উপ-রাস্ত্রপতিগী লোইশঙ
কম্মন ওইবা মীশিংগী য়ুম শাবদা ক্বালিতী লৈনা অমসুং শেল ইচং চংদনা শাগদবনি: উপ রাস্ত্রপতি
বিল্দিং প্লান এপ্রুবেলদা নুংশিৎ অমসুং মৈ মরাং কাইনা ফংহনবা অসি নোম অমা শুইশোই শোইদনা ওইগদবনি
বিল্দিংশিং শেম-শাবা মতমদা তেক্নোলোজী শিজিন্ননবা উপ রাস্ত্রপতি শ্রী নাইদুনা ইন্দস্ত্রীদা হায়খ্রে
‘গ্রীন বিল্দিংশিং’ অমসুং ‘গ্রীন মেতরিয়েলশিং’ অসি শোইদনা ন্যু নোর্মেল ওইগদবনি: শ্রী নাইদু
রুরেল-আর্বান মাইগ্রেসন অসি হন্থনবা খুঙ্গংগী মফমশিং অসিদা লৈরিবা তঙাই ফদবা অৱাৎপশিং অমসুং য়ুম লৈতবগী অৱাৎপশিং অসি থেংনখ্রে: উপ রাস্ত্রপতি
বিল্দিং পুম্নমক্তা দিজাস্তর রিসাইলেন্ত দিজাইনশিং অসি নোর্ম ওইহন্নবা উপ রাস্ত্রপতিনা হায়খ্রে
সি.এস.আই.আর.-সি.বি.আর.আই.গী চহী ৭৫ শুরকপগী পাংথোকপা থৌরম শ্রী নাইদুনা হৌদোকখ্রে
Posted On:
10 FEB 2021 5:31PM by PIB Imphal
হৌজিক হেনগৎলক্লিবা মিদল ক্লাসশিং অসিগীদমক ক্বালিতী লৈনা, শেল য়াম্না চংদনা, সেফ ওইনা অমসুং মতম কুইনা চৎকদবা য়ুমশিং শাবগী তঙাই ফদবা অদু ঙসি উপ রাস্ত্রপতি শ্রী এম ভেনকাইয় নাইদুনা ফোংদোকখ্রে৷
সেন্ত্রেল বিল্দিং রিসর্চ ইন্সতিত্যুত(সি.এস.আই.আর.-সি.বি.আর.আই.)গী চহী ৭৫ শুরকপগী পাংথোকপা থৌরম অসিদা ভর্চুয়েল্লী ওইনা মহাক্না হৌদোক্লদুনা য়ুমশিং অসি শাবজা ফজবা লৈতেং অসিু মরু ওই হায়না মহাক্না ফোংদোকখ্রে৷ শেল-থুমগী ফিভম ফগৎলকপা অমসুং আর্বানাইজেসন হেনগৎলকপা অসিনা শহরশিংদা য়ুম শাবগী চাং অসি হেনগৎহল্লে অমসুং মসিনা মরম ওইদুনা প্লানরশিং অসিগী ওইনা অরুবা অমা ওইহল্লি হায়না মহাক্না ফোংদোকখ্রে৷
বিল্দিংশিং ফজহনবগী তঙাই ফদবা অসি পল্লদুনা - “নুংশিৎ অমসুং নুংশা নিংথিনা চংদবা অচিনবা লৈকাই অমদা ইমুং অমনা লৈবা মতমদা মসিনা মখোয়গী হকশেলদা শেকহল্লি” হায়না মহাক্না ফোংদোকখ্রে৷ কোবিদ লাইনা অসিনা অশেংবা নুংশিৎ অমসুং নুংশাগী তঙাই ফদবা অদু ঐখোয়দা খঙহল্লে অমসুং য়ুমশিং অসি শাবা মতমদা হায়রিবা ফিচরশিং অসি লৈহনবা অসিনা আর্কিতেক্তশিং, প্লানরশিং, সি.বি.আর.আই.গুম্বা ইন্সতিত্যুসনশিং অমসুং সরকারশিংনা থৌদাং ওই হায়না মহাক্না ফোংদোকখ্রে৷
