তুংগী রেলৱে সিস্তেমগী ওইবা ইনফ্রাস্ত্রকচর শাগৎপা অসিদা কর্নাতকাগী সরকারগী ইকাই খুম্নরবা মুখ্য মন্ত্রী শ্রী বি.এস. য়েদিয়ুরাপ্পা অমসুং ভারত সরকারগী ইকাই খুম্নরবা রেলৱেজ, কম্মর্স অমসুং ইন্দস্ত্রী অমসুং কঞ্জুম্মর এফিয়রস, ফুদ অমসুং পব্লিক দিস্ত্রীব্যুসনগী য়ুনিয়ন মিনিস্তর শ্রী পিয়ুশ গোয়ালনা খা নোংচুপ থংবা সেক্সন অহুম রোদ ওভর ব্রীদজ (আর.ও.বি.) শিবমোগ্গাগী ক্রোসিং গেত্তা (এল.সি.-৩৪,৪৯,৫২)দা অনি অমসুং মাইশুর দিবিজন মনুংগী ভাদ্রাবতিদা অমা শান্নবা উরেপ উয়ুং তমখ্রে। শ্রী গোয়ালনা ভিদিও কনফরেন্সতা অমদি অতৈ দিগ্নতরিশিংনা শিবমোগ্গাগী থৌরম মপমদা লৈদুনা উরেপ উয়ুং তমখি।

থৌরম অসিদা ৱা ঙাংলদুনা, কর্নাতকাগী সরকারগী মুখ্য মন্ত্রী শ্রী বি.এস. য়েদিয়ুরাপ্পানা ইকাই খুম্নরবা য়ুনিয়ন মিনিস্তর শ্রী পিয়ুশ গোয়ালবু মসিগী লৌখৎলিবা খোঙথাং অমসুং কর্নাতকাদা স্তেত সরকার অসিগী মখল কয়াগী রেল প্রোজেক্ত পায়খৎপদা লেপ্পা লৈতনা মতেং পীবা অসিদা থাগৎপা ফোংদোকখি।

থৌরম অসিদা ৱা ঙাংলদুনা, শ্রী পিয়ুশ গোয়ালনা হায় মদুদি, “ঙসি রোদ ওভর ব্রীদজ অহুমগী উরেপ উয়ুং তম্বা অসিদা ঐহাক্না য়াম্না হরাওজৈ। ঐহাক্না থাজৈ মদুদি থবক অসি য়াম্না থুনা লোইশিনগনি। প্রোজেক্ত অসিনা শিবমোগ্গাগী মীয়ামগীদমক কান্নবা পীগনি। মসিনা ব্যুজিনেস তৌবদা লায়থোকহল্লগনি অমসুং মীয়ামগী পুন্সি মহিং হেন্না খুদোংচাবা ফংলগনি। মসিনা মতম কল্লগনি অমসুং হেন্না শাফরগনি। শিবমোগ্গা অসিদা পায়খৎলিবা থবকশিং অসিনা লমকোইবশিং লাকপদা হেন্না খুদোং চারগনি। মসিদা ইন্দিয়াগী খ্বায়দগী ৱাংবা অমসুং এসিয়াদা অনিশুবা ঈশিংচাইবি লৈরি। শিবমোগ্গা-শিকারিপুরা-রানিবেন্নরগী অনৌবা কিলোমিতর ১০৩ শাংবা লাইন অসিনা খোঙজেল হেন্না য়াংখৎলগনি।  বেঙ্গালুরুগী জন শতাব্দী অমসুং তিরুপতি অমসুং চেন্নাইদগী এক্সপ্রেস ত্রেনশিংনা শিবমোগ্গাদা হান্ননা থবক হৌখ্রে”। 

ক্রোসিং অসিগী থাকশিং অসি লৌথোকখিবা অসিনা থবকশিং অসি মশক থোক্না কান্নবা ফংলগনি। রেলৱেনা হান্ননা নেস্নেল রেলগী থৌরাং অসি ২০৩০ ফাওবদা তুংগী ওইবা সিস্তেম অমা লাওথোকখ্রে।

ক্রোসিং গেৎ অহুমদা আর.ও.বি. শাগৎলিবা অসিনা লম্বীগী ত্রাফিক্তা অকাইবা লৈররোই অমসুং শিবমোগ্গা অমসুং ভাদ্রাবতিগী লম্বীদা চিল্লম্বা কয়া অমা কোম্লগনি।

মসিগী মরুওইবা প্রোজেক্ত অসি চাওরাক্না লুপা করোর ১১৫ চংনা শাগদবনি। থবক অসিগী কন্ত্রেক্ত পীখ্রে।

***