅਤੇ 8 ਭਾਰਤੀ ਪੇਟੈਂਟ ਦਿੱਤੇ ਗਏ ਹਨ। ਕੁੱਲ 42 ਪੀਐੱਚਡੀ ਵਿਦਵਾਨਾਂ ਨੇ ਆਪਣਾ ਥੀਸਸ ਪੇਸ਼ ਕੀਤਾ ਅਤੇ 15 ਚਾਹਵਾਨਾਂ ਨੇ ਪੋਸਟ ਗ੍ਰੈਜੂਏਟ ਸਿਖਲਾਈ ਪ੍ਰਾਪਤ ਕੀਤੀ। ਸਾਲ ਦੇ ਦੌਰਾਨ, ਇੰਸਟੀਚਿਊਟ ਨੇ ਕੁੱਲ 22 ਬਾਹਰੀ ਫੰਡ ਵਾਲੇ ਪ੍ਰੋਜੈਕਟਾਂ ਦੀ ਸ਼ੁਰੂਆਤ ਕੀਤੀ ਹੈ ਜਿਸ ਵਿੱਚ 2 ਉਦਯੋਗ ਪ੍ਰਯੋਜਿਤ ਪ੍ਰੋਜੈਕਟ ਅਤੇ 2 ਸਲਾਹ ਮਸ਼ਵਰੇ ਸ਼ਾਮਲ ਹਨ।

ਡਾ. ਹਰਸ਼ ਵਰਧਨ ਨੇ ਸਵਰਗੀ ਸ਼੍ਰੀ ਅਟਲ ਬਿਹਾਰੀ ਵਾਜਪਾਈ ਦੀ ਯਾਦ ਵਿੱਚ ਅਤੇ ‘ਵਿਗਿਆਨ’ ਅਤੇ ਸੀਐੱਸਆਈਆਰ-ਸੀਡੀਆਰਆਈ ਦੇ ਸਮਰਥਨ ਲਈ ਯਾਦਗਾਰੀ ਸਮਾਰੋਹ ਲਈ ਅਟਲ ਬਿਹਾਰੀ ਵਾਜਪਾਈ ਜੀ ਦੀ ਯਾਦ ਲਈ ‘ਅਟਲ ਨੈਸ਼ਨਲ ਕੋਲੋਕਮ ਆਨ ਹੈਲਥਕੇਅਰ ਐਂਡ ਇਨੋਵੇਸ਼ਨ’ ਦਾ ਉਦਘਾਟਨ ਕੀਤਾ। ਉਨ੍ਹਾਂ ਨੇ ਡੀਐੱਸਆਈਆਰ ਅਤੇ ਸੀਐੱਸਆਈਆਰ ਦੁਆਰਾ ਸਾਂਝੇ ਤੌਰ ’ਤੇ ਸਹਾਇਤਾ ਪ੍ਰਾਪਤ ‘ਕਾਮਨ ਰਿਸਰਚ ਐਂਡ ਟੈਕਨੋਲੋਜੀ ਡਿਵੈਲਪਮੈਂਟ ਹੱਬ (ਸੀਆਰਟੀਡੀਐਚ)’ ਦਾ ਉਦਘਾਟਨ ਵੀ ਕੀਤਾ। ਸੀਆਰਟੀਡੀਐੱਚ ਦੇ ਉਦੇਸ਼ ਹਨ:

(1) ਫਾਰਮਾਸਿਊਟੀਕਲ ਫਾਰਮੂਲੇਸ਼ਨ ਡਿਵੈਲਪਮੈਂਟ ਅਤੇ ਨੈਸ਼ਨਲ ਕਲੀਨਿਕਲ ਟ੍ਰਾਇਲ ਬੈਚ ਪ੍ਰੋਡਕਸ਼ਨ ਸਹੂਲਤ ਦੀ ਸਥਾਪਨਾ ਅਤੇ ਸੰਚਾਲਨ ਕਰਨਾ|