ঐখোয়গী কন্সত্রক্সন ৱার্কফোর্সশিং অসি মোদর্ন কন্সত্রক্সন তেক্নিকশিং অসিদা নিংথীনা ত্রেন তৌগদবনি অমসুং সেক্তর অসিদা এমপ্লোইমেন্ত পোতেন্সিয়েল অদু লৈ হায়বা অসি উৎকদবনি হায়না মহাক্না ফোংদোকখ্রে৷ “মসিগী সেক্তর অসিদা স্কিল লৈতবা মীশিং স্কিল লৈবা মীওই ওইহন্নবা হোৎনগদবনি”,হায়না মহাক্না ফোংদোকখ্রে৷
বিল্দিংশিং অসিদা লৈরিবা সস্তেনেবিলীতী ফিভম অদুসু উপ রাস্ত্রপতি অসিনা পুখৎলকখ্রে৷ গ্রীন বিল্দিংশিং ওইহনবগী তঙাই ফদবা অদু পল্লদুনা মালেম অসিদা অচৌবা গ্রীনহাউস গ্যাস অমা ওইরিবা CO2 থাদোরকপগা মরী লৈনবা ইনর্জীগী ৩৯%দি বিল্দিংশিং অসিদগী থাদোরকপনি হায়না শ্রী নাইদুনা ফোংদোকখ্রে৷ মসিগী ৱাখল্লোন অসি মীয়ামশিং অসিদা খঙহন্নবা এৱার্নেজ পীদুনা গ্রীন বিল্দিংশিং অসি ‘ন্যু নোর্মেল’ ওইহন্নবা মহাক্না ফোংদোকখ্রে৷
খুঙ্গংগী মফমশিং অসিদা অফবা য়ুমশিংগী অৱাৎপা চাওনা লৈরিবা অসিগী মতাংদসু শ্রী নাইদুনা পনখ্রে৷ হায়রিবা হিরম অসিগীদমক ২০২২ ফাওবগী মনুংদা ময়ামদা পক্কা হাউস শানবগী পান্দমদা পি.এম.এ.ৱাই.(গ্রামিন) অসি সরকার অসিনা পুথোকখ্রে হায়না মহাক্না ফোংদোকখ্রে৷ খুঙ্গংগী মফমশিং অসিদা শহরদা ফংলিবা খুদোংচাবশিং ফংহনবা হায়বা শ্রী এ.পি.জে. অব্দুল কলাম অমসুং শ্রী অতল বিহারি বাজপয়ীগী মংলান অদুগী মতাংদসু মহাক্না পনখ্রে৷“ করিগুম্বা হায়রিবা ময়াম অসি থবক্কী খুদোংচাবগা লোইননা ঐখোয়না ফংহনবা ঙম্লবদি রুরেল-আর্বান মাইগ্রেসন অসি ঐখোয়না লাকশিনবা ঙমগনি অমসুং শহরশিং অসিদা পীরিবা শাফু অসি হন্থহনবা ঙমগনি”, হায়না উপ রাস্ত্রপতিনা হায়খ্রে৷
উপ রাস্ত্রপতি অসিনা হিমাচল প্রাদেশকী নলাগর্হ অমসুং তন্দাদা লৈরিবা হোস্পিতালশিং অসি ভর্চুয়েল্লী ওইনা শঙ্গাখ্রে অমসুং সি.এস.আই.আর.-সি.বি.আর.আই.দা লৈরিবা স্যুদো দাইনামিক লেবোরেতরী অমসুং সেন্তর ফোর এক্সিলেন্স ইন কল্চরেল হেরিতেজকী চহী ৭৫ শুরকপগী থৌরম উপ রাস্ত্রপতিনা হৌদোকখ্রে৷
হিমাচল প্রদেশকী ইকাই খুম্নরবা মুখ্য মন্ত্রী শ্রী জাই রাম থাকুর, সি.এস.আই.আর.গী দাইরেক্তর জেনেরেল অমসুং দি.এস.আই.আর.গী সেক্রেতরী দা. শেখর সি. মন্দে অমসুং রূর্কীদা লৈরিবা সি.এস.আই.আর.-সি.বি.আর.আই.গী দাইরেক্তর দা. এন. গোপালকৃস্নননা ভর্চুয়েল থৌরম অসিদা শরুক য়াখিবা ইকাই খুম্নরবা মীওইশিংগী মনুংদা খরনি৷
মখাগী অসি ৱারোল অদুগী মপুং ওইবা অইবনি:
“ইচলশিং অমসুং ইনাউশিং,
