হকশেল ওফ য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না হেল্থ অমসুং ৱেলবিংদা অহেনবা মীৎয়েং চংবা অমসুং মখোয়বু কেন্দ্রগী বজেৎতা খ্বাইদগী লুম্না লৌবা অসি “বিজনরী” অমসুং রিভোলুসনরী” ওই হায়না ফোঙদোকখ্রে।

হকশেল মন্ত্রীনা হায় “২০২১-২২গী কেন্দ্রগী বজেৎ অসি ‘অচৌবা বজেৎ’ অমনি অমসুং ‘হেল্থ বজেৎ’ অমনি মসিদা হেল্থ অমসুং ৱেলনেস সেক্তরদা তৌবা এল্লোকেসন চাউনা হেনগৎখি। অহৌবা মক্তদা বজেৎ অসিনা হেল্থ অমসুং ৱেলবিং অসিবু মরু ওইবা য়ুম্বী তরুক্তা খ্বাইদগী মরু ওইবনি হায়না মশক খঙখি।”

“২০২১গী কেন্দ্রগী বজেৎনা ৱেলনেসকী হোলিস্তিক সেক্তরগা লোইননা হেল্থ অসি চাউখৎ থৌরাংদা খ্বাইদগী মরু ওই হিরম অমনি হায়না ময়েক লানা থমখি। মসিনা সরকার কান্না হোৎনরিবা অমসুং হোলিস্তিক ওইবা হেল্থ অমসুং ৱেলবিংগী মঙলানগীদমক হোৎনরিবা অসি ময়েক শেংনসু উৎখি”, হায়না মহাক্না মখা তাখ্রে।

হৌখিবা চহি (বি.ই. ২০২০-২১)দা লুপা করোর ৯৪,৪৫২ ওইরম্বদগী হেল্থ সেক্তরগী অপুনবা এল্লোকেসন অসি লুপা করোর ২,২৩,৮৪৬তা হেনগৎখ্রে হায়না মহাক্না ফোঙদোকখ্রে।

হেল্থ অমসুং ৱেলবিংগীদমক বজেৎ এল্লোকেসনদা চাউনা হেনগৎপনা বজরতরী এল্লোকেসন্দা অমসুং হেল্থ সেক্তরদা এক্সপেন্দিচরদা লেপ্পা লৈতনা হেনগৎলক্লিবা মওং অসি তাক্লি, হায়না দা. হর্শ বর্ধন্না ফোঙদোকখ্রে। ঐখোয়না মীৎয়েং শান্নবা উবা ঙম্বা প্রধান মন্ত্রী শ্রী নরেন্দ্র মোদী জীনা হৌখিবা চহি তরুক্কী মনুংদা হৌদোকখিবা মখল কয়াগী মীয়ামগী য়াইফনবা থৌরাংশিং অসিনা হোলিস্তিক হেল্থ অমসুং ৱেলনেসকীদমক সরকারনা মঙলান শাগৎচবা ঙমহনখি।

“লৈবাক অমা হেক্তগী মপাঙ্গল কনবা হেল্থ সিস্তেমশিং অসি চপ মান্ননা মপাঙ্গল কনবা দিজিজ দিতেক্সন অমসুং সর্ভিলেন্সনা মতেং পাংবা প্রাইমরী, সেকেন্দরী অমসুং তর্সিয়রী তায়রশিংগী মপাঙ্গল কনবা হেল্থ ইনফ্রাস্ত্রকচরদা শেমখি মসিদা পোলিসীশিং অমসুং খোঙথাংশিং পাইখৎনবা মালেমগী থাক্কী কত্তিং এদজ রিসর্চতগী ফংলকপা ইভিদেন্স পীনবা আর এন্দ দি ইন্সতিত্যুসনশিংগা লোইননা মপাং ওইখি”, হায়না দা. হর্শ বর্ধন্না ফোঙদোকখ্রে।

