য়ুমলৈ-কৈরৈ মন্ত্রালয়

য়ুনিয়ন হোম মিনিস্তর অমিত শাহনা উত্তরাখন্দগী চামোলী দিস্ত্রীক্তকী রিশিগঙ্গা তুরেলগী মথক থংবা কেসমেন্তদা উন কিন্থবা থোকখিবগী পার্লিয়ামেন্ততা পীখিবা ৱারোল

Posted On: 09 FEB 2021 6:13PM by PIB Imphal

মখা পীরিবা ৱারোল অসি য়ুনিয়ন হোম মিনিস্তর অমিত শাহনা উত্তরাখন্দা লৈবা চামোলী দিস্ত্রীক্তকী রিশিগঙ্গা তুরেলগী মথক থংবা কেসমেন্তদা উন কিন্থবা থোকখিবগী পার্লিয়ামেন্ততা পীখিবনি:-

০৭.০২.২০২১দা চাওরাক্না পুং ১০০০ তাবা মতমদা রিশিগঙ্গা তুরেলগী মথক থংবা কেসমেন্তদা উত্তরাখন্দগী চামোলী দিস্ত্রীক্তকী আলাকনন্দা তুরেলগী মশা অমা ওইরিবা উন কিন্থবা অমা থোক্তুনা রিশিগঙ্গা তুরেলদা খঙহৌদনা ঈশিংগী ইমাই হেনগৎলকপনা মরম ওইদুনা রিশিগঙ্গাগী অপিকপা হায়দ্রো প্রোজেক্ত মেগা ৱাত ১৩.২ অমা চেন্থখ্রে। খংহৌদনা থোক্লকপা ইচাও অসিনা এন.তি.পি.সি. মেগাৱাত ৫২০গী হায়দ্রো পৱার প্রোজেক্ত অমা তাপোবানদা ধৌলি গঙ্গাদা শাগৎলিবা অসি শোকহনখি। 

উত্তরাখন্দগী স্তেত সরকারনা ঈচাও খুদোংথিনিঙাই ওইদ্রে অমসুং ঈশিং ইমাই হন্থরে হায়না রিপোর্ত পীরক্লি। সেন্তর অমসুং স্তেত সরকারনা ফিবম য়াম্না কুপ্না য়েংশিল্লি।

২০২১গী ফেব্রুৱারীগী ৭তা সেতেল্লাইত দেতা (প্লানেত লেব)তগী য়েংবদা মথক থংবা রিশিগঙ্গা তুরেলদা গ্লেসিয়র মিতর ৫৬০০ এল্তিচুৎতা স্ক্ব্যর কিলোমীতর ১৪ লোম চাওরাক্না উন নিংখাইবা অমসুং রিশিগঙ্গা তুরেলদা খংহৌদনা ঈশিং ইচাও থোকপগী লৈরি।

২. অহানবা মাং তাকপগী রিপোর্ত:-

উত্তরাখন্দগী স্তেত সরকারগী পাউগী মতুং ইন্না, মীওই ২০ অমা লৈখিদ্রে অমসুং মীওই ৬ অমনা অশোক অপন নংখি। পাউগী মতুং ইন্না মীওই অপুনবা ১৯৭ মাংখিবগী রিপোর্ত লৈরি হায়রিবা অসিদা এন.তি.পি.সি. প্রোজেক্তকী মীওই ১৩৯, রিশিগঙ্গা প্রোজেক্তকী মীওই ৪৬ অমসুং খুঞ্জা ১২নি। 

তন্নেলদা চপ্তুনা লৈবা, এন.তি.পি.সি. প্রোজেক্তকী মীওই ১২ কনবা ঙমখ্রে। রিশিগঙ্গা প্রোজেক্তকী মীওই ১৫ অমসু কনবা ঙমখ্রে।এন.তি.পি.সি. প্রোজেক্ত অতোপ্পা তন্নেলদা চাওরাক্না মীওই ২৫-৩৫রোম লৈরখিগদ্রা হায়বা চিংনরি।  

স্তেত সরকারনা খুদোংথিবা থৌদোক অসিদা লৈখিদ্রবগী নক্নবা ইমুংদা লুপা লাখ ৪গী এক্স-গ্রেসিয়া লাওথোকখ্রে।

থোং অমা চেন্থখিবদগী, খুঙ্গং ১৩গী লম্বী ফাওনখিদ্রে। মসিগী মফমশিং অসিদা হেলিকোপ্তরগী মতেংনা তঙাইফদবা পোৎ-চৈ অমসুং হিদাক লাংথক্কী মতেং পীরি।

৩. স্তেত সরকারনা লৌখৎপা খোঙথাং:

  1. ফিবম অসি ২৪X৭ স্তেত সরকারনা অৱাংবা থাক্তা য়েংশিল্লি। ইকাই খু্ম্নরবা প্রধান মন্ত্রীনা মশানা ফিবম অসি য়াম্না কুপ্না য়েংশিল্লি।
  2. হোম এফিয়র্স মিনিস্ত্রীগী কন্ত্রোল রুম অনিনা ফিবম অসিবু ২৪X৭ য়েংশিল্লি অমসুং অঙম্বা মতেং স্তেত অসিনা পীরি।
  3. পাৱর মিনিস্ত্রীগী ইকাই খুম্নরবা মিনিস্তর ওফ স্তেত (আই./সি.) না থৌদোক থোকফম মফম অসিদা লাক্তুনা য়েংশিনখি।
  4. আই.তি.বি.পি.না মখোয়গী কন্ত্রোল রুম লিংখৎলি অমসুং আই.তি.বি.পি. পর্সোন্নেল ৪৫০না মফম অসিদা কন্নবগীদমক লৈরি।
  5. ০৫ এন.দি.আর.এফ. তীমনা থৌদোক থোকফম মফম অসিদা য়ৌখ্রে অমসুং মফম অসিদা কন্নবগীদমক লৈরি।
  6. ইন্দিয়ন আর্মিগী তীম ০৪, ইঞ্জিনিয়র তাস্ক ফোর্স (ই.তি.এফ.) য়াওনা মফম অসিদা কন্নবগীদমক লৈরি। এম্বুলেন্স অনি য়াওনা মেদিকেল তীম অমসু থম্লি।ইন্দিয়ন এয়র ফোর্সকী হেলিকোপ্তর ৫ মফম অসিদা কন্নবগীদমক লৈরি।
  7. মফম অসিদা থি-হুম্বগী থবক চৎথরি। অহিং চুপ্পা চোকথবা লৈতনা হোৎনবনা আর্মিশিংনা নুগাই কয়া লৌথোক্তুনা মী কনবগী থবক চৎথরি।
  8. আলাকনন্দা অমসুং গঙ্গা বেসিনদগী হরিদ্বার ফাওবদা লৈরিবা সেন্ত্রেল ৱাতর কম্মিসনগী স্তাফ পুম্বা মিকুপ নাহুম শিংনা লৈখ্রে।
  9. সাস্ত্রা সীমা বাল (এস.এস.বি.)গী তীম অমা থৌদোক থোকফম অসিদা য়ৌশিনখ্রে।

৪. নেস্নেল ক্রাইসিস মেনেজমেন্ত কম্মিতি (এন.সি.এম.সি.)গী মিতিং

০৭.০২.২০২১গী ১৬৩০দা এন.সি.এম.সি.গী মিতিং অমা কেবিনেৎ সেক্রেতরীগী মখাদা পাংথোকখ্রে।-

৫. স্তেত সরকারনা লৌখৎপা খোঙথাং:-

দিস্ত্রীক্ত এদমিনিস্ত্রেসনদা, স্তেত সরকারগী পুলিস অমসুং দিজাস্তর মেনেজমেন্ত দিপার্তমেন্ত লোয়ননা সেন্ত্রেল এজেন্সিশিং অসিনা কনবগী থবক চৎথরি। এস.দি.আর.এফ.কী তীম ২ থম্লি। স্তেত হেলথ দিপার্তমেন্তগী মেদিকেল তীম ৭ এম্বুলেন্স ৮ অমগা চীফ মেদিকেল ওফিসরগা লোয়ননা থম্লি।হেলিকোপ্তর ৫ অমগসু থম্লি। মৈ হান্নগী মতৌগুম হঞ্জিল্লে। অমাং-অতা থোকখ্রবা থোং মঙা পি.দবল্যু.দি. অমসুং বি.আর.ও.না শেম্বা হৌখ্রে।

৬. স্তেত দিজাস্তর রিস্ক মেনেজমেন্ত ফন্দ (এস.দি.আর.এম.এফ.)কী ফিবম:-

ঐহাক্না হায়জরি মদুদি হন্দক্কী ফাইনান্সিএল চহি ২০২০-২১গী ওইনা লুপা করোর ১০৪১.০০ অমা স্তেত দিজাস্তর রিস্ক মেনেজমেন্ত ফন্দ (এস.দি.আর.এম.এফ.)কী মখাদা উত্তরাখন্দ স্তেত্তা পীখি। অহানবা ওইনা লুপা করোর ৪৬৮.৫০ অমা স্তেত সরকার অসিদা থাদোকখ্রে।

  • ঐহাক্না থাজবা থম্মী মদুদি স্তেত সরকারদা হাউসনা পাংবা য়াবা মতেং পীগনি। সেন্ত্রেল সরকারনা স্তেত সরকারগা খোঙথাং খুদিং খুৎশম্নদুনা চৎলি।

****



(Release ID: 1696706) Visitor Counter : 46