সেন্ত্রেল বিল্দিং রিসর্চ ইন্সতিত্যুত(সি.বি.আর.আই.) অসি লিংখৎখিবা চহী ৭৫ মপুং ফারকপগা মরী লাননা পাংতোকপা থৌরম অসিদা নখোয় ময়ামগা ভর্চুয়েল্লী ওইনা শরুক য়াবা ফংজবা অসি ঐহাক অসুক্কী মতিক নুংঙাইবা ফাওজৈ৷ ১৯৪৭গী মতমদা ‘বিল্দিং রিসর্চ য়ুনিৎ’ ওইনা হৌদোরক্তুনা সি.বি.আর.আই. অসি লৈবাক অসিগী মমিং লৈরবা কাউন্সিল ওফ সাইন্তিফিক অমসুং ইন্দস্ত্রিয়েল রিসর্চ(সি.এস.আই.আর.)কী নেস্নেল লেবোরেতরী ৩৭কী মনুংদা অমনি৷ চহী খুজিংশিং অসিদা লৈবাক অসি শেমগৎপদা সি.এস.আই.আর. অমসুং সি.বি.আর.আই.না অচৌবা থৌদাং লৌরম্বা অসিগীদমক ঐ য়াম্না নুংঙাইবা ফাওজৈ৷ অকক্নবা মতম অমদা হিমাচল প্রদেশতা কোবিদ হোস্পিতাল মঙা শানবগী থৌদাং লৌরম্লিবা অসিগীদমক ইন্সিতিত্যুত অসিগী সাইন্তিসশিং অসিবু ঐনা ইকাই খুম্নবা উৎচরি৷
হিমাচল প্রাদেশকী নলাগর্হ অমসুং তন্দাদা লৈরিবা হোস্পিতালশিং অসি ভর্চুয়েল্লী ওইনা শঙ্গবদা অমসুং সি.এস.আই.আর.-সি.বি.আর.আই.দা লৈরিবা স্যুদো দাইনামিক লেবোরেতরী অমসুং সেন্তর ফোর এক্সিলেন্স ইন কল্চরেল হেরিতেজকী চহী ৭৫ শুরকপগী থৌরম অসিদা ঐনা শরুক য়াবা ফংজবা অসি ঐহাক অসুক্কী মতিক নুংঙাইবা ফাওজৈ৷
ইচলশিং অমসুং ইনাউশিং,
মসিগী মংলান অসি ফংনবা হোৎনবদা ঐখোয়না মখাগী ৱাহংশিং অসি ইশাদা হংজবা তঙাই ফদে:
বিল্দিং শেম শাবগী আর্ত অসিদা ঐখোয় অসি য়াম্না হৈ-শিংলে অদুবু হায়রিবা অসি ময়াম পুম্নমক অসিদা ফংহল্লব্রা?
তুংদা লাক্কদৌরিবা শুরোলশিং অসিগীদমক করম্বা বিল্দিং মখলশিং ঐখোয়না শাবা পাম্বগে?
ঐখোয়না খরম্বা মফমদা হিংবা অমসুং থবক শুবা পাম্বগে?
মসিগী ৱাহংশিং অসি অমসুং মরী লৈনবা ইসুশিং অসি ঐখোয়না খনবা মরু ওই৷ ঙসিদি বিল্দিংশিং অসি শেম-শাবদা দাইমেন্সন অহুম-ইক্বুইতী, ক্বালিতী অমসুং সস্তেনেবিলিতীগী ইসু অসিদা ঐনা য়েংশিনবা পাম্মী৷
অহানবা ইসু অসি ইক্বুইতী অসিনি৷ আর্বানাইজেসন হেনগৎলকপা অমসুং খুঙ্গংগী মফমশিং অসিদগী য়ুম হোংগৎলকপা হেনগৎলকপা অসিদা য়য়ুমশিং অসি নিংথীনা শানবা, লৈহন্নবা হোৎনবদা ঐখোয়গী শহরশিং অসিদা য়াম্না অৱাবা অমা ওইরি৷ মসিনা মী য়াম্না চিলহল্লে, অফবা পোৎ-চৈশিং ৱাৎলকই অমসুং কা বরাগী মমল তাংহল্লি৷ ইমুং অমনা নুংশিৎ অমসুং নুংশাগী মহাল নিংথীনা চংদবা মপমশিং অসিদা লৈবা মতমদা মখোয়গী হকশেলগী ফিভম অসি অসুক্কী মতিক মশানা শোকহল্লি৷ ঐখোয়গী লিভিং স্পেস অসিনা ঐখোয়গী ফিজিকেল অমসুং মেন্তেল হেল্থতা শাফু পী৷ মসি হন্দক্কী কোবিদ-১৯ লাইনা অসিনা উৎখ্রবনি৷ নুংশিৎ অমসুং নুংশা মঙাল নিংথীনা ফংবা মফমশিং শেমগৎপা তঙাই ফদে৷
