হেল্থকিয়র অমসুং ফ্রন্তলাইন ৱার্করশিংদা কাপখিবা কোবিদ-১৯ বেক্সিন দোজশিংগী অপুনবা মশিং অসি ঙসি লাখ ৯২গী ময়া য়ৌখ্রে।

প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ১,৯৮,৩৫২গী খুত্থাংদা বেক্সিন দোজ ৯১,৮৬,৭৫৭ কাপখ্রে।

মসিদা অহানবা দোজ কাপখিবা ঐচ.সি.দবল্যু. ৬১,৭৯,৬৬৯ অমসুং অনিশুবা দোজ কাপখিবা ঐচ.সি.দবল্যু. ৩,৪২,১১৬ লোইননা এফ.এল.দবল্যু ২৬,৬৪,৯৭২ (অহানবা দোজ) য়াওখি। অমরোমদনা ২০২১গী জনুৱারী ১৬তা লৈবাক শিনবা থুংনা বেক্সিনেসন দ্রাইভ রোল আউৎ তৌখি, এফ.এল.দবল্যু.গী বেক্সিনেসন্না ২০২১গী ফেব্রুৱারী ২দগী হৌখি।

লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী কুনথ্রা-হুমদোইশুবা নুমিৎ অসিগী নুমিদাং পুং ৬ ফাওবা পুন্না বেক্সিন দোজ ১,৮৭,৫২৭ কাপখ্রে। প্রোবিজনেল রিপোর্তকী মতুং ইন্না, মসিগী মনুংদা বেনিফিসরী ১,২১,৭৮৮ অহানবা দোজ কাপখ্রে অমসুং ঐচ.সি.দবল্যু. ৬৫,৭৩৯দা অনিশুবা দোজ কাপখ্রে। অরোইবা রিপোর্ত ঙসি নুমিদাং অথেংবদা মপুং ফংগনি।

ঙসিগী নুমিদাং পুং ৬ ফাওবা সেসন ৬,৯৭৯ পাঙথোকখ্রে। 

ঙসি কোবিদ বেক্সিনেসন অসি রাজ্য/য়ু.তি. ৩৩দা পাঙথোকখ্রে।

রাজ্য/য়ু.তি. মাপনদা রেজিস্তর তৌখিবা ঐচ.সি.দবল্যু.শিংগী ৭৫%দগী হেন্না অহানবা দোজকী বেক্সিন কাপখ্রে। মখোয় অদুদি –বিহার, ত্রিপুরা, ওরিশা, লক্ষদীপ, গুজরাত, ছত্তিসগর, মধ্য প্রদেশ, উত্তরাখন্দ, হিমাচল প্রদেশনি।

রাজ্য/য়ু.তি. নিপানদা রেজিস্তর তৌখিবা ঐচ.সি.দবল্যু.শিংগী ৫০%দগী তানা অহানবা দোজ কাপখ্রে। মখোয় অদুদি মেঘালয়, লদাখ, তামিল নাদু, দিল্লী, পঞ্জাব, নাগালেন্দ, চান্দিগর অমসুং পুদুচেরীনি।

রাজ্য/য়ু.তি. তরানিথোইদা রেজিস্তর তৌখিবা এফ.এল.দবল্যু.শিংগী ৪০%দগী তানা অহানবা দোজ কাপখ্রে। মখোয় অদুদি মধ্য প্রদেশ, ওরিশা, গুজরাত, ত্রিপুরা, রাজস্থান, উত্তরাখন্দ, লক্ষদীপ, হিলাচল প্রদেশ, ঝার্খন্দ, হরিয়ানা, চত্তিসগর অমসুং বিহারনি।

বেক্সিন কাপখিবা বেনিফিসরীশিংগী মশিং খ্বাইদগী ৱাংনা রিপোর্ত তৌরকখিবা রাজ্য ১০ অদুদি কর্নাতকা, মহারাস্ত্র, তামিল নাদু, রাজস্থান, অন্ধ্র প্রদেশ, ৱেস্ত বেঙ্গল, মধ্য প্রদেশ, চত্তিসগর, ঝার্খন্দ অমসুং অসামনি।

হৌজিক ফাওবদা পুন্না মীওই ৩৭ হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। হোস্পিতালদা পুখৎলকখিবা কেস ৩৭গী মনুংদা ২৩ লায়েং চত্থরবা মতুং দিসচার্জ তৌখ্রে অমরোমদা মীওই ১২ লৈখিখ্রে অমসুং ২না লায়েং চত্থরি। হৌখিবা পুং ২৪দা হোসপিতালদা নৌনা পুখৎলকখিবগী রিপোর্ত লৈতে।

ঙসি ফাওবদা পুন্না লৈখিদবা ২৯ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৩% ওইরি। মীওই ২৯ অসিগী মনুংদা মীওই ১২ হোস্পিতালদা লৈখিদবা ওইখি অমরোমদা লৈখিদবা ১৭না হোস্পিতালদা লৈখিদা নত্তে হায়না রেকোর্দ তৌখ্রে।

হৌখিবা পুং ২৪গী মনুংদা উত্তরাখন্দগী রিশিকেশতগী চহি ২৪ শুরবা নুপা অমা বেক্সিন কাপ্লবা মতুং নুমিৎ ১২ লৈরগা লৈখিদ্রে। মহাক অসি ভাইরেল এন্সেফলাইতিস (হর্পিস সিমপ্লেক্স)না নাবা মীওইনি।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./লৈখিদবগী কেস অমত্তা লৈতে।

****