(2) ਜੀਐੱਲਪੀ-ਅਨੁਕੂਲ ਪ੍ਰੀ-ਕਲੀਨਿਕਲ ਅਤੇ ਕਲੀਨਿਕਲ ਬਾਇਓਨਾਲੀਸਿਸ (ਪੀਕੇ, ਬੀਏ, ਬੀਈ) ਅਤੇ ਡਰੱਗ ਟੈਸਟਿੰਗ (ਡੀਟੀਐਲ) ਲਈ ਇੱਕ ਯੂਨਿਟ ਸਥਾਪਤ ਕਰਨਾ ਅਤੇ ਚਲਾਉਣਾ। ਇਹ ਕਲੀਨਿਕਲ ਟਰਾਇਲ ਸੈਂਟਰਾਂ, ਫਾਰਮਾ ਇੰਡਸਟਰੀ, ਐੱਮਐੱਸਐੱਮਈ ਅਤੇ ਅਕਾਦਮੀਆ ਲਈ ਪੇਸ਼ਗੀ ਖੋਜ ਲਈ ਮਦਦਗਾਰ ਹੋਵੇਗਾ।

ਇਸ ਮੌਕੇ, ਡਾ. ਅਤੁੱਲ ਗੋਇਲ ਦੀ ਖੋਜ ਟੀਮ ਦੁਆਰਾ ਫਲੋਰੋਸੈਂਟ ਡਾਇਜ਼ (ਸੀਡੀਆਰਆਈ-ਕੇਡੀ 1, ਸੀਡੀਆਰਆਈ-ਕੇਡੀ1 ਏਜ਼ੈੱਡ3) ਅਤੇ ਕਿਊਐਂਚਰਜ਼ (ਸੀਡੀਆਰਆਈ-ਕੇਕਿਊ3, ਸੀਡੀਆਰਆਈ - ਕੇਕਿਊ4) ਆਰਟੀਪੀਸੀ ਆਰ ਅਧਾਰਤ ਡਾਇਗਨੌਸਟਿਕ ਕਿੱਟਾਂ ਦੇ ਵਿਕਾਸ ਲਈ ਵਿਕਸਿਤ ਕੀਤੀ ਗਈ ਨਵੀਂ ਤਕਨੀਕ ਮੈਸਰਜ਼ ਬਾਇਓਟੈਕ ਡੈਸਕ ਪ੍ਰਾਈਵੇਟ ਲਿਮਟਿਡ (ਬੀਡੀਪੀਐੱਲ), ਹੈਦਰਾਬਾਦ ਨੂੰ ਤਬਦੀਲ ਕੀਤੀ ਗਈ। ਡਾਇਰੈਕਟਰ, ਪ੍ਰੋਫੈਸਰ ਤਪਸ ਕੁਮਾਰ ਕੁੰਡੂ ਨੇ ਕਿਹਾ ਕਿ ਫਲੋਰੋਸੈਂਟ ਰੰਗਾਂ ਅਤੇ ਬੁਨਿਆਦੀ ਰੰਗਾਂ ਦੀ ਇਹ ਟੈਕਨਾਲੌਜੀ ਨਾ ਸਿਰਫ ਸਵਦੇਸ਼ੀ ਕੋਵਿਡ ਟੈਸਟਿੰਗ ਕਿੱਟ ਪੇਸ਼ ਕਰੇਗੀ ਬਲਕਿ ਇਹ ‘ਆਤਮ ਨਿਰਭਰ ਭਾਰਤ’ ਵੱਲ ਸਰਕਾਰ ਦੀਆਂ ਪਹਿਲਕਦਮੀਆਂ ਦੀ ਰਾਹ ’ਤੇ ਹੈ।

ਡਾ ਹਰਸ਼ ਵਰਧਨ ਨੇ ਇਸ ਮੌਕੇ ’ਤੇ ਸੀਐੱਸਆਈਆਰ - ਸੀਡੀਆਰਆਈ ਸਾਲਾਨਾ ਰਿਪੋਰਟ 2020-21; ਸੀਐੱਸਆਈਆਰ - ਸੀਡੀਆਰਆਈ @ 70 ਯਾਦਗਾਰ ਅਤੇ ਇੱਕ ਕਾਫੀ ਟੇਬਲ ਬੁੱਕ ਜਾਰੀ ਕੀਤੀ|

