অলজেব্রা অমসুং জিওমিত্রীগী তাইনফমদা লৈরিবা কনসেপ্তা মীৎয়েঙ চঙদুনা সাইন্তিস্তশিংনা অথুবা মতমদা হেন্না মতিং লৈবা মেচিন লর্নিং এপ্লিকেসন পীবা ঙম্বা অচৌবা অল্গোরিথম শেমগৎপা ঙম্লবা য়াই‍।

চহী অসিগী ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজীনা পীবা স্বর্নজয়ন্তি ফেলোসিপ ফংখিবা তাতা ইন্সতিত্যুৎ ওফ ফন্দামেন্তেল রিছর্চ মুম্বাইগী এসিস্তেন্ত প্রোফেসর হরিহরন নারায়ন্না ওবজার্বেসনশিংদগী তম্বা ঙম্বা অমদি মেনিফোল্দ অমসুং লাই গ্রুপ হায়না খঙনবা মেথমেতিকেল ওবজেক্তশিংদা য়ুম্ফম ওইবা প্রিদিক্সনগী ফীভম ফগৎহনবা ঙম্বা মেচিন লর্নিং অল্গোরিথম অমা শেম্বা পাম্লি‍। মসিনা ভিজুএল অবজার্বেসন্নচিংবা অকক্নবা সোর্সশিংদগী থোরকপা দেতাশিং মোদেল্লিং তৌবগী ফীভম ফগৎহনবা ঙমগনি‍।

মেচিন লর্নিং হায়বসি চাউরাক্না কম্প্যুতর অমবু ওবজার্ব তৌরিবা দেতাশিংদগী তুংগী ওবজার্বেসনশিংগী মচাক লৌবা ঙমহন্নবা পান্দম থম্লিবা দিসিপ্লিন অমা ওইনা মশক তাকপা য়াই‍। মেচিন লর্নিংদা খুমাং চাউশিনহনবদা মরুওইবা হেন্না খুমাং চাউশিলহনবা মথৌ তাবা মায়কৈ অনি লৈ‍। অহানবদা মশিং য়ামদবা ওবজার্বেসন খরদগী মচাক লৌবনি‍। অনিসুবা অসিনা ক্রাইও-ইলেক্ত্রোন মাইক্রোসকোপ অমসুং ৱর্ল্দ ৱাইদ ৱেবকুম্বা ভিজন অমসুং ইমেজিংগী লমদা নৌনা শীজিন্নবা হৌরক্তুনা মাঙজিন থানা চেনখৎলক্লিবা কম্প্লেক্স দেতাশিং শেন্নববুনি‍।

মেনিফোল্দ অমসুং লাই গ্রুপশিং শীজিন্নবনা হায়রিবা ৱাফম অনিসিদা কান্নগনি অমদি তশেংনা শীজিন্নরকপা মতমদা হেন্না ফবা প্রিদিক্সন পীবা ঙম্বা অল্গোরিথম শেমবা ঙম্লকপা য়াই‍।

(মখা তাবা অকুপ্পা ৱারোলগীদমক, দোক্তর হরিহরন নারায়নগা  (harius80[at]gmail[dot]com) পাউ ফাওনবা য়াগনি‍।)

******