কম্পোজিৎ রো মেতরিয়েলশিং শেমগৎনবা অমসুং পুথোক্নবগীদমক বেঙ্গলুরুদা পাংথোক্লিবা এরো ইন্দিয়া ২০২১ অসিগী ২০২১গী ফেব্রুৱারি ৪দা হিন্দুস্তান এরোনোতিক্স লিমিতেদ(হাল) অমসুং মিশ্রা ধাতু নিগম লিমিতেদ(মিধানি) অনিগী মরক্তা য়ানা ৱারোল অমা শহি পীনখ্রে৷ কম্পোজিৎ রো মেতরিয়েলশিং অসিগীদমক অসিগুম্না শহি পীনবা অসি হন্দক্কী অসিনা ইহান হানবনি৷ য়ানা ৱারোল অসি সেনিয়র ওফিসিয়েলশিংগা লোইননা হালগী চিয়রমেন অমসুং মেনেজিং দাইরেক্তর শ্রী আর. মধাবন অমসুং মিধানিগী চিয়রমেন অমসুং মেনেজিং দাইরেক্তর দা. এস.কে. ঝানা শহি পীনখি৷

কম্পোজিৎশিং অসি হালগা পুন্না খুৎশম্নদুনা শাগদৌরিবনি হায়না শ্রী আর. মধাবননা ফোংদোকখ্রে৷ লাইত কোম্বেৎ এয়রক্রাফত(এল.সি.এ.), এদভান্স লাইত হেলিকোপ্তর (এ.এল.ঐচ.), লাইত কোম্বেৎ হেলিকোপ্তর(এল.সি.ঐচ.) অমসুং লাইত য়ুতিলিতী হেলিকোপ্তর(এল.য়ু.ঐচ.)গুম্বা প্লেতফোর্মশিং অসিদা শিজিন্নরিবা মরু ওইনা প্রিপ্রেগশিংগী মওংদা ফংলিবা কম্পোজিৎ রো মেতরিয়েলশিং অসি হৌজিক হৌজিক্কী ওইনদি মপান লৈবাক্তগী লৌশিল্লি৷

মসি কম্পোজিৎ মেতরিয়েলশিং অসিগী হিরম অসিদা চংশিল্লিবা অচৌবা খোঙথাংনি হায়না মিধানিগী সি.এম.দি. শ্রী এস.কে. ঝানা ফোংদোকখ্রে৷ হালনা ফ্রান্তলাইন ওইরিবা এয়রক্রাফত অসি পুথোকপদা নত্তনা মসিদা চংলিবা রো মেতরিয়েলশিং অসিসু পুথোক্নবা হোৎনরি৷ এয়রক্রাফত এপ্লিকেসনশিং অসি শাবদা শিজিন্নরিবা তোঙান তোঙানবা মখলগী প্রিপ্রেগশিং(কার্বোন, এরামিদ, গ্লাস মখলশিং) অসি পুথোকপা ঙম্লে৷ মসিনা মপান লমগী ওরিজিনেল ইক্যুইপমেন্ত মেনুফেকচররশিং(ও.ই.এম.শিং) অসিদা মখা পোন্দ্রবসু য়ারগনি৷ “অত্মনির্ভর ভারত” ইনিসিয়েতিব অসিগা মরী লৈননা কোলাবোরেসন তৌদুনা ভারততা অসিগুম্বা প্রিপ্রেগশিং অসি শেম্বা অমসুং পুথোকপা তঙাই ফদে হায়না মহাক্না ফোংদোকখ্রে৷

মরু ওইনা ফাইতর এয়রক্রাফত/হেলিকোপ্তর অসি শাবদা প্রিপ্রগশিং অসি মেতেলিক রো মেতরয়েলশিং অসিদগী হেন্না কান্নবা অসিনা মরম ওইরগা এরোস্পেস্তা কম্পোজিৎ শিজিন্নবগী চাং অসি লেপ্পা লৈতনা হেনগৎলক্লগনি৷ অসিগীসু মথক্তা ইন্দিয়ন স্পেস রিসর্চ ওর্গনাইজেসন(ইসরো), দিফেন্স রিসর্চ দিভেলপমেন্ত ওর্গনাইজেসন(দি.আর.দি.ও.) অমসুং নেস্নেল এরোস্পেস লেবোরেতরীশিং(এন.এ.এল.) য়াওনা অতোপ্পা এরোস্পেস অমসুং দিফেন্স প্রোগ্রামশিং অসিদা অসিগুম্বা পোৎচাকশিং অসিগী অৱাৎপা অদুমক লৈরগনি৷

                                                                                      ******
 

(Release ID: 1695358) Visitor Counter : 103