চহি ৬ অসিদা লুপা করোর ৬৪,১৮০গী আউৎলে অমগা লোইননা নৌনা লাউথোকখিবা সেন্ত্রেলী স্পোন্সর স্কীম পি.এম. আত্মানির্ভর স্বাস্থ ভারত য়োজনা অসিনা প্রাইমরী, সেকেন্দরী অমসুং তর্সিয়রী কিয়রগী কেপাসিতীশিং ফগৎহনগনি, দেলিবরী হেল্থ কিয়র স্তিস্তেমশিং মপাঙ্গল কনখৎহল্লগনি, অনৌবা অমসুং থোরক্লিবা লাইনাশিং অসি খঙদোক্নবা অমসুং লায়েংনবা ইন্সতিত্যুসনশিং শেমগৎলগনি অমসুং লৈরিবা নেস্নেল হেল্থ মিসন মপাঙ্গল কনখৎহল্লগনি হায়না মহাক্না ফোঙদোকখ্রে। “স্কীম অসিনা রুরেলগী ১৭০০০ অমসুং অর্বানগী ১১০০০ হেল্থ এন্দ ৱেলনেস সেন্তরশিং অসি মপাঙ্গল কনখৎহল্লগনি, রাজ্য ১১দা জিলা পুম্নমক্তা অমসুং ব্লোক ৩,৩৮২গী পব্লিক হেল্থ য়ুনিৎশিংদা ইন্তিগ্রেতেদ পব্লিক হেল্থ লেবশিং লিংখৎলগনি, জিলা ৬০২দা ক্রিতিকেল কিয়র হোস্পিতাল ব্লোকশিং অমসুং সেন্ত্রেল ইন্সতিত্যুসন ১২ লিংখৎলগনি”, হায়না কেন্দ্রগী হকশেল মন্ত্রীনা ফোঙদোরকখ্রে।

দা. হর্শ বর্ধন্না ভারতনা মতম শাংনা মালেমগী লাইচৎ অসিগা লান্থেংনখিবা অমসুং পব্লিক হেল্থ ইন্সতিত্যুসনশিং, হেল্থ কিয়র ৱার্করশিং, ফ্রন্ত লাইন ৱার্করশিং, জর্নেলিস্তশিং অমসুং অতোপ্পা স্তেকহোল্দর পুম্নমক্না লৌখিবা মরু ওইবা থৌদাং অদুবু নীংশিংখ্রে। মহাক্না হায়, “চহি অসিগী বজেৎ অসি কোবিদ১৯না থোকহনবা গ্লোবেল পব্লিক হেল্থ ক্রাইসিস অসিদা য়ুম্ফম ওইরগা শেমহনখি”।

প্রধান মন্ত্রী আত্মানির্ভর স্বাস্থ্ ভারত য়োজনানা ভারতকী পব্লিক হেল্থ ইনফ্রাস্ত্রকচরদা চাউনা কান্নবা পীরগনি – নেস্নেল সেন্তর ফোর দিজিজ কন্ত্রোলগী হৌজিক রিজনেল ব্রাঞ্চ ৫ অমসুং মেত্রোপোলিতেন হেল্থ সর্ভিলেন্স য়ুনিৎ ২০ লৈরগনি। পব্লিক হেল্থ লেব পুম্নমক কন্নেক্ত তৌনবা রাজ্য/য়ু.তি. পুম্নমক্তা ইন্তিগ্রেতেদ হেল্থ ইনফোর্মেসন পোর্তেল চাউথোকহল্লকপগা লোইননা অনৌবা পব্লিক হেল্থ য়ুনিৎ ১৭ মথৌ তৌরগনি অমসুং এয়রপোর্ত ৩২, সীপোর্ত ১১ অমসুং লেন্দ ক্রোসিং ৭, পোইন্ত ওফ এন্ত্রীশিংদা লৈরিবা পব্লিক হেল্থ য়ুনিৎ ৩৩ অসি মপাঙ্গল কনখৎহল্লগনি।  স্কীম অসিনা হেল্থ ইমর্জেন্সী ওপরেসন সেন্তর ১৫ অমসুং মোবাইল হোস্পিতাল অনি; দবল্যু.ঐছ.ও. সাউৎ ইস্ত এসিয়া রিজনেল ওফিসকী হেল্থ রিজনেল রিসর্চ প্লেৎফোর্ম ১গী নেস্নেল ইন্সতিত্যুসন অমা; অমসুং বাইওসেফতী লেবেল-III লেবোরেতরী ৯ অমসুং রিজনেল নেস্নেল ইন্সতিত্যুতস ফোর ভাইরোলোজী ৪ লিংখৎপদা মতেংসু পাংগনি।

কেন্দ্রগী বজেৎ ২০২১-২২ খক্তা নত্তনা সরকার অসিনা লেপ্পা লৈতনা ফন্দশিং এল্লোকেসন তৌবগী খুত্থাংদা হৌখিবা চহি চুপ্পা কোবিদ১৯গী মায়োক্তা লান্থেংনবা অসি মপাঙ্গল কনখৎহন্নবা হোৎনখি হায়না হকশেল মন্ত্রীনা ফোঙদোকখ্রে।