খুঙ্গংগী মফমশিং অসিদা অফবা য়ুমশিংগী অৱাৎপা চাওনা লৈ৷ হায়রিবা হিরম অসিগীদমক ২০২২ ফাওবগী মনুংদা ময়ামদা পক্কা হাউস শানবগী পান্দমদা পি.এম.এ.ৱাই.(গ্রামিন) অসি সরকার অসিনা পুথোকখ্রে৷
খুঙ্গংগী মফমশিং অসিদা শহরদা ফংলিবা খুদোংচাবশিং ফংহনবা হায়বা অসি শ্রী এ.পি.জে. অব্দুল কলাম অমসুং শ্রী অতল বিহারি বাজপয়ীগী মংলান্নি হায়না ঐনা অমুক্কসু পল্লি৷ করিগুম্বা হায়রিবা ময়াম অসি থবক্কী খুদোংচাবগা লোইননা ঐখোয়না ফংহনবা ঙম্লবদি রুরেল-আর্বান মাইগ্রেসন অসি ঐখোয়না লাকশিনবা ঙমগনি অমসুং শহরশিং অসিদা পীরিবা শাফু অসি হন্থহনবা ঙমগনি৷ খুঙ্গংগী মফমশিং অসিদা লৈরিবা য়ুমশিং অসিগী ফিভম ফগৎহন্নবগীদমক অচৌবা দিমান্দ অমা লৈ অমসুং মসিগী খুদোংচাবা অসি লৌনবা প্রাইভেৎ সেক্তরনা চংশিনগদবনি৷
অনিশুবা ইসু অসিনা –ক্বালিতী অসিনি৷ ঐখোয়গী পুন্সি অয়াম্বা শারিবা য়ুমশিং অসিগী মনুংদা লৈগদৌরিবা অসিনা মরম ওইরগা য়ুম অদুগী লৈরিবা স্পেস অদুগী ক্বালিতী অসিগী মতাংদা ঐখোয়না খনগদবনি৷ য়ুম অমা শাবা মতমদা নু নানবা অমসুং তশেং তশেংহন্দুনা ফজহনবা অসিসু য়াম্না মরু ওই৷
ঐখোয়গী লৈবাক অসি তোঙান তোঙানবা হজার্দ কয়া অমা মাইয়োক্নৈ অমসুং দিজাস্তর রিসাইলেন্ত দিজাইনশিং অমসুং কন্সত্রক্সন প্রেক্তিসশিং অসিনা বিল্দিং পুম্নমক্কী নোর্ম ওইগদবনি৷ ফাইয়র ইঞ্জিনিয়রিং য়াওনা বিল্দিংশিং অসিদা দিজাস্তর মিতিগেসন হেন্না ফহন্নবা সি.বি.আর.আই.না য়াম্না মরু ওইবা থৌদাং অমা লৌরি হায়না ঐঙোন্দা হায়রকখ্রে৷ মসি ঐনা য়ানিংই অমসুং য়ুমশিং শাবদা পাকশন্না ইনকোর্পোরেতিং রিসাইলেন্স অসিগী মতাংদা সি.বি.আর.আই.না রিসর্চ তৌবা ঐনা পাম্মী৷
অরোইবদা সস্তেনেবিলিতীগী ইসু অসি ঐখোয়না থেংনবা দরকার ওই৷ আর্বানাইজেসন হেনগৎলকপদগী ২০৬০ ফাওবগী মনুংদা ঐখোয়গী মীশিং অসিগী চাদা ৬০ শহরশিং অসিদা লৈরবা য়াই হায়না পানরি৷ পুখৎলকখ্রে৷ মালেম অসিদা অচৌবা গ্রীনহাউস গ্যাস অমা ওইরিবা CO2 থাদোরকপগা মরী লৈনবা ইনর্জীগী ৩৯%দি বিল্দিংশিং অসিদগী থাদোরকপনি৷ মসিগী ৱাখল্লোন অসি মীয়ামশিং অসিদা খঙহন্নবা এৱার্নেজ পীদুনা গ্রীন বিল্দিংশিং অসি ‘ন্যু নোর্মেল’ অথুবা মতমদা ওইহনবা তঙাই ফদে৷
