লৌমীশিংগী মহৈ-মরোমশিং অসি মাংহন্দনবা অমসুং ক্রোপ ইন্সুরেন্সকী কান্নবা অদু লৌমীশিং অসি য়ৌহন্নবা ২০২১-২২ চহী অসিগী ওইনা ভারত সরকারনা প্রধান মন্ত্রী ফসল বিমা য়োজনা(পি.এম.এফ.বি.ৱাই.)গীদমক লুপা কোতি ১৬০০০গী শেনফম কাইথখ্রে৷ মসিগী শেনফম অসি হৌখিবা ২০২০-২১ চহী অসিদা থাদখিবা শেনফম অদুদগী লুপা কোতি ৩০৫ হেন্না ৱাংবা হেল্লি৷ মসিনা লৈবাক অসিদা লৌউ-শিংউগী সেক্তর অসি চাওখৎনবা হোৎনবদা সরকার অসিনা লেপ্পা লৈতনা হোৎনরি হায়বসি তাকপনি৷

প্রিবেন্তেদ সোইং অমসুং মিদ-সিজনগী খুদোংচাদবশিং অসিনা মরম ওইরগা মাং তাক্লিবা য়াওনা মরৈ-মরোং হুনদ্রিঙৈদগী হৌদুনা মরৈ-মরোং অদু লোক্লবা মতুং ফাওবগী মপুং ওইবা ক্রেপিং সাইকল অদু স্কিম অসিদা মনুং চল্লি৷

চহী ৫গী মমাংদা ২০১৬কী জানুৱারি ১৩দা মসিগী ফ্লেগশিপ ক্রোপ ইন্সুরেন্স স্কিম অসি ভারত সরকারনা এপ্রুব তৌখি৷ ঙসিদি পি.এম.এফ.বি.ৱাই. অসি লৌমীশিং শরুক য়াবদা মালেম অসিগী খ্বাইদগী চাওবা ক্রোপ ইন্সুরেন্স স্কিম ওই অমসুং প্রিমিয়মগী ওইনা ৩শুবা মফম কল্লি৷ চহী-চহীগী ওইবা বেসিস্তা লৌমীগী এপ্লিকেসন কোতি ৫.৫ হেন্না স্কিম অসিদা লাকখি৷

হৌখিবা চহী ৫ অসিদা স্কিম অসিগী স্ত্রকচরেল, লোজিস্তিকেল অমসুং অতোপ্পা চেলেঞ্জশিং অসি য়েংলগা প্রধান মন্ত্রী ফসল বিমা য়োজনা(পি.এম.এফ.বি.ৱাই.)স্কিম হেন্না মপুং ফাহন্নবা লৌউ-শিংউ অমসুং লৌমীশিংগী য়াইফ থৌরাংগী মন্ত্রালয়না অসিনা হোৎনখ্রে৷

থৌদোক অমনা মাং তাক্লবা মহৈ-মরোংশিং অদু পুং ৭২গী মনুংদা লৌমীশিংনা ক্রোপ ইন্সুরেন্স এপ, সি.এস.সি. সেন্তর নত্রগা খ্বাইদগী নক্নবা এগ্রিকল্চর ওফিস্তা রিপোর্ত তৌহন্দুনা স্কিম অসি লৌমীশিংদা য়াম্না লাইহল্লি৷ স্কিম অসিনা য়ারবা লৌমীশিং অদু মশা মশাগী বেঙ্ক একাউন্তশিং অসিদা শেলগী মতেং হাপ্লক্তুনা কান্নবা ফংহল্লি৷

পি.এম.এফ.বি.ৱাই. পোর্তেলগা লেন্দ রেকোর্দশিং অসিগা পুনশিন্নবা, স্কিম অসিগী কান্নবা ফংনবা লৌমীশিং য়াম্না লাইনা মমিং চনবা অমসুং মাং তাক্লবা মহৈ-মরোংশিং অদু য়েংশিন্নবা সেতলাইত ইমেজরী, রিমোত-সেন্সিং তেক্নোলোজী, দ্রোনশিং, আর্তিফিসিয়েল ইন্তিলিজেন্সশিং অমসুং মেছিন লর্নিং তেক্নোলোজীশিং শিজিন্নবা অসিনা স্কিম অসিগী মরু ওইবা ফিচর খরা ওই৷

হৌজিক ফাওবগী ওইনদি পি.এম.এফ.বি.ৱাই.গী মখাদা মমিং চল্লকখিবা অপুনবা লৌমীশিং অসিগী মনুংদা ৮৪%দি অপিকপা অমসুং মার্জিনেল লৌমীশিংনি৷ অসুমতৌদনা কা হেন্না শাথিনা মাং তাক্লবা লৌমীশিং অসিদা শেল-থুমগী ওইবা মতেং অসি ফংহল্লি৷

স্ত্রকচরেল, লোজিস্তিক অমসুং অতোপ্পা চেলেঞ্জশিং থেংনবা অমসুং #অত্মনির্ভর ভারত ফংবা ঙম্নবা পি.এম.এফ.বি.ৱাই.গী কান্নবশিং অসি লৌমী পুম্নমক্তা ফংহনবা অসিনা সরকার অসিগী পান্দম ওই৷

                                                                                  ******