ਬਾਅਦ ਵਿੱਚ, 46 ਵਾਂ ਸਰ ਐਡਵਰਡ ਮੇਲੈਨਬੀ ਮੈਮੋਰੀਅਲ ਓਰੇਸ਼ਨ ਡਾ: ਸ਼ੇਖਰ ਸੀ. ਮੰਡੇ ਦੁਆਰਾ “ਛੂਤ ਦੀਆਂ ਬਿਮਾਰੀਆਂ ਨਾਲ ਨਜਿੱਠਣ” ’ਤੇ ਦਿੱਤਾ ਗਿਆ। ਉਨ੍ਹਾਂ ਦੇ ਭਾਸ਼ਣ ਵਿੱਚ ਨਵੇਂ ਛੂਤ ਰੋਗਾਂ ਦਾ ਮੁਕਾਬਲਾ ਕਰਨ ਲਈ ਤਰੀਕਿਆਂ ’ਤੇ ਧਿਆਨ ਦਿੱਤਾ। ਬਿਮਾਰੀ ਦੀ ਰੋਕਥਾਮ ਦੀ ਸਮੱਸਿਆ ਦੀ ਗੁੰਝਲਤਾ ਦਾ ਬਿਹਤਰ ਹੱਲ ਕੀਤਾ ਜਾ ਸਕਦਾ ਹੈ ਜੇ ਅਸੀਂ ਰਵਾਇਤੀ ਬਾਇਓਮੈਡੀਕਲ ਖੋਜ ਨਾਲ ਜੀਵ ਵਿਕਾਸ ਜੋੜ ਸਕਦੇ ਹਾਂ, ਉਨ੍ਹਾਂ ਨੇ ਕਿਹਾ।

ਇਸ ਮੌਕੇ ਡਰੱਗ ਰਿਸਰਚ ਲਈ ਐਕਸੀਲੈਂਸ ਲਈ ਸੀਡੀਆਰਆਈ ਐਵਾਰਡਜ਼ -2021 ਦਾ ਐਲਾਨ ਵੀ ਕੀਤਾ ਗਿਆ। ਇਹ ਪੁਰਸਕਾਰ ਇਸ ਸਾਲ ਸਤੰਬਰ ਵਿੱਚ ਸੀਐੱਸਆਈਆਰ ਦੇ ਸਥਾਪਨਾ ਦਿਵਸ ’ਤੇ ਦਿੱਤੇ ਜਾਣਗੇ। ਕੈਮੀਕਲ ਸਾਇੰਸਜ਼ ਸ਼੍ਰੇਣੀ ਵਿੱਚ ਐਕਸੀਲੈਂਸ ਇਨ ਡਰੱਗ ਰਿਸਰਚ ਲਈ ਸੀਡੀਆਰਆਈ ਐਵਾਰਡ 2021 ਐਵਾਰਡ, ਭੋਪਾਲ ਦੇ ਐਸੋਸੀਏਟ ਪ੍ਰੋਫੈਸਰ, ਡਾ. ਵਿਸ਼ਾਲ ਰਾਏ ਨੂੰ ਦਿੱਤਾ ਗਿਆ ਹੈ। ਲਾਈਫ ਸਾਇੰਸਜ਼ ਸ਼੍ਰੇਣੀ ਵਿੱਚ, ਡਾ ਸਿੱਧੇਸ਼ ਸ਼ਸ਼ੀਕਾਂਤ ਕਾਮਤ, ਐਸੋਸੀਏਟ ਪ੍ਰੋਫੈਸਰ, ਆਈਆਈਐੱਸਆਈਆਰ, ਪੂਨੇ ਅਤੇ ਡਾ. ਚੰਦਰਿਮਾ ਦਾਸ, ਸਹਿਯੋਗੀ ਪ੍ਰੋਫੈਸਰ, ਸਾਹਾ ਇੰਸਟੀਚਿਊਟ ਆਫ ਨਿਊਕਲੀਅਰ ਫ਼ਿਜ਼ਿਕਸ, ਕੋਲਕਾਤਾ ਨੂੰ ਸੀਡੀਆਰਆਈ ਐਵਾਰਡ-2021 ਲਈ ਚੁਣਿਆ ਗਿਆ ਹੈ। ਸਭ ਤੋਂ ਵਧੀਆ ਟੈਕਨੋਲੋਜੀ, ਪੇਟੈਂਟਸ ਐਂਡ ਪਬਲੀਕੇਸ਼ਨਜ਼ ਅਤੇ ਅਕਾਦਮਿਕ ਕਰੀਅਰ ਅਚੀਵਮੈਂਟ ਐਵਾਰਡਜ਼ -2021 ਸਾਲਾਨਾ ਉਤਸ਼ਾਹ ਪੁਰਸਕਾਰ ਦੇਣ ਦਾ ਐਲਾਨ ਵੀ ਕੀਤਾ ਗਿਆ।

*****

ਐੱਨਬੀ/ ਕੇਜੀਐੱਸ/ ( ਸੀਐੱਸਆਈਆਰ - ਸੀਡੀਆਰਆਈ ਇਨਪੁਟਸ)