দা. হর্শ বর্ধন্না হায় ভারতনা আত্মানির্ভর ওইনবগী লালোং অদু কোবিদ১৯গী রেস্পোন্স অমসুং মদুগী মেনেজমেন্তদা উবা ফংখি।

“ঙসি ফাওবদা ভারতনা তেস্ত করোর ২০.৬৭ তৌখ্রে। ঐখোয়না তেস্ত তৌবগী কেপাসিতী অসি নোংমদা মিলিয়ন অমা হেন্না হেনখি। কোবিদ১৯না নাবা করোর ১.০৯ অসিগী মনুংদা মীওই করোর ১.০৬ নাবা ফগৎখ্রে। ভারত অসি হৌজিক্তি কোবিদ-১৯ দাইগ্নোস্তিক কম্মোদিতীশিং শাবদা মরোমদোম লেপচবা ঙম্লে, মসিনা মশিং য়াম্না এক্সপোর্ত তৌবসু ঙমহল্লি”, হায়না মহাক্না ফোঙদোকখ্রে।

কোবিদ১৯গী ত্রেজেক্তরীগী মতাংদা ৱা ঙাংলদুনা দা. হর্শ বর্ধন্না কোবিদকী পেরামিতরশিংদা খুমাং চাউশিনখিবা অদু পাউদমখ্রে। মহাক্না হায়, “ঐখোয়গী কোবিদকী পেরামিতরশিং অসিদা চাউনা হন্থরবসু মসিনা মীয়ামগী ৱাখলদা মাস্কশিং উপ্পা অমদি ফিজিকেল দিস্তেন্সিং থম্বা হৌজিক্তি মথৌ তাদ্রে হায়না লান্না খলহনবা য়াদে। হৌজিকমকসু সোসিএল বেক্সিন অসি অশেংবা বেক্সিনগা চপ মান্না মরু ওই।”

"ঐখোয়না য়ামদ্রবদা বেক্সিন ১৮দগী ২০ ফাওবা পুথোক্নবা তৌরি, হায়রিবশিং অসি হৌজিক্কী ওইনা তোঙান তোঙানবা তাঙ্কক্তা লৈরি, খরা অমনা প্রি-ক্লিনিকেল ত্রাইএল স্তেজতা লৈ, খরনা ক্লিনিকেল ত্রাইএল স্তেজ, খরনা ফেস-I, অমসুং মখোয় খরনা ফেস-II, খরনা ফেস-IIIগী স্তেজতা লৈরি অমসুং মথংগী লাক্কদৌরিবা থা খরা অসিদা পব্লিক্না শিজিন্নবা য়ারগনি। ভারতনা লৈবাক কয়াদা বেক্সিনশিং এক্সপোর্ত তৌরি। ঐখোয়না লৈবাক ১৫০ হেনবদা হাইদ্রোক্সীক্লোরোক্যুন এক্সপোর্ত তৌখি", হায়না দা. হর্শ বর্ধন্না ফোঙদোকখ্রে।

দা, হর্শ বর্ধন্না হায় ভারতনা কোবিদ১৯গী বেক্সিনগী মতাংদা মালেমগী লুচিংবা অমা ওইনা খোঙফম চেৎনা লেপখ্রে। লুপা করোর ৩৫,০০০গী বজেৎ হেনগৎপা অসিগা লোইননা লৈবাক অসিগী কোবিদকী লাঞ্জং অসি মপাঙ্গল কনখৎহনখ্রে। “ভারতকী লুচিংবা অমা ওইবগী থৌদাং অসি মাগী প্রদক্সন কেপাসিতী অমসুং বেক্সিনেসনগী খোঙজেল অসিদা উবা ফংলে। ঐখোয়না হৌজিক ফাওবদা বেনিফিসরী লাখ ৮২ হেন্না বেক্সিন কাপখ্রে”, হায়না মহাক্না ফোঙদোকখ্রে।

অচৌবা বজেৎকী মতেং, ইন্নোবেতিব স্কীমশিং, মপাঙ্গল কনখৎহল্লবা হেল্থ রিসর্চ অমসুং হেল্থকিয়র দেলিবরীগী সিস্তেমশিং অসিগা লোইননা কেন্দ্রগী মন্ত্রীনা ভারত অসি পব্লিক হেল্থ সেত্তিংদা মালেমগী লুচিংবা অমা ওইরক্নবা অমদ অতোপ্পা লৈবাকশিংনা ফীদমনিংঙাই ওইবা খুদমশিং থম্নবা আশা তৌখ্রে।

******