নুংশিরবা ইচলশিং অমসুং ইনাউশিং,
ইক্বুইতী, ক্বালিতী অমসুং সস্তেনেবিলিতীগী প্রিন্সিপলশিং অসিগা লোইননা ঐখোয়না য়ুমশিং শেম-শাবদা শিজিন্নরিবা তেক্নোলোজীশিং অসি অমুক হন্না য়েংশিনবা মরু ওই৷ লৈবাক অসিদা শিজিন্নরিবা কন্সত্রক্সন তেক্নোলোজীশিং অসি য়াম্না পাক চাওই অমসুং মচাক মথুমশিং অসি মপুং ফাদে অমসুং মসিনা মরম ওইদুনা মতম অমসুং শেল হেন্না চংহল্লি৷ বিল্দিংশিং অসি শেমগৎ শাগৎপদা খ্বাইদগী নৌরিবা তেক্নোলোজীশিং খুদম ওইনা ৩-দি প্রিন্তেদ হাউজিং, প্রি-ফেব্রিকেতেদ হাউজিং অমসুং নেত-জিরো ইনর্জী বিল্দিংশিং শিজিন্নদুনা সি.বি.আর.আই.গুম্বা ইন্সতিত্যুতশিং অসিনা লমজিংগদবনি৷
ফগৎহনবা তঙাই ফদ্রিবা অতোপ্পা মফম অদুনা ঐখোয়গী য়ুম শাবা মীশিং অসিগী স্কিলশিং ফগৎহনবা অসিনি৷ অথুবা মতমদা হৌজিক মতমগী কন্সত্রক্সন তেক্নিকশিং অসি শিজিন্নবা হৈনবা ঐখোয়গী ৱার্কফোর্স অসি নিংথীনা ত্রেন তৌগদবনি৷ মসিগী সেক্তর অসিদা স্কিল লৈতবা মীশিং অসি শোইদনা স্কিল লৈবা মীশিং ওইনা ওন্থোক্কদবনি৷
নুংশিরবা ইচলশিং অমসুং ইনাউশিং,
তোঙান তোঙানবা প্রোগ্রামশিং খুদম ওইনা ‘নবোদয়া বিদ্যলয় স্কুলশিং’ অমসুং ‘ইন্দিরা অৱাস য়োজনা’দা লৌখিবা থৌদাংশিং য়াওনা সি.বি.আর.আই.গী তোঙান তোঙানবা ইফর্তশিং অসিগী মতাংদা ঐঙোন্দা হায়রকখ্রে৷ নেপালদা য়ুহার হাবনা মাংহন তাকহল্লিবা স্কুলশিং অমসুং হোস্পিতালশিং অসি অমুক হন্না শেমগৎ শাগৎপদা মহাক্কী ইন্সতিত্যুত অসিনা লৌখিবা থৌদাং অদু ঐনা থাগৎলি৷ কোবিদ-১৯ অসি থেংনবদা সরকারনা হোৎনরিবা অসিদা মতেং পাংবা ওইনা লাইতৱেইত ত্রান্সিৎ হোস্পিতালশিং শানবগীদমক তেক্নোলোজী শেংগৎপদা সি.এস.আই.আর.-সি.বি.আর.আই.না লৌখিবা থৌদাং অদুগীদমক মহাক্না অমুক্কা হন্না থাগৎখ্রে৷
ভারততা হাউজিংগী অওোনবা অমা পুরকপা মতমদা নহাক্কী ইন্সতিত্যুত অসিনা মাংজিল থানা থৌদাং লৌরগনি অমসুং ‘ময়ামগীদমক য়ুম শাবিবা’ হায়রিবা ঐখোয়গী মংলান অসি মংফাওনহনবদা অচৌবা থৌদাং লৌরগনি হায়বা অসি ঐগী থাজবনি৷
নহাক্কী তুংগী পান্দম পুম্নমক্তা মাই পাক্নবা ঐনা য়াইফ পাউজেল পীরি৷
নহাকপু থাগৎচরি৷ জই হিন্দ!”
******
(Release ID: 1697034)
Visitor Counter : 95