দিপার্তমেন্ত ওফ পর্সোনেল অমসুং ত্রেনিং (দি.ও.পি.তি.)না সিদ্যুল কাস্ত (এস.সি.)/ সিদ্যু ত্রাইব (এস.তি.)/ অদর বেকৱার্দ ক্লাসেস (ও.বি.সি.)শিংগী খাক্তুনা থমবা মেনশিনগদবা ৱাৎহৌবা অহাঙবা ফমশিং মেনশিনবগী খোঙজেল য়েংশিল্লি, অমদি মসিদা মন্ত্রালয়শিং/ দিপার্তমেন্তশিং, মখোয়গী পব্লিক সেক্তর বেঙ্কশিং/ ফাইনান্সিএল ইন্সতিত্যুসনশিং, সেন্ত্রেল পব্লিক সেক্তর অন্দরতেকিংশিংগা মরী লৈনবা দেতাশিং য়াওরি‍।

দি.ও.পি.তি.না মন্ত্রালয়/ দিপার্তমেন্ত খুদিংমক্তা বেকলোগ রিজর্ব ভেকেন্সীশিং খঙদোক্নবা, অসিগুম্বা ভেকেন্সীশিং লৈবগী মরম থিজিন্নবা, অসিগুম্বা ভেকেন্সীশিং লৈহল্লকপগী মরমশিং লৌথোক্নবা থৌরাং পায়খৎনবা অমদি ফমশিং অসিবু অখন্নবা রিক্রুতমেন্ত দ্রাইব পাঙথোক্তুনা মেনশিন্নবা ইন-হাউস কম্মিতী অমা শেম্ননবা পাউতাক পীখ্রে‍। সেপ্তেম্বর ১৯৯৩দা হৌদোকখিবা মতুংদগী ও.বি.সি.শিংগী রিপ্রজেন্তেসন হেনগৎলক্লি‍। ইনফোর্মেসনগী মতুং ইন্না, ০১.০১.২০১২দা লৈবা ও.বি.সি.শিংগী রিপ্রেজেন্তেসন চাদা ১৬.৫৫ ওইবদা, ঙসি ফাওবদা মন্ত্রালয়/দিপার্তমেন্ত ৫৩দগী ফংবা দেতাগী মতুং ইন্না ০১.০১.২০১৯ দা চাদা ২০.৪৬তা হেনগৎলে‍।

ৱাফম অসি ঙসি রাজ্য সভাদা হংলকপা ৱাহং অমগী অইবা পাউখুম পীরদুনা দেভেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজঞ মন্ত্রী, পি.এম.ও., পর্সোনেল, পব্লিক গ্রীভান্সেস, পেন্সন, এতোমিক ইনর্জী অমসুং স্পেসকী এম.ও.এস. দোক্তর জিতেন্দ্র সিংহনা ফোঙদোকখিবনি‍।

<><><><><>