চাউখৎ-থৌরাংগী প্রোজেকশিং খন্ননবা শক্নাইরবা ফিল্ম এক্তর অমসুং গুরদাসপুরগী বি.জে.পি এম.পি, সনি দিওলনা য়ুনিয়ন মিনিস্তর দোক্তর জিতেন্দ্র সিংহ উনখ্রে। দোক্তর জিতেন্দ্র সিংহনা মহুৎশীল্লিবা উধামপুর-কাথুৱা-দোদা লোক সভা কেন্দ্রশিং অমসুং সন্নি দিওলগী কেন্দ্র গুরদাসপুরগী শরুক অমা ওইরিবা কাথাউৱা অমসুং পাথানকোদ জিলাশিংগী লমশিংদা রবি তুরেলগী মথক্তা শাগৎলিবা সাহপুর কান্দি দাম প্রোজেক্কী মতাংদা মখোয় অনি ৱা খন্নখি।  

সাহপুর কান্দি দাম প্রোজেক অসি চহি ৪০ হেন্না পন্দুনা লাক্লবনি অমসুং প্রধান মন্ত্রী শ্রী নরেন্দ্র মোদীনা হকথেংন্না য়েংশিনবদগী মহাক্কী জম্মু খোঙচৎতা প্রোজেক অসি হিঙ্গৎনবা লাউথোকখি। প্রোজেক অসি নেসনেল প্রোজেক ওইনা লাউথোকখি অমসুং ২০২২দা লোইশিন্নবা পান্দম থম্লি অমসুং ইন্দস-ৱাতর ত্রিতি,১৯৬০গী মখাদা রবি তুরেলদগী ভারতনা ঈশিং শীজিন্নবা য়াই অমসুং  তুরেল অসি পাকিস্থান্দা চেনখ্রবসু ভারতনা রবি তুরেলগী ঈশিং শীজিন্নবা য়াগনি।

২০১৪দগী দোক্তর জিতেন্দ্রনা লমদম অসিগী এম.পি অমা ওইনা খল্লকপদগী প্রোজেক অসি অমুক থবক হৌনবা মহাক্না হোৎনখি। প্রোজেক অসি চহি কয়াগী মমাঙদগী থৌরাং তৌখ্রবসু, পঞ্জাব অমসুং মতম অদুগী জম্মু অমসুং কাস্মরি রাজ্যগী মরক্তা য়ানবা পুরক্তবদগী মসি থবক ওইনা পায়খৎপা ঙমখিদে। অদুবু প্রধান মন্ত্রী নরেন্দ্র মোদীনা খঙহনবদগী অনৌবা য়ানচে অমা শেমখি অমসুং ২০১৮দা প্রোজেক অসি অমুক হিঙ্গৎহনখি।

দোক্তর জিতেন্দ্র সিংহনা হায়খি ইন্দস ৱাতর ত্রিতি,১৯৬০গী মখাদা নোংপোকলোমদা চেল্লিবা তুরেল অহুম হায়বদি রবি, বিয়স অমসুং সতলেজগী ঈশিং শীজিন্নবগী ভারতকী হক মপুংফানা লৈ,অদুবু মমাঙগী সরকারশিংনা থওইদবদগী ভারতকী ঈশিং শরুক পাকিস্থানদা চেনখিবনি। প্রোজেক অসি হেক লোইবগা মসিনা জম্মু অমসুং কাস্মির অমসুং পঞ্জাবকী ঙমখৈগী শরুকশিংদা লৈরিবা লৌমীশিংদা ইথৈ ফংহনগনি।

দিওলগী কেন্দ্রগী মনুং চন্না লৈরিবা প্রোজেক্কী মরুওইবা শেমগৎ-শাগৎলিবা মফমশিংদা দোক্তর জিতেন্দ্রগা লোয়ন্না পুন্না চৎমিন্ননবা সনি দিওলনা ফোঙদোকখি।

লোক সভা কেন্দ্র অনিগী মনুং চনবা কাথুৱা অমসুং পাথানকোত জিলাশিংগী মরুওইবা চাউখৎ-থৌরাংগী থবকশিংগী মতাংদা উনবা অদুদা সনি দিওলগা ৱা খন্নখি। বার্দ ফ্লু লাকপদগী চেকশিন-থৌরাং ওইনা চৎন-কাংলোনশিং পীরকপদগী জম্মু অমসুং কাস্মির অমসুং পঞ্জাবকী ঙমখৈদা থম্লিবা অথিংবশিংগী মতাংদসু মহাক্না খন্নখি। য়ুম্লোন্নরিবা জিলা অনি অসিগী খুদোংচাদবশিং কোকহন্নবা লৈঙাকপশিংগা লোয়ন্না অপুনবা মীফম অমা পাংথোকপা হায়না লুচিংবা অনিনা য়ানখি।

*****

(Release ID: 1697839)