এ.এস.ই.এ.এন.গী ৮শুবা মীফম-ইন্দিয়া তুরিজম মন্ত্রীশিং অসিগা কম্বোদিয়াগী তুরিজমগী মন্ত্রী ঐচ.ই. দা. থোংখোনগা ভিদিয়ো কনফরেন্সিংগী খুৎথাংদা ফমখিবা মীফম অদুদা কল্চর অমসুং তুরিজমগী রাজ্যগী কেন্দ্রগী মন্ত্রী শ্রী প্রহলাদ সিংহ পতেলনা থৌরম মপু ওইখ্রে৷ মীফম অসি এ.এস.ই.এ.এন. তুরিজম মন্ত্রীশিংগী(এম-এ.তি.এম.) ২৪শুবা মীফম অসিগা লোইননা পাংথোকখ্রে৷

হৌরকপগী থৌরমদা কোবিদ-১৯ লাইনা-লাইচৎ অসিনা মরু ওইদুনা মফম অসিদা লৈরিবা মীয়ামশিং অসিগী পুন্সি মাংহনখিবা অমসুং চৈথেং কয়া অমা পীরিবা অসিদা মন্ত্রীশিং অসিনা নুংঙাইতবা ফোংদোকখ্রে৷ লাইনা-লাইচৎ অসিনা মরম ওইদুনা তুরিজম সেক্তরদা পীরিবা শাফু অসি হন্থনবা অমা অমগা মতেং পাংনদুনা পুন্না থবক তৌমিন্নবগী তঙাই ফদবা লৈ হায়না মন্ত্রীশিং অসিনা ফোংদোকখ্রে৷

কোবিদ-১৯ লাইনা-লাইচৎ অসি লাকশিন্নবা খক্তা নত্তনা অতোপ্পা লৈবাকশিং অসিদা হিদাক-লাংথকশিং অমসুং মেদিকেল ইক্যুইপমেন্তশিংগী মতেং পীখিবা অসিগীদমক প্রধান মন্ত্রী শ্রী নরেন্দ্র মোদীবু শ্রী প্রহলাদ সিংহ পতেলনা থাগৎখ্রে৷

এ.এস.ই.এ.এন. লৈবাকশিং অসিগা ভারতকী হিস্তোরিকেল অমসুং কল্চরেলগা লৈনবা মরী অদু শ্রী পতেলনা পনখ্রে অমসুং বুধিস্ত সর্ক্যুইত অসিগীদমক অচৌবা তুরিস্ত ত্রাফিক লৈহন্দুনা ভারততা লৈরিবা বুধিস্ত তুরিজম অসিদা এ.এস.ই.এ.এন. অসি য়াম্না মরু ওইবা মার্কেৎ অমা ওই হায়না ফোংদোকখ্রে অমসুং সর্ক্যুইত অসিদা ইনফ্রাস্ত্রকচর শেমগৎনবা তুরিজম মন্ত্রালয়না শেল চাওনা থাদখ্রে৷ ভারততা লৈরিবা বু্ধিস্ত হেরিতেজ অসিগী মতাংদা ময়ামদা এৱার্নেস পীনবা অমসুং বুধিস্ত সাইতশিং অসিদা ফোরেন্দ তুরিস্ত ত্রাফিক হেনগৎনবা তুরিজম মন্ত্রালয় অসিনা ইন্তরনেস্নেল বুধিস্ত কনক্লেব(আই.বি.সি.) শিনখ্রে

তুরিজমদা পুন্না খুৎশম্নদুনা অমসুং মতেং পাংনদুনা চৎমিন্ননবা এ.এস.ই.এ.এন. অমসুং ভারত অনিগী মরক্তা খন্না নৈনখিবা অসিগী মতাংদা মন্ত্রী অসিনা অপেনবা নুংঙাইবা ফোংদোকখ্রে৷ এ.এস.ই.এ.এন. অমসুং ভারত অনিগী মরক্তা লৈরিবা য়ানা ৱারোল অসিগী ফ্রেমৱার্ক্কী মখাদা তুরিজমদা এ.এস.ই.এ.এন.-ভারতকী মরক্তা মখাতানা মতেং পাংমিন্নবা হায়না মন্ত্রীশিং অসিনা য়ানদুনা অপুনবা মেদিয়া স্তেতমেন্ত অমগা লোইননা মীফম অসি লোইশিনখি৷

                                                                                   ******