লৌ উবা মতমদা শেল য়াম্না চংহন্দনা অমসুং ভারতকী খুঙ্গংশিং অসিদা থবক্কী খুদোংচাবশিং ফংহন্দুনা লৌমীশিং অসিগী ইনকম হেনগৎননবগীদমক সরকার অসিনা য়াম্না কন্না হোৎনরি হায়না রোদ ত্রান্সপোর্ত অমসুং হাইৱেজকী কেন্দ্রগী মন্ত্রী শ্রী নিতিন গদকরিনা ফোংদোকখ্রে৷ ঙসি মফম অসিদা কেন্দ্রগী মন্ত্রীশিং শ্রী দমেন্দ্র প্রধান, শ্রী পর্শোত্তম রুপালা অমসুং জেনেরেল (রিতাইয়র্দ) দা. ভি.কে. সিংহ য়াওনা শরুক য়াদুনা ইন্দিয়াগী ইহান হানবা দিজল ত্রেক্তর সি.এন.জি. ত্রেক্তরদা ওন্থোকখিবা অদু লোঞ্চ তৌখিবা অসিনা লৌমীশিং অসিগী থাউগী মমল খক্তদা চংলিবা য়াম্লবা শেনফম অদুগী মমলদা চহী অমদা লুপা লাখ অমা হেন্না কনবা ঙম্লগনি অমসুং মসিনা লৌমীশিং অসিগী পুন্সি মহিং অসি হেন্না য়াইফহন্দুনা লৌমীশিং অসিদা চাওনা কান্নবা পীরগনি হায়না শ্রী গদকরিনা ফোংদোকখ্রে৷

সি.এন.জি. অসি কার্বোন অমসুং অতোপ্পা পোলুতেন্তশিং চাং য়াম্না নেম্না থাদোরকপনা মরম ওইরগা ক্লিন ওইবা ফ্যুল অমনি হায়না মন্ত্রী অসিনা ফোংদোকখ্রে৷ মসিদা লিদ অমতা য়াওদবা অমসুং নন-কোরোসিব ওইবা অসিনা ইকোনোমিকেল ওইহল্লি, নন-দাইলুতেদ অমসুং নন-কন্তামিনেসন অসিনা ইঞ্জিনগী মপাঙ্গল অমসুং মপুন্সি হেনগৎহনবদা মতেং পাংই অমসুং মসিদা চাং নাইনা মেন্তিনেন্স তৌবগী চাংসু হন্থহল্লি৷ সি.এন.জি.গী মমল অসি পেত্রোলগী মমলদগী কা হেন্না নেম্মী;  পেত্রোল/দিজলনা থৌবা গারিশিং অসিগী মাইলেজ অসিদগী সি.এন.জি.না থৌবা গারিশিংগী মাইলেজনা হেন্না ফৈ৷ সি.এন.জি. তেঙ্কশিং অসি তাইত সিল তৌরগা লাকপনা শিজিন্নবদা হেন্না শাফহন্দুনা থাউ হানবা নত্রগা থাফ য়ুবা মতমদা পোখায়বা য়াবগী চাং অদু য়াম্না নেমহল্লি৷ বাইয়ো-সি.এন.জি. অসি পুথোকপদা স্তেবল(পরালি) অসি রো মেতরিয়েল অমা ওইনা শিজিন্নবা য়াবা অসিনা লৌমীশিংনা অহেনবা শেলশিং তানবদা মতেং পাংলগনি হায়না শ্রী গদকরিনা ফোংদোকখ্রে৷ ভারততা করম্বা মতমদা সি.এন.জি. ত্রেক্তরশিং অসি ফংলগদগে হায়বা ৱাহং অসিগী পাউখুম ওইনা রোমেত তেক্নো সোলুসন্স অমসুং তোমাসেত্তো আর্কিলি ইন্দিয়ানা খুৎশম্নদুনা শেমগৎলিবা দিজলদগী সি.এন.জি. ওন্থোক্লবা ত্রেক্তরশিং অসি হৌজিক হৌজিক এক্সপিরিমেন্তেল পাইলোত প্রোজেক্ত ওইনা লৈরি অমসুং মতমগী মতুং ইন্না অথুবা মতমদা পুথোরক্লগনি হায়না মন্ত্রী অসিনা ফোংদোকখ্রে৷

মালেম অসিদা ভারত অসি ইনর্জী খ্বাইদগী য়াম্না শিজিন্নবা ৩শুবা লৈবাক ওই অদুমওইনমক পর কেপিতা কঞ্জম্পসন অসি গ্রোবেল এভিরেজ অসিগী শরুক অহুম থোকপগী অমা খক্তনি হায়না পেত্রোলিয়ম অমসুং নেচরেল গ্যাস অমসুং স্তিলগী কেন্দ্রগী মন্ত্রী শ্রী ধর্মেন্দ্র প্রধাননা ফোংদোকখ্রে৷ লৈবাক অসিদা ইনর্জী শিজিন্নবগী চাং অসি হেনগৎলক্লি অমসুং মসিদা রিনিৱেবল ইনর্জী সোর্চশিং অসিনা য়াম্না মরু ওইবা থৌদাং লৌরগনি হায়না মহাক্না ফোংদোকখ্রে৷ লাক্কদৌরিবা চহী খরা অসিদা পি.এন.জি. অমসুং সি.এন.জি. সপ্লাই অসি লৈবাক মীয়াম অসিগী চাদা ৮৫-৯০ য়ৌনা ফংহল্লগনি৷ ক্লিন সোর্চশিং অসিদা বেজ তৌদুনা অতোপ্পা ইনর্জী মোদেল অমা য়াম্না কন্না শেমগৎলি অমসুং পোলুসন হন্থনবগীদমক লৈবাক অসিনা সি.ও.পি. ২১দা হোৎনরিবা অসিদা মসিনা মতেং পাংলগনি হায়না শ্রী প্রধাননা ফোংদোকখ্রে৷ এস.এ.তি.এ.তি. প্রোগ্রামগী মখাদা ৫০০০ সি.বি.জি. প্লান্তশিং শেমগৎলগনি হায়না মহাক্না ফোংদোকখ্রে৷ ফার্মশিং, ফোরেস্তশিং অমসুং শহরশিং অসিদগী বাইয়োমাস মেত্রিক তন চাওরাক্না মিলিয়ন ৬০০রোম ফংলগনি৷ ৱেস্ততগী ৱেল্থ ওন্থোরকপা অসিনা লৌমীশিং অসিদা থবক ফংহন্দুনা মখোয়গী অহেনবা ইনকম ফংহনবা অসি খক্তা নত্তনা মসিনা পোলুসন হন্থহল্লগনি অমসুং হেল্থ আউতকমশিং অসি ফহন্দুনা ঐখোয়গী শহরশিং অসি তরু তনান্না থম্লগনি৷ রিতেল আউতলেতশিং অসিনা সি.বি.জি. অসি য়োন্নবগী অয়াবা অদু মথুবা মতমদা লেপ্লগনি হায়না মহাক্না থাজবা পীখ্রে৷ পেত্রোলদা ইথানোল ৮.৫% মাই পাক্না য়ানশিনখ্রে অমসুং অথুবা মতমদা ভারত অসি ইথানোল ব্লেন্দিং তৌবদা খ্বাইদগী মকোক থোংবা লৈবাক ওইরগনি হায়না মন্ত্রী অদুনা ফোংদোকখ্রে৷                                                    

                                             *******