২০২৫ ফাওবগী মনুংদা লম্বীগী খুদোংথিবনা মরম ওইদুনা শিবা চাদা ৫০ হন্থহন্নবা থবক পায়খৎনবা মরী লৈনবশিংদা রোদ ত্রান্সপোর্তকী য়ুনিয়ন মিনিস্তর শ্রী নিতিন গাদকরিনা তকশিল্লি। “ভারত্তা লম্বীগী খুদোংথিবা থোক্তনবা হোৎনবদা থেংনরিবা অৱাবশিং অমসুং এক্সন প্লান অমা শেম্বা” হায়বা হীরমদা ইন্তরনেসনেল রোদ ফেদেরেসন, ইন্দিয়া চেপ্তরনা শীনবা ৱেবিনার অমা মহাক্না হৌদোকখি।  লৈবাক অসিদা চহি খুদিংগী লম্বীগী খুদোংথিবা থৌদোকশিংদা মীওই লাখ ১.৫ শিহল্লি অমসুং অমসুং মীওই লাখ ৪.৫ হেন্না শোকহনখি অমসুং নোংমদা লম্বীগী খুদোংথিবনা মরম ওইদুনা মীওই ৪১৫ শিহল্লি। হায়রিবা খুদোংথিবশিং অসিনা মরম ওইদুনা লৈবাক্কী জি.দি.পিগী চাদা ৩.১৪ মাঙহল্লি অমসুং শিরিবশিংগী চাদা ৭০ হেন্না চহি ১৮দগী চহি ৪৫ ফাওবগী মনুংদা লৈবা মীওইশিংনি।

মিনিস্ত্রিনা পায়খৎলিবা থবকশিংগী মতাংদা য়ুনিয়ন মিনিস্তরনা হায়খি অৱাবা অসি কোকহন্নবা ইঞ্জিনিয়ারিং, ইজুকেসন, ইনফোর্সমেন্ত, ইমর্জেন্সি কিয়ার সর্বিসগী থবকশিং ফগৎহল্লে। হায়ৱেজ পরিংদা খুদোংথিবা থোক্কনবা মফম ৫,০০০ হেন্না চুমথোক্নবা মিনিস্ত্রিনা থবক পায়খৎলি অমসুং অশোয়-অঙাম থোক্তনবা কিলোমিতর ৪০,০০০গী লম্বীশিং য়েংশিল্লে।

মহাক্না হায়খি লম্বীগী অশোই-অঙাম থোক্তনবা রাজ্যশিংদা মতেং পাংনবা লুপা কোতি ১৪,০০০গী ফন্দ লৈগদবা থৌরাং অমা হৌদোক্নবা কেন্দ্র সরকারনা থবক পায়খৎলগনি। লম্বীদা অশোই-অঙাম থোকহন্দবা অসি লমচৎ-শাজৎকা মরী লৈনৈ অমসুং মসিগীদমক ব্লোক লেবেলদগী হৌরগা তালুকা লেবেল ফাওবা মতেং পাংনবা হেনগৎনবা কো-ওপরেতিপ ফেদেরেলিজম অমা দরকার ওই।

লম্বীগী খুদোংথিবা থোক্তনবা মীয়াম ৱাখল তাহন্নবা হৌজিক ভারতনা রোদ সেফতি মন্থ পাংথোক্লি। লম্বীগী খুদোংথিবা থোক্তনবা হিরমশিংদা চহি অসি চুপ্পা ৱেবিনার ১২ পাংথোক্কনি।

*****