উত্তরখন্দদা ঊন নিংখাইরকপদগী থোক্লিবা নেচরেল দিজাস্তরগী ফিভম অসি য়েংশিন্নবা কেবিনেৎ সেক্রেতরী শ্রী রজিব গোবাগী লুচিং মখাদা নেস্নেল ক্রাইসিস মেনেজমেন্ত কম্মিতী(এন.সি.এম.সি.) অদু ঙসি উনখ্রে৷ ঊন নিংখাইরকপা অসিনা ঋশিগঙ্গা তুরেলগী ইমাই অসি হেনগৎহল্লে অমসুং মসিনা এম.দবল্যু. ১৩.২গী ঋশিগঙ্গাদা শারিবা অপিকপা হাইদ্রো প্রোজেক্ত অদু অমাং অতা থোকহনখ্রে৷ ইশিং ইচাউ অসিনা অলকনন্দ তুরেলগী ত্রিবুতরী অমা ওইরিবা তাপোবন তুরেলদা শারিবা এন.তি.পি.সি.গী মখা থংবা শরুকশিং অসিদা লৈরিবা হাইদ্রো প্রেজেক্ত অদুসু শোকহনখ্রে৷

মরী লৈনবা এজেন্সীশিং অসিনা য়াম্না কন্না হোৎননবা অমসুং রাজ্যগী সাসনদা পাংবা য়াবা মতেং পুম্নমক পাংনবা কেবিনেৎ সেক্রতরীনা খঙহনখ্রে৷ মফম মরাং খঙদনা থিবা খঙদ্রিবা মীওইশিং অসি মফম খঙদোকপা অমসুং তন্নেলদা পন্দুনা লৈরিবা মীওইশিং অদু অথুবা মতমদা কন্নবা মহাক্না ফোংদোকখ্রে৷ কনবগী থবকশিং অসি মপুং ফানা লোইশিনদ্রিফাওবা অমসুং ফিভম অসি হান্নগী মতৌগুম্না হঞ্জিল্লক্ত্রিফাওবা সর্ভিলেন্স লেপ্তনা পাংথোক্নবা মহাক্না খঙহনখ্রে৷

উত্তরখন্দ সরকারগী চীফ সেক্রেতরীনা ভি.সি.গী খুৎথাংদা হৌজিক লৈরিবা গ্রাউন্দগী ফিভম অমসুং থৌদোক অসিগী মতুংদা অৱাবা তারবা মীওইশিং লৌথোক্নবা অমসুং ঊন নিংখাইবা অসিনা মরম ওইদুনা থোকহল্লিবা ইশিং-ইচাউ অসিনা মাং তাকহল্লিবা অসি লাকশিন্নবা মখোয়না লৌখৎখিবা এক্সনশিং অদু কম্মিতী অসিদা তেন্তক্না হায়খ্রে৷

অদুমওইনমক মখাতাবা মফমশিং অসিদা ইশিং-ইচাউ থোকপগী নুংনাংবা করিসু লৈত্রে অমসুং সেন্ত্রেল ৱাতর কম্মিসন(সি.দবল্যু.সি.) অসিনা পীরিবা ই-পাউ অসিগী মতুং ইন্না ইশিংগী চাং হেনগৎলক্লিবা অদু লাকশিনবা ঙমখ্রে৷ থংনরিবা খুঙ্গংশিং অসিদসু অকাইবা থোকহল্লকপা য়াবগী ফিভম লৈত্রে৷ মতম অসিদা ফিভম অসি য়েংশিন্নবা য়াম্না চেকশিনবা ভিজিল অমা থম্নবা অমসুং ঊনগী ফিভম অসি য়েংশিন্নবা দি.আর.দি.ও.গী চীম অমা থম্নবা কেন্দ্রগী অমসুং রাজ্যগী মরী লৈনবা এজেন্সীশিং অসিদা হায়খ্রে৷ শোকহল্লিবা মফমশিং অসিদা খুদক্তা চৎনবা এন.তি.পি.সি.গী এম.দি.দা হংখ্রে৷

তন্নেল অমদা পন্দুনা লৈরম্বা চাওরাক্না মীওই ১২রোম আই.তি.বি.পি.না কনবা ঙমখ্রে হায়না মখাতানা ফোংদোকখ্রে অমসুং আর্মী অমসুং আই.তি.বি.পি.না পুন্না হোৎনদুনা অতোপ্পা তন্নেল অমদা পন্দুনা লৈরিবা মীওইশিং অদু কন্নবা হোৎনখ্রে৷ মাংলিবা মীওইশিং অসিগী খুঙ্গুং লিদুনা ফংনবা ঐখোয়না পুম্নমক হোৎনরি৷

এন.দি.আর.এফ.গী তীম ২ চংশিনখ্রে অমসুং অহেনবা তীম ৩ হিন্দোন্দগী চংশিনখ্রে অমসুং মখোয়শিং অদু নুমিদাংদা মফম অদুদা য়ৌবা ঙম্লগনি৷ মফম অদুদা আই.তি.বি.পি. পর্সোনেল ২০০ হেন্না লৈ অমসুং রেস্ক্ব্যু ইক্যুইপমেন্ত পুম্নমকা লোইননা কলম অমা অমসুং ইঞ্জিনিয়রিং তাক্স ফোর্স(ই.তি.এফ.) চখাইদুনা থমখ্রে৷ নেভীগী দাইভরশিং চংশিল্লি অমসুং ইন্দিয়ন এয়র ফোর্স(আই.এ.এফ.)গী এয়রক্রাফতশিং অমসুং হেলিকোপ্তরশিং স্তেনবাই ওইনা থম্লি৷

লাক্কদৌরিবা নুমিৎ নিনি অসিদা মফম অদুদা নোং তাবা য়াবগী খুদম লৈতে হায়না মীফম অদুদা আই.এম.দি.না খঙহনখ্রে৷

কেন্দ্রগী হোম সেক্রেতরী, পৱার মন্ত্রালয়গী সেক্রেতরী, আই.তি.বি.পি.গী দি.জি., আই.দি.এস.কী চীফ, এন.দি.এম.এ.গী মেম্বরশিং, এন.দি.আর.এফ.কী দি.জি., সি.দবল্যু.সি.গী চিয়রমেন, আই.এম.দি.গী দি.জি. অমসুং দি.আর.দি.ও.গী চিয়রমেন অমসুং অতোপ্পা সেনিয়র ওফিসিয়েলশিং অসিগা লোইননা মীফম অদুদা শরুক য়াখি৷ উত্তরখন্দগী চীফ সেক্রেতরীসু মীফম অদুদা মহাক্কী ওফিসরশিংগী তীম অদুগা লোইননা শরুক য়াখ্রে৷

                                                                                     ******